Misingi ya Injili

Kushiriki Injili ya Yesu Kristo

Tunapotafakari kuhusu baraka tunazopokea kwa sababu tu waumini wa Kanisa la Yesu Kristo la Watakatifu wa Siku za Mwisho, tunataka kushiriki injili na wale tuwapendao. Tunaweza kushiriki shuhuda zetu za ukweli kupitia maneno yetu na mifano. Tunaweza kuomba kwa ajili ya mwongozo ili kujua mtu wa kushiriki naye na cha kusema.

Wapende Wengine

Sehemu muhimu ya kushiriki injili ni kuwapenda wengine. Tunapoonyesha upendo wetu kwa wengine kupitia matendo kama ya Kristo, tunashiriki injili ya Yesu kristo—wakati mwingine pasipo kusema neno lolote. Na wakati wengine wanapotambua kwamba tunawajali kwa dhati, wanaweza kuwa radhi zaidi kusikiliza mawazo yetu kuhusu injili. (Ona Gary E. Stevenson, “Penda, Shiriki, Alika,” Liahona, Mei 2022, 84–87.)

Shiriki katika Njia za Kawaida na Asilia

Tunaweza kushiriki kile tukipendacho kuhusu injili. Tunapofanya hili kama sehemu ya maisha yetu ya kila siku, haitakuwa jambo baya au lisilofaa. Kwa mfano, tunaweza kuongea na familia na marafiki zetu kuhusu kile tukifanyacho Jumapili. Au tunaweza kuwaambia kuhusu furaha tunayohisi tuwatumikiapo wengine. (Ona Dieter F. Uchtdorf, “Kazi ya Umisionari: Kushiriki Yaliyo Moyoni Mwako,” Liahona, Mei 2019, 15–18.)

Waalike Wengine Kuungana Nasi

Tunaweza kuwaalika wengine kujifunza zaidi kuhusu injili. Kwa mfano, tunaweza kuwaalika wahudhurie mkutano au shughuli ya Kanisa, kusoma Kitabu cha Mormoni, kuangalia video ya Kanisa au kutembelea pamoja na wamisionari. Uzoefu huu unaweza kuwasaidia kumhisi Roho na kutaka kujifunza zaidi.

Uliza kuhusu Uzoefu Wao

Baada ya marafiki na wanafamilia kuja kanisani au kufundishwa na wamisionari, tunaweza kuwauliza kuhusu uzoefu wao. Baadhi ya mafundisho ya injili yanaweza kuwa mapya kwao, hivyo tunaweza kujibu maswali waliyonayo. Tunaweza kuonyesha upendo na msaada kwa juhudi zao za kusonga kwa Kristo.

Ongezea kwenye Imani Zao

Tunathamini na kuheshimu imani za wengine na tunajaribu kuongeza kwenye imani waliyonayo tayari. Kwa mfano, rafiki ambaye amepata faraja katika maandiko ya Biblia anaweza pia kupata faraja katika mafundisho tunayoshiriki kutoka kwenye Kitabu cha Mormoni.

Wasaidie Waumini Wapya wa Kanisa

Wakati watu wanapojiunga na Kanisa, tunaweza kusaidia kuimarisha imani zao. Tunaweza kuwa rafiki yao, kujibu maswali yao na kuwasaidia pale wanapopokea wito. Tunawahimiza kuendelea kumfuata Yesu Kristo na kujifunza kuhusu injili Yake.

Tumikia Misheni

Kwa kuongezea kwenye kushiriki injili katika maisha yetu ya kila siku, waumini wa Kanisa wanaweza kuitwa kama wamisionari. Kama wamejiandaa, wavulana wanaweza kutumikia pale wafikapo miaka 18. Wasichana na watu wazima pia wanaweza kutumikia. Unaweza kupata taarifa zaidi kwenye ChurchofJesusChrist.org/callings/missionary.

Kutoka kwenye Maandiko

Yesu kristo aliwaamuru wafuasi Wake kushiriki injili na kila mmoja (ona Marko 16:15).

Wale wanaoitwa kutumikia wanapaswa kufanya hivyo “kwa moyo wao wote, uwezo, akili na nguvu zao zote” (ona Mafundisho na Maagano 4).

Tutapata shangwe kuu pale tutakaposaidia kuwaleta wengine kwenye injili (ona Mafundisho na Maagano 18:15–16).

Nyenzo za Mtandaoni

“Ni kwa jinsi gani ninaweza kushiriki Kitabu cha Mormoni na rafiki?” “Ni kwa jinsi gani ninamuunganisha rafiki yangu na wamisionari?” Maswali haya na mengine yanajibiwa kwenye ChurchofJesusChrist.org/share.

Gospel Library (kwenye ChurchofJesusChrist.org au ukitumia programu ya simu) pia ina mkusanyiko wa nyenzo, ikijumuisha imani zetu za msingi. Chagua “Shiriki Injili” ili kujifunza zaidi kuhusu kipi cha kushiriki na jinsi ya kushiriki.

Ili kujifunza zaidi kuhusu kuwaimarisha waumini wapya, angalia kwenye Maktaba ya Injili upande wa “Vitabu vya Maelekezo na Miito” na kisha kwenye “Miito katika Kata au Tawi.”

Gundua Zaidi

Ikiwa una maswali kuhusu kushiriki injili, unaweza kuzungumza na kaka au dada zako wahudumiaji, viongozi wa kata au tawi lako au wamisionari.