Mai, pe’e mai

Mataio 14

Nāhea te Mesia i te hōro’a mai iā’u i te mana nō te rave i te mau mea fa’ahiahia ?

I te roara’a o tō tātou orara’a, ’a ha’afātata ai tātou i te Mesia ’e ’a ha’api’i mai ai i te fa’aro’o i te reo o te Vārua, e anihia paha ia tātou ’ia rave i te mau ’ohipa ’aita tātou i pāpū roa. Mai ia Petero i te haerera’a nā ni’a i te pape, e nehenehe e hōro’ahia ia tātou te mana nō te rave i te ’ohipa e mana’ohia ra ē e’ita e ti’a, mai te mea e rōtahi tātou i ni’a i te Mesia ’e, mai tā Elder Quentin L. Cook nō te pupu nō te Tino ’Ahuru ma Piti ’āpōsetolo i ha’api’i mai, « e ora nā roto i te fa’aro’o ’e ’eiaha nā roto i te mata’u » (« E ora nā roto i te fa’aro’o ’e ’eiaha nā roto i te mata’u », Liahona, Novema 2007, 70).

’Ātivite

’A tai’o i te Mataio 14:22–33 ’e ’a fa’ata’a i te ’ohipa i tupu ia Petero.

Nāhea i ti’a ai ia Petero ’ia haere nā ni’a i te pape ?

Fa’ahōho’ara’a nā Paul Mann

Nō te aha ’oia i ha’amata ai i te tomo ?

Nāhea tō te Fatu fa’aorara’a iāna ?

’Ia tūtonu ana’e tātou i ni’a i te Mesia, tei reira ’oia i te mau taime ato’a nō te tauturu ia tātou.

’Āparaura’a

E aha tā te Fatu e ani mai nei ia ’outou ’ia rave ? E aha tā tō ’outou fa’aro’o e nehenehe e tauturu ia ’outou ’ia rave fa’aoti ? E aha tā ’outou e nehenehe e rave nō te upo’oti’a i ni’a i te mata’u ?