“E Faapefea Ona Ou Faafaigofieina Lo’u Olaga e Taulai Atu ai ia Keriso?,” Liahona, Sete. 2023.
Sau, Mulimuli Mai ia te A’u
E Faapefea Ona Ou Faafaigofieina Lo’u Olaga e Taulai atu ai ia Keriso?
Sa Maoona i Latou Uma, saunia e Walter Rane; ata pue o le tioata faalapopoa e ala i le Getty Images
Ua aoao mai i tatou e le Aposetolo o Paulo ina ia taulai atu “i le [faafaigofie o loo] ia Keriso” (2 Korinito 11:3).
Pe i ai se taimi na e maua ai oe lava ua faia le talalelei a Iesu Keriso ia sili atu ona lavelave nai lo le mea o loo i ai? O nisi taimi tatou te taulai tele atu ai i foliga vaaia po o faamatalaga laiti lea e amata ai ona tatou lagonaina le lofituina.
Faafaigofie Lou Auala
Na tuuina mai e Elder Dieter F. Uchtdorf o le Korama a Aposetolo e Toasefululua le fautuaga lenei “afai o loo e manatu e le o matua aoga tele le talalelei ia te oe, ou te valaaulia oe ia taofi teisi lava, toe tagai i lou olaga mai se mea maualuga, ma faafaigofie lou auala i le avea ai ma soo. Taulai atu i aoaoga faavae autu, mataupu faavae, ma faaaogaaga o le talalelei. Ou te folafola atu o le a taiala ma faamanuia outou e le Atua i o outou ala e faamalieina ai le olaga, ma o le a mautinoa lava le aoga atili o le talalelei mo outou” (“E Aoga!,” Liahona, Nov. 2015, 22).
O le a se aoaoga faavae autu se tasi, mataupu faavae, po o le faaaogaina o le talalelei e mafai ona e taulai atu i ai i lenei vaiaso?