2023
Vaai atu i le Atua mo le Faamoemoega ma le Taitaiga
Setema 2023

“Vaai atu i le Atua mo le Faamoemoega ma le Taitaiga,” Liahona, Sete. 2023.

Mo Mātua

Vaai atu i le Atua mo le Faamoemoega ma le Taitaiga

Ata
aiga o loo tatalo

Matua Pelē,

E lei auina mai i tatou e lo tatou Tama oi le Lagi i le lalolagi e aunoa ma se taitaiga. E ala i meaalofa paia o tusitusiga paia, tatalo, perofeta soifua, o le tasi ma le isi, ma le isi, e mafai ai ona tatou vaai atu i le Atua mo le faamoemoega ma le taitaiga. A o e faitauina lenei lomiga o le Liahona, mafaufau loloto i punaoa ua Ia tuuina mai ia i tatou e fesoasoani ai ia i tatou ia maua le uiga i lenei olaga ma toe foi atu ia te Ia i le isi olaga.

Talanoaga o le Talalelei

O La Tatou Matafaioi Autasi i le Fuafuaga a le Atua

I le avea ai o se aiga, e mafai ona outou faitauina le 1 Korinito 11:11 ma talanoaina le uiga. Faasoa atu faamatalaga mai le tusiga a Elder Gerrit W. Gong (itulau 4), lea o loo faamalamalama mai ai le matafaioi tuufaatasi a alii ma tamaitai i le ata o le faaolataga. E mafai faapefea e o tatou eseesega ona tuufaatasia i tatou nai lo o le vaevaeina o i tatou?

O Le Mana Faamalolo o le Faatuatua

Faitau faatasi le Mataio 15:21–28 lea e talanoa e uiga i le fafine o Kanana. Aisea e te manatu ai o lona faatuatua na taitai atu ai i le faamaloloina o lana tama teine? Faitau fuaitau mai le tusiga a Peresitene Camille N. Johnson o loo i le itulau e 8 ina ia malamalama atili ai i le matafaioi o le agamalu ma le faatuatua i le mauaina o le mana o le Alii.

Faamanatu o Aso Taitasi o Iesu Keriso

Fesili atu i lou aiga, E faapefea ona e manatua le Faaola i lou olaga? Faitau vaega autu mai le tusiga o loo i le itulau e 38 e uiga i le taua o le manatuaina. Mafaufau e tuu i lou fale se ata po o se upusii e faamanatu atu ai ia te oe e uiga ia Keriso.

Mea Mālie Faaleaiga o leSau, Mulimuli Mai ia te A’u

Manatua Faamanuiaga a Keriso i Aso Taitasi

1 Korinito 15

Sa aoaoina e Paulo le Au Paia i Korinito i upumoni e faapea “na maliu Keriso ma sui o a tatou agasala … na tanu foi o ia ma toe tu mai i le aso tolu” (1 Korinito 15:3–4). Sa ia fautuaina i latou ia “taofi mau” (1 Korinito15:2) i le talalelei sa ia talai atu ia i latou. Valaaulia lou aiga e taaalo i le taaloga o manatuaga lenei:

  1. Tuu atu i tagata uma se taimi e tusi ai i lalo se tali puupuu i le fesili lenei: O le a se faamanuiaga o le talalelei ua e olioli ai ona o le Togiola a le Faaola? (Mo nisi manatu, tagai 1 Korinito 15:19–29.)

  2. Feauauai i le faasoaina atu o mea na e tusia ma toe taulotoina e ala i le manatuaina o le mea na tusia e le tagata na muamua ia te oe.

Talanoaga: E mafai faapefea ona tatou manatua atili faamanuiaga ua tuuina mai e Keriso ia i tatou? Mafaufau e fai se fuafuaga faaleaiga e mafaufau ai i se auala se tasi i aso taitasi ua faamanuiaina ai e Keriso o outou olaga.

Lolomi