“Ekōjkan Ad Jeram̧m̧an jān Meram eo an Laļin?,” Liaona, Jān. 2023.
Itok, Ļoor Eō
Ekōjkan Ad Jeram̧m̧an jān Meram eo an Laļin?
The Second Coming, jān Grant Romney Clawson, jān kape eo m̧oktata jān Harry Anderson
Jon ekar itok “bwe en kōnnaan kōn Meram eo,” “Meram e m̧ool, ej kameram armej otemjej, im itok n̄an laļ” (Jon 1:7, 9). “Meram eo ej erromaakļo̧k jān im̧aan mejān Anij … [im] leļo̧k mour n̄an aolep men ko otemjeļo̧k” (Katak im Bujen Ko 88:12–13).
Ekōjkan an meram eo kōjeraam̧m̧an kōj? Lale Alma 19:6; 36:20; Katak im Bujen Ko 88:67.
Ta eo meram ej epaake? Lale Katak im Bujen Ko 84:45.
Ekōjkan ad eddōk ilo meram? Lale Katak im Bujen Ko 93:28.
Wōn eo ej Meram an Laļin? Lale Jon 8:12; 3 Nipai 18:16, 24.
Būreejtōn Lorenzo Snow (1814–1901) ekar katakin, “Jej tōmak bwe jetōb eo ej letok jeļāļo̧kjeņ n̄an armej ej itok jān eo Ekajoor Bōtata, eo ej ajeeded ilo aolepān laļ, eo ej meram eo im mour eo n̄an men otemjej, im bwe aolep bōro ko rem̧ool ej pād ippān im ej m̧ōttanļo̧k an armej eo erreo, m̧ool, im an ikdeelel in jeļā m̧ool eo im n̄an kōm̧m̧an em̧m̧an n̄an ro itūrin” (The Teachings of Lorenzo Snow, ed. Clyde J. Williams [1996], 107).