“Aisea e manaomia ai ona tatou faatinoina papatisoga mo tuaa ua maliliu?,” Mo Le Malosi o le Autalavou, Sete. 2023.
Tuusao i le Mataupu
Aisea e manaomia ai ona tatou faatinoina papatisoga mo tuaa ua maliliu?
Na aoao mai Iesu Keriso e tatau i tagata uma ona papatiso ina ia ulu atu ai i le malo o le Atua pe a mavae lenei olaga (tagai Ioane 3:5). Ae e toatele tagata e lei mauaina lava lena avanoa.
Ua faaali mai e le Atua e faapea o i latou o e ua maliliu o e e lei papatisoina e mafai ona folafola atu le talalelei a Iesu Keriso ia i latou i le lalolagi o agaga (tagai 1 Peteru 3:18–19; Mataupu Faavae ma Feagaiga 138:30–33). Ua Ia faaalia mai foi e mafai ona papatisoina e o soifua e fai ma sui o nei tagata (tagai 1 Korinito 15:29; Mataupu Faavae ma Feagaiga 124; 128). O nei papatisoga e tatau ona faia iinei i le lalolagi.
E mafai ona tatou saili mo faamaumauga o tuaa ua maliliu ma faia papatisoga mo i latou i totonu o malumalu. O lenei mea e maua ai e i latou le avanoa e talia ai le papatisoga, lea e tatau ai mo le malo selesitila.
Na saunoa mai Elder D. Todd Christofferson: “O a tatou taumafaiga e fai ma sui o e ua maliliu e fai ma molimau mamana o Iesu Keriso o le Faaola paia o tagata uma. O Lona mutimuti alofa ma folafolaga e oo lava ia i latou o e e le mauaina o Ia i le olaga” (konafesi aoao o Oketopa 2000 [Ensign, Nov. 2000, 11]).