Mai pe’e mai

Mataio 10

E aha te aura’a ’ia pi’ihia e te Fatu ?

I roto i te Mataio 10, ’ua fa’atōro’a te Fa’aora i tāna nā ’āpōsetolo hō’ē ’ahuru e ma piti, ma te hōro’a ia rātou i te mana ’e te tura, ’e te ’ite nō te ha’amata i te poro i tāna ’evanelia ’e i te ha’amau i tāna ’Ēkālesia. ’Ua fafau ato’a ’oia ia rātou i te mana nō te fa’aora, nō te ti’avaru i te mau vārua, ’e nō te paraparau ma te ha’amanara’a (hi’o mau ’īrava 1, 20). ’Ia tai’o ’outou i roto i te Mataio 10 nō ni’a i te fa’aineinera’a te Fatu i te mau ’āpōsetolo nō tō rātou mau pi’ira’a, ’a feruri i te huru ’o tō te Fatu fa’aineinera’a ia ’outou nō tā ’outou tāvinira’a i roto i te ’Ēkālesia.

Mau parau a’o nō roto mai i te Fatu

’Ua hōro’a ato’a te Fatu i te mau ’āpōsetolo i te tahi mau arata’ira’a faufa’a rahi ’o tē tauturu ’e ’o tē pāturu ia rātou i roto i tā rātou tāvinira’a. E nehenehe ato’a te rahira’a o teie mau parau a’o e fa’a’ohipahia nō tātou i roto i tā tātou tāvinira’a. ’A tai’o ai ’outou i te mau ’īrava i muri nei i roto i te Mataio 10, ’a tāpa’o i te mau arata’ira’a ’e te mau anira’a tā te Fatu i hōro’a ia rātou.

• ’Īrava 8:

  ____________________

• ’Īrava 19 :

  ____________________

• Mau ’īrava 29–31 :

  ____________________

• ’Īrava 39 :

  ____________________

’Ia pi’ihia ’outou nō te tāvini i roto i te ’Ēkālesia, e tauturu mai te Fatu ia ’outou i te ravera’a i tāna ’ohipa. E ha’amaita’i mai ’oia ia ’outou i te mau ’itera’a, te mau arata’ira’a ’e te heheura’a. E fa’ata’ahia ’outou ’e e fāri’i ’outou i te ha’amanara’a nō ’ō mai i te Atua ra nō te rave fa’aoti i tō ’outou pi’ira’a.

E nehenehe ’outou e ha’api’i rahi mai nō ni’a i te mau hōpoi’a o tō ’outou pi’ira’a i roto i te Buka arata’i rahi i ni’a i te ChurchofJesusChrist.org.

’Āparaura’a

E aha te taime tō ’outou fāri’ira’a i te heheura’a ’e te mana nō te rave maita’i a’e i tō ’outou mau pi’ira’a ? E aha te mau ha’amaita’ira’a tei fafauhia tā te Fatu i hōro’a mai ia ’outou nō te tauturu ia ’outou i roto i tā ’outou tāvinira’a i roto i te ’Ēkālesia ?