Ua Faasilasila Mai e le Ekalesia le Faafouga o Viiga

Ua fuafua nei e Le Ekalesia a Iesu Keriso o le Au Paia o Aso e Gata Ai e faamatuu atu Viiga —mo le Aiga ma le Ekalesia i le gagana Peretania, Sipaniolo, Potukale, ma le FaaFarani i le faaiuga o le 2026, ma isi gagana e sosoo ai.

O le a i ai i le tusipese fou viiga ma pese a tamaiti i le va o le 450 i le 500. E oo atu i le 50 gagana o le a lolomiina i le 2030. O lona uiga o aulotu o le Au Paia o Aso e Gata Ai i le lalolagi atoa o le a tapuai faatasi ma le tusipese ua soofaatasi ma autasia, e tutusa le faanumeraina i gagana ia e tele ona tautalagia i le Ekalesia.

I le taimi nei, o le a faamatuu atu e le Ekalesia nisi o pese fou faatekinolosi e amata i le afa muamua o le 2024. E mafai ona faaaoga faatasi ma viiga ma pese i le tusipese ma le tusipese ua lolomiina i le taimi nei a le Ekalesia. O nei viiga ma pese o le a aofia ai musika e fiafia tele i ai le Ekalesia na fatuina i le mavae ai o le 1985 (e pei o le “Faatuatua i Tulaga aao Uma”), o musika e nono mai i isi faatuatuaga, ma nisi o pese fou e 17,000 na auina mai e tagata o le Ekalesia. O le tele, pe afai e le o pese uma, o nei pese fou o le a vave maua se faalauiloaga faaeletonika o le a tuuina i se taimi mulimuli ane i totonu o Viiga—mo le Aiga ma le Ekalesia.