“E Faapefea Ona Fesoasoani le Tiga e tusa i le Atua ia i Tatou ia Salamo Ai?,” Liahona, Sete. 2023.
Sau, Mulimuli Mai ia te A’u
E Faapefea Ona Fesoasoani le Tiga e tusa i le Atua ia i Tatou e Salamo Ai?
Ata na pueina e Mark Mabry
Na aoao mai le Aposetolo o Paulo e faapea “o le tiga e tusa i le Atua e tupu ai le salamo e oo i le ola… ae o le tiga faalelalolagi e tupu ai le oti” (2 Korinito 7:10). Atonu tatou te lagonaina le tiga faalelalolagi, maasiasi, ma le lotovaivai pe a tatou agasala. Ae a o tatou liliu atu i le Faaola ia salamo, tatou te valaaulia o Ia e liua o tatou loto ma liua o tatou faanoanoaga i le olioli (tagai Alema 36:18–20).
Tiga e Tusa i le Atua ma le Salamo Moni
Pe a tatou lagonaina le tiga e tusa i le Atua, ua tatou iloa o tatou vaivaiga ma mananao e faia le mea sili ona lelei. Tatou te lagonaina le faamoemoe mo le lumanai—ma lagonaina le alofa o le Faaola mo i tatou.
Mafaufau i fesili nei a o e suesueina le 2 Korinito 7:
-
O le a le uiga pe a i’u o tatou “tiga i le salamo”? (fuaiupu 9).
-
O a ni taga tatou te faia pe a tatou lagonaina le tiga e tusa i le Atua? (tagai fuaiupu 10–11).