“O Lenei Ua Toetu Keriso,” Mo Le Malosi o le Autalavou, Sete. 2023.
LeaFuaitau i luga o Lea Fuaitau
O Lenei Ua Toetu Keriso
Aoao i mea na aoao mai e le Aposetolo o Paulo e uiga i le Toetu o Iesu Keriso.
O Le Keriso Toetu, saunia e Wilson J. Ong
o lenei ua toetu mai Keriso mai le oti
Na maliu Iesu Keriso i luga o le satauro, sa faataoto i se tuugamau, ma toetu mai le oti i le aso lona tolu.
faapolopolo o e ua momoe
O le upu Eleni e faaaoga ii mo le faapolopolo o lona uiga o le uluai fua o le tausaga. O le uluai fua e selesele—o le muamua o isi mea e oo mai.
O le fasifuaitau o e ua momoe o lona uiga “o i latou o e ua oti.”
O Iesu Keriso o le tagata muamua na toetu mai, ma a mavae Lona Toetu, o le a toetutu tagata uma.
ua oo mai le oti talu le tagata
O loo talanoa lenei mea e uiga ia Atamu. O lona pa’ū o lona uiga o tagata uma o le a o mai i le lalolagi o le a feoti. (Tagai Mose 4.)
e faapea foi ona faaolaina uma ia Keriso
Ona o le Toetu o Iesu Keriso, o le a toetutu ai ia tagata uma. O lona uiga o tagata uma na soifua mai pe o le a ola mai o le a toetutu. O le a toe faatasia o tatou agaga ma o tatou tino, ma o le a faaatoatoaina o tatou tino ma ola pea. (Tagai Alema 11:43–45.)