N̄an Pāāren ro

Baam̧le ko im Meram eo an Laļin

Ro Jinen im Jemen Jitōnbōro,

Baam̧le eo ej juon kadkad emenin aikuj an karōk in m̧ōņōņō eo an Jemādwōj Ilan̄ n̄an ajri ro Nejin. Katak ko ilo māākjiin eo an allōn̄ in emaron̄ jipan̄ eok kōkm̧anm̧anļo̧k ekōnono ko ilo baam̧le ko im jipan̄ jerbale apan̄ ko ilo jemjerā ko an baam̧le. Komaron̄ bar kōjerbal māākjiin in n̄an jipan̄ eok katakin ajri ro jet katak ko reaorōk jān Kallim̧ur Ekāāl.

Ekkōnono ko kōn Gospel in

Jisōs Kraist Ej Ad Meram Em̧ool

Kwaļo̧k ippān baam̧le eo am̧ jet katak ko jān katak eo an Būreejtōn Ballard peij 4 kōn eddo eo an Jisōs Kraist āinwōt Meram eo an Laļ in. Āinwōt juon baam̧le, komaron̄ kōmmane juon laajrak in men ko rej kwaļo̧k meram ilo m̧weo im̧ōm̧ im ekkōnono kōn men ko roktak jān doon im meram ej kōm̧m̧ane n̄an kōj. Ilo wāween rōt ko Jisōs Kraist, ej jipan̄ kōj, āinwōt ijo eļaptata ej kwaļo̧k meram ilo jetōb?

Ekkōnono ko Rejjab Ennojak ilo Baam̧le ko

Eaorōk n̄an m̧aanjabpopo ilo jetōb n̄an kapan̄pan̄ ko an mour in. Ilo peij 12, riiti jet iaan naan in kapilōk ko jān counselor in ājmour ilo kōļmenļo̧kjeņ kōn wāween eo n̄an kōm̧m̧ane, ekkōnono ko reaorōk im rōkōkkajooror ippān ajri ro nejūm̧. Ewi iaan ļōmņak kein im elmakot kein komaron̄ kōjerbale ilo baam̧le eo am̧ make?

Kōpooj Buruwōd n̄an Naan eo

Riit katak eo an Brother Camargo ilo peij 38 kōn pārabōļ eo kōn rikallūb eo. Ekkōnono ippān baam̧le eo am̧ kōn ta ko bwidej ko roktak rej kwaļo̧k meļeļein ilo pārabōļ in. Ajri ro reddik remaron̄ jin̄n̄a men ko jān pārabōļ eo im ekkōnono kaki, im ajri ro rerūttoļo̧k remaron̄ riiti pārabōļ eo ilo Mark 4:3–20 im kwaļo̧k ļōmņak im kajjitōk ko aer.

Itok, Ļoor Eō Limo an Baam̧le

Kōm̧m̧ane Men ko Reppen kōn Jipan̄ an Anij

Āinwōt Meri im e rilikin Elisabet ilo Kallim̧ur Ekāāl (lale Luk 1:5–55), jet iien maron̄ kajjitōk ippād n̄an kōm̧m̧ane men ko reppen im jemaron̄ kōlmenļo̧kjeņ eļan̄n̄e jemaron̄.

1. Kōjenolo̧k juon nien men ejjeļo̧k kobban, eo āinwōt juon bōkaj ak juon bo̧o̧k, ilo jabōn ruum̧ eo.

2. Leļo̧k n̄an kajjojo uwaan baam̧le eo juon ko̧o̧ļin bao.

3. Ijjino jān jait eo juon ilo jem̧ļo̧kin ruum̧ eo jān ijo nien men eo ej pād, kōm̧m̧an bwe kajjojo uwaan baam̧le eo en kajjeon̄ kadeļo̧n̄ ko̧o̧ļin bao eo ippāer n̄an lowaan container eo jān aer uki im kōm̧m̧an bwe en pād wōt mejatoto ilo aer etetal ilowaan ruum̧ eo.

4. N̄an kōm̧m̧an bwe menin en ļapļo̧k an ben, kōtļo̧k wōt bwe en 30 jekōn, im kōjerbale juon straw n̄an uki ko̧o̧lin bao eo. Wōnm̧aanļo̧k wōt im kadikļo̧k jon̄an jekōn eo m̧ae ikkure eo etal im lukkuun ben im ban tōprak.

Ekkōnono: Likūt ilo kōļmenļo̧kjeņ eo am̧ bwe jet apan̄ remaron̄ jab tōprak ilo mour in, kwaļok juon am̧ en̄jake kōn juon iien eo me ekar kōkajoor naan in kam̧ool eo am̧ bwe “men ko armej re bani, Anij ej maron̄ kaki” (Luk 18:27) Ta bun̄tōn ko reddik komaron̄ kōm̧m̧ani kajjojo raan n̄an tōpar men ko me kalimjōki ke rejjāmin tōprak?

Kar jilkinļo̧k jān Lisa Thomas

Jān N̄an Kōkajoorļo̧k Jodikdik ro Māākjiin

Bōk Meram an Kraist im Kajeeded E

Būreejtōn M. Russell Ballard ej katakin jodikdik ro wāween aer maron̄ bōk eļapļo̧k meram eo an Kraist ilo mour ko aer im wāween aer maron̄ kajeeded e ippān ro jet.

Jipan̄ ro Rekar Mour jān Ko̧kkure

Lale ta kein jipan̄ ko im jipan̄ ko rej peļļo̧k n̄an boktok kōjatdikdik im kōmour n̄an ro rekar mour jān ko̧kkure.

Jelm̧ae Kajjitōk ko im Bere

Brother Jan E. Newman ej leļo̧k jet naan in kapilōk eļap aer jipan̄ n̄an jet jodikdik ro n̄an iien ko n̄e renaaj en̄jake an marok jepooļ er kōn kajjitōk ko reppen im pere.

Anij Ej Maron̄ E Aolep Men

Lale wāween an Anij kwaļo̧k kabwilōn̄lōn̄ ko n̄an kōj—jim̧ōr raan ko etto im raan kein.

Jān eo Jera Māākjiin

Jisōs Ej Ad Meram

Riiti juon ennaan jān Būreejtōn Dallin H. Oaks kōn wāween An Jisōs Meram eo an Laļ in. Innem kadedeļo̧k m̧akūtkūt in kamejeej eoon ko.

Jaat in Riiti Jeje ko Rekwojarjar

Kōjerbal jaat in n̄an ekkatak jeje ko rekwojarjar ippān ajri ro nejimi aolepān iiō in.

Ļoore Jisōs ilo England

Kajjojo allōn̄ ilo iiō in, ioon juon m̧ōttam̧ eo ekāāl jān bar juon laļ oktak im ekkatak kōn wāween aer ļoor Jisōs ijo rej jokwe ie.