Ibukiia Kaaro

Kakaean Ootan te Tia Kamaiu i nanon ana Boki Moomon

Nakoia Kaaro aika a Tangiraki,

Te beeba ni kaongora n te namwakaina aei e katauraoaki man ana Boki Moomon Nakomai, Iriirai karikiram ibukin 2024. Kaongora aika mai nano a bon kabwarabwara i aon kawai ni ukora te koaua n te aonaaba ae e onrake n te rootongitong ma te mangaongao.

Marooro iaon te Euangkerio

Ukoukora te Otoa mairoun te Tia Kamaiu

Tibwauaia ma am utu tabeua reirei mairoun Beretitenti Eyring n te rongorongo are n te iteraniba 4, ao maroroakinna bwa tera ae na karaoia te oota anne i nanon maiura. Manga rinanon ana karaki Kamryn are kaineti ma arona ni kakaea te Tia Kamaiu i nanon te rootongitong. A na kanga am utu ni kunea te oota are mairoun te Tia Kamaiu ngkai ko kamatebwaia ana Boki Moomon n te ririki aei?

Ti na Kunea iaa te Koaua

Te Atua boni ngaia oin te koaua ibukin bwaai ni kabane, ao ti kona n reiakin koaua Ibukina man ukeukerana ma te botumwaaka. Unimwaane ao Titita Silva a bareia bwa a na maeka iaa ngkana a oki man aia beku n te mition, ngaia are a uaia ni ukora ana kairi te Uea (taraa iteraniba 20). Nningai te tai ae e a tia ni buokiko iai te Uea ni bwaai aika ko rangi ni kainanoia?

Noori Aika Mwaiti n Am Tai ni Kamatebwaia te Euangkerio

Ngkana a kawara te Auti ni kaotibwai ibukin korobanna, aomata aki toki ni katawe ao man kabwarabae n tarai nako tamnei ake i nanona, are e karika ae a na aki noora raoi tamaroan taian korobanna. Ai arona naba, taan wareware n ana Boki Moomon a kona n aki noori koaua aika rang kakawaki ngkana a bwaina te katawe inanon aia tai ni wareware. Baikara karikirakeara ake a na kona ni buokiira n wareware ni booki aika tabu? Taraa iteraniba 12 ibukin iango riki tabeua.

Nakomai, Iriirai Kaunga ibukin te Utu

Te Kawai ae e Eti ma n Irariki

1 Nibwaai 8; 11; 15

Katoongan uaan te kai ni kamaiu bon te kanikinaa n rinean te maiu ae akea tokina rinanon Iesu Kristo (taraa 1 Nibwaai 15:36; Reirei ao Berita aika Tabu 14:7). Kataia karaoa te waaki ni kakukurei aei bwa aonga n reiakinna bwa e kanga te kai te biti (ana taeka te Atua) ni kairiira nakon ana bwaintituaraoi te Atua ae moan te korakora.

1. Kanimwa Tamnein te kai ni kamaiu iaon te oo.

2. Kanimwa te kora (ae na tei ibukin te kai te biti) iaan te tamnei, ao kamena temanna n tei n iteran te ruu mai tabona ma tabon te kora.

3. Taua maanin te ataei ae mwananga ao n karabaaki matana mai tabon te ruu nakon te kai ni kamaiu n aki taua te kora.

4. Imwina ao manga taua maanin mwanangana nakon te kai ni kamaiu ngkai e taua te kora.

Marooro: Tera arora n taua ni kamatoa te kai ae te biti ao n aki kabwaranakoa baira mai iai?

Man Ibukin Kakorakoraia Kairake Maekatiin 

2024 Aia Kibu ni Koora Kairake

Ataa aia kibu ni koora kairake n 2024, “Ngai Ana Reirei Iesu Kristo,” ma aia rongorongo kain te Beretitentii ni kabuta irouia kairake n ataeinnaine ao kairake n ataeinimwaane ma te kuna ae boou ibukin aia kibu ni koora.

Kinaakim bwa ana Reirei Iesu

Kairake a na konaa n ataa te aroaro n riki bwa na reirei Iesu Kristo man tatarakin bwaai ake a kakaraoia ana reirei Kristo ma aroia ni mwakuri.

Riki n Ai Aron Taam

Taraia bwa ti na kanga n reiakina taekan te reirei iaon totokoan kabootauan arora ma tabemwaang ma raoraora man katematebwaian ana banna ni katooto tarin Nibwaai te ikawai ae Taam.

Man te Rao Maekatiin

Ibuobuoki ma Nakomai, Iriirai

Kakaei tiaata ibukin te wareware, waaki ni kakukurei n te wiiki, karaki man koroboki aika tabu, ao tabeua riki are a na kona ni buoka natim n reirei taekan ana Boki Moomon n te ririki aei.

Kawai ibukin warekakin ana Boki Moomon

Rongorongo ni beeba ni kaongora n te namwakaina aei iai inanona karakinaia ataei ake a kataia ni kakaei aanga aika a onoti ni wareka ana Boki Moomon. Kakaei kawai ni buoka karikirakean am kamatebwai ma am utu.

Iriran Iesu i Thailand

Kaitibo ma Panya ao reiakinna bwa e kanga n iriira Iesu. Reitinako wareware bwa ko aonga ni karekea riki ae mwaiti ibukin rongorongon Thailand.

Ibuobuoki ibukin Katean ao Barongaan Kouru

Kabonganai reirei ake a mena n te mwakoro ae Ibukia Ataei aika a Ikawai Riki ni buokiia natim bwa a na katea aia kouru ibukin te burokuraem ae Ataei ao Roronrikirake.