« តើខ្ញុំបែរទៅរកព្រះអម្ចាស់ជាមុនដែរឬទេ ? » លីអាហូណា ខែ មករា ឆ្នាំ ២០២៤ ។
ចូរមកតាមខ្ញុំ
តើខ្ញុំបែរទៅរកព្រះអម្ចាស់ជាមុនដែរឬទេ ?
យើងដឹងពី នីហ្វៃទី១ ២:១៦ ថា ពេលដែលនីហ្វៃបានប្រឈមមុខនឹងភាពមិនច្បាស់លាស់ លោកបានបែរទៅរកព្រះអម្ចាស់ ហើយព្រះអម្ចាស់បានបន្ទន់ចិត្តរបស់លោក ។ ផ្ទុយទៅវិញ នៅពេលដែល លេមិន និង លេមយួល ប្រឈមមុខនឹងភាពមិនច្បាស់លាស់ ពួកគេឈ្លោះប្រកែកគ្នា ហើយពឹងផ្អែកលើនីហ្វៃជាប្អូនប្រុសរបស់ពួកគេ ដើម្បីបានចម្លើយជាជាងការពឹងផ្អែកលើព្រះអម្ចាស់ ( សូមមើល នីហ្វៃទី១ ១៥:៨–៩ ) ។
លេមិន និង លេមយួល បង្ហាញលំនាំនៃអ្វីដែលអាចកើតឡើងនៅពេលយើងពឹងផ្អែកតែលើអ្នកដទៃសម្រាប់សេចក្ដីពិតជាជាងបែរទៅរកព្រះអម្ចាស់ ។ នីហ្វៃបានក្លាយជាមនុស្សរឹងមាំខាងវិញ្ញាណ ហើយនៅតែបន្តស្មោះត្រង់ចំពោះព្រះពេញមួយជីវិតលោក ខណៈដែលលេមិន និង លេមយួល បានបោះបង់ចោលការបង្រៀនរបស់ឪពុកពួកគេអំពីព្រះអម្ចាស់ ។ ទោះបីជានីហ្វៃជាសិស្សដ៏គួរឲ្យទុកចិត្ត តែលោកដឹងថា លោកមិនជំនួសឲ្យការស្វែងរកសេចក្ដីពិតដោយផ្ទាល់ពីព្រះអម្ចាស់ឡើយ ( សូមមើល នីហ្វៃទី១ ១៥:៦–១១ ) ។
ពេលបងប្អូនវាយតម្លៃការពឹងផ្អែករបស់បងប្អូនលើព្រះអម្ចាស់ទល់នឹងមនុស្សដទៃ តើជម្រើសមួយណាក្នុងចំណោមជម្រើសទាំងនេះដែលត្រូវនឹងបងប្អូន ?
|
ប្រភពពីលោកិយ |
ប្រភពពីដំណឹងល្អ |
|
ជាញឹកញាប់ខ្ញុំភ្លេចពិចារណា និងឆ្លុះបញ្ចាំងពីអ្វីដែលបានបង្រៀនក្នុងអំឡុងពេលសន្និសីទទូទៅ ។ |
ខ្ញុំសិក្សាជាទៀងទាត់អំពីសុន្ទរកថាសន្និសីទទូទៅ ដើម្បីរក្សាពាក្យសម្ដីរបស់ថ្នាក់ដឹកនាំឲ្យនៅថ្មីៗក្នុងគំនិតរបស់ខ្ញុំ ។ |
|
ពេលខ្ញុំមានសំណួរ ខ្ញុំពិនិត្យមើលប្រព័ន្ធផ្សព្វផ្សាយសង្គម ឬផតខាស់ដែលខ្ញុំចូលចិត្ត ដើម្បីស្វែងរកចម្លើយ ។ |
ពេលខ្ញុំមានសំណួរ ខ្ញុំស្វែងរកជំនួយក្នុងព្រះគម្ពីរ ឬពាក្យសម្ដីរបស់ព្យាការីសម័យទំនើប ។ |
|
ខ្ញុំភ្លេចអធិស្ឋាន និងសិក្សាព្រះគម្ពីរ ។ |
ការអធិស្ឋាន និងការសិក្សាព្រះគម្ពីរគឺជាផ្នែកទៀងទាត់នៃជីវិតរបស់ខ្ញុំ ។ |
|
មនុស្សដទៃទៀតមានដំបូន្មានល្អជាងថ្នាក់ដឹកនាំសាសនាចក្រ ឬព្រះគម្ពីរ ។ |
ខ្ញុំស្វែងរកភាពសុខសាន្តក្នុងការស្ដាប់ពាក្យសម្ដីរបស់ថ្នាក់ដឹកនាំសាសនាចក្រ និងព្រះគម្ពីរ ។ |
|
ខ្ញុំឲ្យតម្លៃទៅលើមតិយោបល់របស់អ្នកដទៃច្រើនជាងការបង្រៀនរបស់ដំណឹងល្អ ។ |
ខ្ញុំឲ្យតម្លៃលើការបង្រៀន និងការបំផុសគំនិតពីព្រះវិញ្ញាណបរិសុទ្ធ ។ |