Tei i’ō nei te ’Ēkālesia

Johannesburg, ’Āfirita Apato’a

Hōho’a nā Getty Images

’Ua tae te mau misiōnare mātāmua nō Te ’Ēkālesia a Iesu Mesia i te Feiā Mo’a i te mau Mahana Hope’a nei i te fenua ’Āfirita Apato’a i te matahiti 1852. I te mau matahiti i muri mai, ’ua upo’oti’a te mau melo i ni’a i te mau fifi i te pae nūna’a ’e te ta’ere nō te fa’atupu i te hō’ēra’a ’e te auhoara’a. I teie mahana, tē vai ra i roto i te ’Ēkālesia i ’Āfirita Apato’a :

• 69 400 melo (fātata)

• 17 titi, 195 pāroita ’e ’āma’a, 4 misiōni

• 2 hiero (Johannesburg ’e Durban) ’e 1 tei fa’aarahia (Cape Town)

Ha’amaita’ihia e te ’evanelia

Tauahihia e tāna mo’otua tamāhine fēti’i, ’o Thuto (i te pae ’aui) ’e tāna tamāhine fēti’i ’o Lizzie Mohodisa (i te pae ’atau), ’ua parau Dimakatso Ramaisa (i rōpu) ē, te ora-’āmui-ra’a i te ’evanelia, ’ua ha’amaita’i te reira e toru u’i.

Hōho’a nā Papama Tungela

Mau mea hau atu ā nō ni’a i te ’Ēkālesia i ’Āfirita Apato’a

• ’Ua fa’atupu te hō’ē ta’ata nō ’Āfirita Apato’a i tāna ’ōpuara’a ’ia haere i te hiero.

• E ’ohipa rahi tā te Buka a Moromona i fa’atupu i ni’a i te mau melo nō ’Āfirita Apato’a.

’Ua riro te tuatāpapara’a i te pāpa’ira’a mo’a a te ta’ata hō’ē ’ei hō’ē tuha’a nō te orara’a o te Feiā Mo’a i te mau mahana hope’a nei i ’Āfirita Apato’a, mai tō te Feiā Mo’a i te mau mahana hope’a nei nā te ao ato’a nei.

’Ua riro ato’a te tuatāpapara’a i te pāpa’ira’a mo’a ’ei ’ohipa mātāmua roa nā te mau melo o te ’Ēkālesia i ’Āfirita Apato’a.

I pīha’i iho i te ’oire nō Cape Town, tē orihaere nei te hō’ē ’utuāfare nā te pae tahatai ’e te mou’a Table Mountain i muri.

Tē putuputu nei te hō’ē pupu vahine i pīha’i iho i te hiero nō Durban ’Āfirita Apato’a hou tōna ha’amo’ara’a.

Tē ha’api’i nei te hō’ē metua tāne nō Johannesburg, ’Āfirita Apato’a, i tāna mau tamari’i nō ni’a i te mau rāve’a tauturu a te ’Ēkālesia e ’itehia i ni’a i te natirara.

’Ua ha’amo’ahia te hiero nō Durban ’Āfirita Apato’a i te 16 nō Fēpuare 2020.

Tē aroha nei Elder Ronald A. Rasband ’e tāna vahine i te mau melo i muri a’e i te hō’ē rurura’a i ’Āfirita Apato’a.