“E Mafai Faapefea Ona Tatou Faia ia Sili Atu le Lotogatasi o a Tatou Faapotopotoga?” Liahona, Sete. 2023, 44.
Sau, Mulimuli Mai ia te A’u
E Mafai Faapefea Ona Tatou Faia ia Sili Atu le Lotogatasi o a Tatou Faapotopotoga?
Ata na tusia e Vicky Scott
Sa faalogo Paulo sa i ai fevaevaeaiga i tagata o le Ekalesia i le aai o Korinito (tagai 1 Korinito11:18). I le tali atu i ai, sa ia augani atu ai ia i latou i se tusi “ina ne’i i ai i le tino [o le Ekalesia] se maseiga [vaeluaina] a ia fetausiai faatasi uma itu tino” (1 Korinito 12:25).
E mafai ona tatou faaalia lenei “fetausiai uma itu tino” e ala i faatinoga lē manatu faapito o le alofa ma le alofa mama. Sa ta’ua e Paulo le tele o auala e mafai ona tatou faia ai lenei mea ina ia atili lotogatasi ai a tatou sootaga.
Olioli faatasi ma faanoanoa faatasi ma isi.
“Pe afai e tiga le tasi itu tino, ia tiga faatasi ai itu tino uma lava; pe viia le tasi itu tino, ia olioli faatasi ai itu tino uma lava” (1 Korinito 12:25-26).
Faatino ni galuega lē manatu faapito o le auauna atu.
“Aua ne’i saili se tasi i ana lava mea, a o mea lelei a le tasi” (Joseph Smith Translation, 1 Korinito 10:24 [i le 1 Korinito 10:24, vaefaamatalaga e]).
Tuufaatasi a tatou molimau i le Faaola
“Aua o i tatou le toatele, o le areto e tasi ma le tino e tasi i tatou: aua ua tofutofusia i tatou uma i le areto e tasi [a Keriso]” (1 Korinito 10:17).
Alofa i tagata uma.
“Aua le avea outou ma mea e tautevateva ai, Iutaia po o Eleni, po o le ekalesia a le Atua” (1 Korinito 10:32).