Եկ, հետևիր ինձ

Բ Կորնթացիս 7

Ինչպե՞ս է Աստծո ուզած կերպով տրտմությունը օգնում մեզ ապաշխարել

Լուսանկարը՝ Մարկ Մաբրի

Պողոս Առաքյալն ուսուցանել է. «Աստծո ուզած կերպով տրտմությունը ապաշխարություն է առաջ բերում փրկության համար … բայց աշխարհի տրտմությունը մահ է բերում» (Բ Կորնթացիս 7.10): Մենք կարող ենք աշխարհիկ վիշտ, ամոթ և հուսահատություն զգալ, երբ մեղք ենք գործում: Այնուամենայնիվ, երբ մենք դիմում ենք Փրկչին՝ ապաշխարելու համար, մենք հրավիրում ենք Նրան փոխակերպել մեր սրտերը և մեր վիշտը վերածել ուրախության (տես Ալմա 36.18–20):

Աստծո ուզած կերպով տրտմություն և ճշմարիտ ապաշխարություն

Երբ մենք Աստծո ուզած կերպով տրտմություն ենք զգում, մենք գիտակցում ենք մեր թերությունները և ցանկանում ենք առաջադիմել: Մենք հույս ենք զգում ապագայի հանդեպ և զգում ենք Փրկչի սերը մեր հանդեպ:

Դիտարկեք այս հարցերը՝ Բ Կորնթացիս 7 ուսումնասիրելիս:

• Ի՞նչ է նշանակում, երբ մենք «տրտմ[ում ենք] ապաշխարության համար» (հատված 9):

• Ի՞նչ քայլեր ենք ձեռնարկում, երբ Աստծո ուզած կերպով տրտմություն ենք զգում (տես հատված 10–11):

Աշխարհիկ վիշտն ընդդեմ Աստծո ուզած կերպով տրտմության

Աշխարհիկ տրտմությունը մեզ ներքև է քաշում, ոչնչացնում հույսը և հորդորում տեղի տալ հետագա գայթակղություններին:

Աստծո ուզած կերպով տրտմությունը մեզ դարձի է բերում և փոխում մեր սրտերը: Այն ստիպում է մեզ ատել մեղքը և սիրել բարությունը: Այն խրախուսում է մեզ կանգնել և քայլել Քրիստոսի սիրո լույսի ներքո: Իսկական ապաշխարությունը վերափոխման մասին է, այլ ոչ՝ տանջանքի կամ տառապանքի: Այո, սրտանց ափսոսանքը և անհնազանդության համար իսկական զղջումը հաճախ ցավոտ և շատ կարևոր քայլեր են ապաշխարության սուրբ գործընթացում: Բայց երբ մեղքը մեզ տանում է դեպի ինքնատելություն կամ թույլ չի տալիս մեզ կրկին բարձրանալ, դա ոչ թե նպաստում, այլ խափանում է մեր ապաշխարությունը:

Երեց Դիտեր Ֆ. Ուխդորֆը Տասներկու Առաքյալների Քվորումից, «Դուք կարող եք դա անել հիմա», Լիահոնա, նոյ. 2013, 56:

Քննարկում

Կարդացեք Վարդապետություն և Ուխտեր 18․9-13: Ի՞նչ է մտածում Փրկիչը մեր մասին՝ չնայած մեր անկատարությանը: Ինչպե՞ս կարող ենք փոխել մեր տեսակետը մեր մասին, որպեսզի համապատասխանի Նրա տեսակետին: