Nakomai, Iriirai

1 Nibwaai 11–15

I Rairaki Moa nakon te Uea?

Ti ataia man 1 Nibwaai 2:16 bwa ngke Nibwaai e kaaitara ma kangaanga, ao e rairaki moa n nakon te Uea ao te Uea e kabebetea nanona. I rarikin anne, Reimwan ao Remuera ngke a kaitibo ma te kangaanga, a ngurengure i marenaia ao n onimakina tariia are Nibwaai bwa e na karekea te kaeka ibukiia ao n aki karimoa moa te Uea (taraa 1 Nibwaai 15:8­9).

Reimwan ao Remuera a kaota te banna ibukin bwaai aika na riki ngkana ti onimakinia aomata ibukin karekean te koaua ao n aki moa rairaki nakon Uea. E rikirake ni korakora te maiu n tamnei iroun Nibwaai ao n teimatoa ni kakaonimaki nakon te Atua i nanon bongin maiuna, ma Reimwan ao Remuera a bon kitan ana reirei tamaia ake bon ana reirei te Uea. E ngae ngkai Nibwaai te aomata ae rangi ni kakaonimaki n iriira Kristo, ao e ataia bwa bon tiaki ngaia te oneanimwi ibukin ukeran te koaua are e roko mairounte Uea (taraa 1 Nibwaai 15:6­11).

Ngkai ko tabe ni baireia bwa antai ae ko onimakinna te Uea ke aomata, kakaea mai ibuakon rinerine aikai ae a irekereke ma ngkoe?

Reirei n bwain te Aonnaba	Reirei man te Euangkerio
I aki toki ni mwaninga taekan ae N na karaurau raoi n iango ao n kairekerekei reirei man te maungatabu ni kabuta.	I kamatebwai marooro man te maungatabu ni kabuta ni katoa tai bwa e aonga n tiku n aki kona n bua man au iango aia taeka ara taan kairiiri.
Ngkana iai au kan titiraki, I nako ni kakaea rekena n te intanete ke n nakon taabo ni kaongora ake i mamateakin ni kakaei kaekaan au titiraki.	Ngkana iai au kan Titiraki, I ukera buokau inanon booki aika tabu ke n aia taeka ara burabeti ni boong aikai.
I aki toki ni mwaninga n tataro ao kamatebwai Koroboki aika a Tabu.	Te Tataro ao kamatebwai man booki aika tabu bon ngaia teuana mwakoron maiu.
E taraa n tamaroa riki aia taeka n reirei Aomata nakoia taan kairiiri n te Ekaretia ao koroboki aika tabu.	I kunea te rau ngkana i kakauongo raoi nakon bwanaia ara taan kairiiri ao koroboki aika tabu.
I kabonganai riki aia koaua aomata nakon reirei man te euangkerio.	I kabonganai riki reirei man te euangkerio ao te wirikiriki are mairoun te Tamnei ae Raoiroi.

“Ti nakonako ma bwaai n rabakau aika boou … Ti bon aki nanououa bwa ti nakonako ma Iesu. Onimakinan are i bon iroura ma bwaikorakin te maiu aei ao bwain te aonaaba e kona ni kairiira nako reirei aika a kaairua ao koaua aika aki eti. A na kona n roko bwaai aikai iroura, ma a bon aki tei ibukin te koaua.”

Unimwaane Ulisses Soares man te Kooram n Abotoro n te Tengaun ma Uoman, “Light and Truth” (Bringhan Young University devotional, Ritembwa. 12, 2022), 3, speeches.byu.edu.