Mo Matua

Puipuia o o Tatou Mafaufau, Tino, ma Agaga

Matua Pelē,

Ua faamanuiaina i tatou i le faitalia i le olaga. E mafai ona tatou faaaogaina lena faitalia mo faamoemoega manatu faapito po o le faamuamua o le Atua, e pei ona aoao mai e Elder Dale G. Renlund i le itulau e 4. O mea tatou te filifilia e aafia ai e le gata ia i tatou ae faapena foi i latou e siomia i tatou. O punaoa o loo lisiina iinei e mafai ona fesoasoani ia te oe ma lou aiga e malamalama ai i sauaga, faapea foi ma le auala e puipuia ai ma fesoasoani i tagata na sao mai i sauaga e faamalolo mai ai.

Talanoaga o le Talalelei

Faaaloalogia o Tuaoi

Na tuuina mai e le Tama Faalelagi o tatou tino ma lo tatou faitalia, ae o nisi taimi e faaaoga ai e tagata isi tagata i ni auala e faatiga ai i latou. E mafai ona e faaaogaina le tusiga i le itulau e 12 e talanoa ai i uigaloloto felataʻi talafeagai ma le tusiga i le itulau 16 e faatalanoa ai le taua o le faaaloalogia o tuaoi patino ma mea e tatau i tamaiti ona fai pe afai ua solia tuaoi e patino ia i latou.

Punaoa a le Ekalesia e uiga i Sauaga

Ua tautino mai ma le mausali e le Alii ma Lana Ekalesia e le mafai ona taliaina le sauaga (tagai Tusitaulima Aoao: Auauna Atu i Le Ekalesia a Iesu Keriso o le Au Paia o Aso e Gata Ai, 38.6.2, ChurchofJesusChrist.org). O i tatou uma o fanau a lo tatou Tama Faalelagi, ma e tatau ia i tatou uma ona saogalemu, alofagia, ma taulimaina ma le faaaloalo. Ae paga lea, o nisi tagata ua oʻo i tulaga tau sauaga pe iloa se tasi na sauaina. Ua saunia e le Ekalesia ni punaoa faafuainumera mo tagata ua sauaina, o e ua sauaina isi, po o e iloa se tagata ua afaina. O lo’o avanoa foi punaoa e fesoasoani i tagata ia iloa faailoga o sauaga.

Ina ia maua nei punaoa i le polokalama o le Potutusi o le Talalelei, filifili le Fesoasoani o le Olaga ona sosoo ai lea ma le Faatautala. Po o le ChurchofJesusChrist.org, kiliki le Potutusi, Potutusi o le Talalelei, Fesoasoani o le Olaga, ona sosoo ai lea ma le Faatautala.

Amataga o Talanoaga e uiga i le Saogalemu i luga o le Initoneti

Afai e te le o mautinoa pe faapefea ona talanoa i lau fanau e uiga i le saogalemu i luga o le initoneti, mafaufau e fesili atu ia i latou ni fesili faapenei (mai le “Scams and Safety,” Federal Bureau of Investigation, fbi.gov):

• Ua ou faalogo e uiga i tagata matutua o faamalosia tamaiti i luga o le initoneti e lafo atu ata o o latou tino. Pe na e faalogo e uiga i se mea faapena?

• Pe na i ai se tasi i le aoga na pueina se ata o i latou na lafo i le toatele o tagata? O le a se mea e mafai ona tupu i lena tagata pe afai o le ata e maasiasi ai?

• Na taumafai se tasi e te le iloa e faafesootai oe pe talanoa i luga o le initoneti?

• Aisea e te manatu e manao ai se tagata matua e talanoa i se tamaititi i luga o le initoneti?

Mai le Mekasini Mo Le Malosi o le Autalavou

Faatulaga ni Tuaoi Maloloina Lelei

O le aoaoina e faatulaga tuaoi saʻo i mafutaga e taua tele, aemaise lava mo se tasi na mafatia i sauaga i se taimi ua mavae. I lenei tusiga, saili ai mataupu faavae mo le setiina o tuaoi o le a fesoasoani ia tumau ai le saogalemu ma le maloloina o lau tupulaga.

Mai le Mekasini o le Uo

Ia Tumau ai i le Saogalemu

E tatau i lau tama ona lagona le alofaina, toafilemu, ma saogalemu, tusa lava po o le a. Faaaoga le itulau lea e fesoasoani e aoao ai lau tama i auala e tumau saogalemu ai mai sauaga.

Talanoa i Lau Tama e Uiga i Sauaga

I lenei punaoa faaeletonika-mo na’o matua, e mafai ona e mauaina fautuaga, manatu mo talanoaga, ma se faaputuga o punaoa e fesoasoani ia te oe e faatautaia ai talanoaga ma lau tama e uiga i sauaga. O lenei punaoa e mafai ona maua i le lomiga o le Uoo Aokuso 2022 i luga o le Potutusi o le Talalelei.

Sau, Mulimuli Mai ia te Au Gaoioiga Faaleaiga

“Ta Felatai Nei, le Atua ma Oe”

Salamo

“E masani ona tatou lagonaina le malosi tele o le Agaga pe a tatou pepese i viiga i le Atua” (Ronald A. Rasband, “Fausia se Olo o le Faaleagaga ma le Puipuiga,” Liahona, Me 2019, 108).

1. Tuu se ata o le Faaola i le isi itu o le potu ma fai atu i tagata uma e nonofo i le isi itu o le potu.

2. Filifili se viiga po o se pese Peraimeri e uiga ia Iesu Keriso e usu faatasi.

3. A o usuina fuaiupu taitasi, ia faalatalata atu tagata uma i le ata o Iesu.

4. A latalata loa tagata uma i le ata, faasoa atu molimau i le Faaola ma le taua o Ia ia te outou i o outou olaga.

5. O nisi o salamo ua faatulagaina i musika. Atonu e te faalogo i le Salamo 23 ma le 150 a le Aufaipese a le Tapeneko i le Lotoa o le Malumalu o se vaega o lau gaoioiga. Mulimuli i upu mai au tusitusiga paia.

Talanoaga: O a fuaiupu mai le Salamo po o isi tusi o tusitusiga paia e faamanatu mai ai ia i tatou le mea na faia e Iesu Keriso mo i tatou ma fesoasoani ia tatou lagonaina Lona mana ma le alofa i o tatou olaga?

Auina mai e Mitzi Schoneman