Avia, hanaraka Ahy

1 Korintiana 15

Inona avy ireo zavatra mahatalanjona mitranga noho ny Fitsanganana amin’ny maty?

Nampianatra ireo Korintiana ny toetry ny vatana natsangana tamin’ny maty i Paoly Apôstôly. Ny vatantsika dia “atsangana amin’ny tsy fahalovana… amim-boninahitra … [sy] amin’ny hery” (1 Korintiana 15:42–43). Nampianatra ihany koa izy fa “ny fahafatesana [dia horesena] ka levona” (1 Korintiana 15:54) saingy inona io fandresena io? Ireto teny notsongaina manaraka ireto dia afaka manampy antsika hahatakatra ireo fandresena nateraky ny Fitsanganana amin’ny maty ireo.

He Lives [Velona Izy], nataon’i Simon Dewey

Mandresy ny fahafatesan’ny vatana

“Fa tahaka ny ahafatesan’ny olona rehetra ao amin’i Adama no ahaveloman’ny olona rehetra kosa ao amin’i Kristy.”

1 Korintiana 15:22

Saints Risen from the Dead at Resurrection of Christ [Olomasina nitsangana tamin’ny maty tamin’ny andro nitsanganan’i Kristy tamin’ny maty], nataon’i Del Parson

Manana vatana tonga lafatra sy tsy mety maty

“Hakambana indray ao amin’ny endriny tomombana ny fanahy sy ny vatana; ny rantsambatana sy ny vanintaolana dia samy haverina amin’ny tena endriny.”

Almà 11:43

When Waiting Is Over [Rehefa tapitra ny fiandrasana], nataon’i Lars Justinen, nahazoana lalana avy amin’ny GoodSalt.com

Mihaona indray amin’ireo olona akaikin’ny fo

“Tafiditra ho isan’ny fitsanganana amin’ny maty ny fahafahana hiaraka amin’ireo olona ao amin’ny fianakaviantsika. …

“… Nitomany ny tsirairay avy amintsika rehefa misy fahafatesana. … Tokony hidera an’ Andriamanitra isika noho ny fitsanganana amin’ny maty azo antoka izay mahatonga ny fisarahantsika eto an-tany ho tsy maharitra.”

Filoha Dallin H. Oaks, Mpanolotsaina voalohany ao amin’ny Fiadidiana Voalohany, “La résurrection,” Liahona, Juillet 2000, 19.

Fifanakalozan-kevitra

Moa ve ireo fahamarinana ireo manome anao fanantenana misimisy kokoa ho an’ny ho avy? Ahoana no ahafahanao mizara ireo fahamarinana ireo amin’ireo izay mety mila mandre izany?