“O Le A Faapefea Ona E Saunia mo le Konafesi Aoao,” Mo Le Malosi o le Autalavou, Sete. 2023.
Sauniuni mo le Konafesi Aoao
O Le A Faapefea Ona E Saunia mo le Konafesi Aoao
Sa tele ni mea na maua e nei talavou mai le konafesi aoao. E mafai faapefea ona e saunia ia maua se aafiaga anoa?
Ou Te Fia Mulimuli i le Perofeta
Sa ou saunia a’u lava mo le konafesi aoao ia Oketopa 2022 e ala i le faitau e uiga i le Togiola a Iesu Keriso i le Tusi a Mamona ma i le Feagaiga Tuai.
I le taimi o le konafesi, sa saunoa mai Peresitene Russell M. Nelson ia i tatou ma molimau mai e uiga i le taua o le malumalu.1 I totonu o le malumalu, e folafola mai ai faamanuiaga e faavavau, ma e lagonaina se agaga matagofie pe a e alu iina.
E leai se malumalu i Nicaragua, ae ua fofogaina mai se malumalu. Ou te faamoemoe e mafai ona ou faalogo i upu a Peresitene Nelson ma alu i le malumalu pe a uma.
A o ou matamata i le konafesi, sa ou lagonaina le Agaga o molimau mai sa ou i ai i le nofoaga sa’o. Sa ou lagonaina e pei na faatumulia lo’u loto i le alofa o le Atua.
Carlos M., Nicaragua
O Le Faamalologa e Avanoa mo Tagata Uma
A o lei amataina le konafesi aoao ia Oketopa 2022, sa ou mafaufau i mea na tutupu i lo’u olaga talu ai nei. E tele mea sa faapopoleina ai lo’u mafaufau a o lei faia le konafesi, ma sa ou manao ia lagona le mafanafana, filemu, ma le malosi.
I le taimi o le konafesi, na saunoa ai Elder Quentin L. Cook o le Au Aposetolo e Toasefululua, “Ona o le Togiola a le Faaola, ua avanoa ai le faamalologa mo tagata uma.”2
O na upu na aumaia ia te a’u le filemu ma le faamoemoe. E ala i le Togiola a Iesu Keriso, pe a ou faia ni mea sese ma filifiliga sese, e mafai ona faamagaloina a’u ma lagona le filemu. Ma po o le a lava le tiga atonu ou te lagonaina, e mafai ona faamaloloina a’u. E mafai e i tatou uma ona lagonaina lena lava filemu ma le faamalologa pe a tatou salamo i a tatou agasala ma taumafai ia lelei atili i aso taitasi.
Kaye D., Filipaina
O Lau Sauniuniga mo le Konafesi
Faaalu sina minute e saunia ai mo le konafesi, ma o le a e maua ai se aafiaga sili atu. O lea la, e faapefea ona e saunia? Amata i le tusia i lalo o au fesili! Mafaufau loloto i au fesili a o e matamata, ma o le a e ofo i le tele o taimi e foliga mai ai o loo talanoa sa’o atu failauga ia te oe.