“Filifili e Auauna Atu,” Mo Le Malosi o le Autalavou, Sete. 2023.
Ou Te Mafaia Mea Uma ia Keriso
Ua faasoa mai e le autalavou le ala na faamalosia ai e Keriso i latou e faia mea faigata (tagai Filipi 4:13).
Filifili e Auauna Atu
Sa ou manao lava i taimi uma e auauna atu i se misiona, ae ina ua atoa lo’u 18 tausaga, sa amata ai le faama’i oti. Ou te lei lagonaina le saunia e auauna atu, o lea sa ou amata ai i le kolisi, ma sa ou mauaina se sikolasipi maoae. E toatele tagata na fautua mai e le tatau ona ou alu i se misiona. Sa ou lagonaina e pei ua leai so’u manao e auauna atu.
Peitai i le konafesi aoao na saunoa mai ai Peresitene M. Russell Ballard e faapea, “Afai o lena lava e te i ai i le vaitau o tausaga mo le galuega faafaifeautalai ae e te lei auauna atu lava ona o le faama’i oti po o nisi mafuaaga, ou te valaaulia oe e auauna atu nei loa.”1 Ina ua ia fai mai le upu “nei,” sa ou lagonaina e pei o loo ia saunoa mai ia te a’u—e tatau ona ou auauna atu i se misiona i le taimi nei. Talu mai lena aso sa ou tatalo e uiga i ai ma maua ai le faamautinoaga ua oo i le taimi ou te auauna atu ai i le Alii.
Sa ou mauaina le tele o faitioga e uiga i la’u faaiuga. Sa faaleaogaina foi la’u sikolasipi. Ae o lo’u manao e alu e lava le malosi ma e le afaina ai se tasi o na mea. Na valaauina a’u e galue i le Misiona a Guatemala Quetzaltenango. E ese le faapitoa aua na faamauina ou matua mo le faavavau i Kuatemala.
Afai o loo e mafaufau pe tatau ona e auauna atu i se misiona, e le o tuai tele! Ia faatuatuaina pea le Tama Faalelagi ma Iesu Keriso O le a laua taialaina i tatou ma faamanuia i tatou i mea e le mafai ona tatou mafaufauina.
Enoc M., Ripapelika Tominika