O Ieova o Lo’u Leoleo Mamoe o Ia

Ina ia fesoasoani ia tatou malamalama i le Alii, ua ta‘ua o Ia e le Salamo 23 o se leoleo mamoe. I lana saunoaga i le konafesi aoao “O Leoleo Mamoe Moni,” sa faamatalaina ai e Peresitene Thomas S. Monson (1927–2018) se leoleo mamoe sa ia vaai i ai i Siamani: “Sa ou vaai i se leoleo mamoe o i ai se tootoo i lona lima, ma taitaia mamoe. Sa latou mulimuli ia te ia po o fea lava e alu i ai. Afai e agai i le agavale, latou te mulimuli ia te ia i le agavale. Afai e agai o ia i le taumatau, latou te mulimuli ia te ia i lena itu.”¹

Mafaufau e faitau le Salamo 23 e sue ai tali i fesili nei:

E faapefea ona taitaia i tatou e le Alii?
E faapefea ona tausia i tatou e le Alii?
Na faapefea ona faamafanafanaina oe e le Alii ina ua e lagonaina ua e i ai i “le vanu o le ata o le oti”? (Salamo 23:4).

Po o le a le foliga faigata o tatou tofotofoga, “o loo i ai sa tatou siamupini, o se Faaola, na savalia le vanu o le ata o le oti mo i tatou.”²