Siulai

Ko e Temipalé ko e fale ia ʻo e ʻOtuá

Hiva: “ ʻOku Ou Fie Sio he Temipalé”

(THF, 99)

“ ʻOku fakaʻatā foki ʻe he ngaahi ouau mo e ngaahi fuakava toputapu ʻi he ngaahi temipale toputapú ki he toko taha kotoa pē ke ne foki ki he ʻao ʻo e ʻOtuá pea mo e ngaahi fāmilí ke fakatahaʻi ʻo taʻengata” (“Ko e Fāmili: Ko ha Fanongonongo ki Māmani”, palakalafi 3).

Fakalahiʻaki e ngaahi fakakaukau ʻoku ʻoatú ʻa hoʻo ngaahi fakakaukau pē ʻaʻaú. Palani ʻa e ngaahi founga ke ʻiloʻi ai ʻa e tokāteliné ʻe he fānaú pea tokoni ke mahino ia pea nau moʻuiʻaki foki. Fehuʻi pē kiate koe, “Ko e hā ʻa e meʻa ʻe fai ʻe he fānaú ke nau ako aí, pea ʻe anga fēfē ʻeku lava ʻo tokoniʻi kinautolu ke nau ongoʻi ʻa e Laumālié?”

Uike 1: Kuo ʻosi tuʻutuʻuni ʻe he ʻOtuá ki Hono kakaí ke langa ha ngaahi temipale.

Fakamahinoʻi ʻa e tokāteliné: Fakaʻaliʻali ha fakatātā ʻo ha temipale pea hiki ʻi he palakipoe “Ko e temipalé ko e .” Fakaafeʻi ʻa e fānaú ke nau hiva ʻa e veesi ʻuluaki ʻo e “ ʻOku Ou Fie Sio he Temipalé” (THF, 99). Talaange kiate kinautolu ke nau fakaʻilonga mai ʻaki haʻanau kūnima ʻi heʻenau hiva ʻa e kupu ʻokú ne fakakakato ʻa e sētesi ʻi he palakipoé. Fehuʻi kiate kinautolu pe ko e hā ʻa e temipale(ko e fale ʻo e ʻOtua). Tokoni ki he fānaú ke kumi ʻa e “Temple” ʻi he Bible Dictionary (ngaahi peesi 780–81). Tokoniʻi kinautolu ke nau kumi ʻa e ngaahi lea ʻokú ne fakamatalaʻi ko e temipalé ko ha fale ia ʻo e ʻEikí pea ko e ʻuhinga ia kuo fekau maʻu pē ʻe he ʻOtuá ki Hono kakaí ke langa ʻa e ngaahi temipalé.

Poupouʻi e maʻu ʻa e mahinó: Teuteuʻi ha fanga kiʻi tokoni (clues) fekauʻaki mo e ngaahi temipale naʻe langa ʻe Mōsesé (vakai ʻEkisōtosi 25:1–2, 8–9), Nīfai (vakai, 2 Nīfai 5:16), pea mo Siosefa Sāmita (vakai T&F 124:31) pea mo hono kau muimuí. Hangē ko ʻení: “Naʻe ui ʻa hotau temipalé ko e tāpanekale, pea naʻe hiki holo ia ʻi heʻetau fefonongaʻakí” (Mōsese) pe “Naʻa tau langa ha temipale hili ʻetau mavahe mei Selusalemá pea kolosi atu ʻi he tahí” (Nīfai). Fili ha fānau ʻe toko tolu ke nau fakafofongaʻi ʻa e kau palōfita ko ʻení, pea fakaafeʻi ke lau ʻenau fanga kiʻi tokoní ki he Palaimelí. Fakaafeʻí leva ʻa e longaʻi fānau kehé ke nau mateʻi mai pē ko hai ʻoku fakafofongaʻi ʻe he kiʻi tamasiʻí pe taʻahine. Hili ʻenau mateʻi ʻo tonú, fakaʻaliʻali ʻa e tā ʻo e palōfita ko iá pe ko e temipale ko ia naʻá ne langa pea mo hono kakaí.

The Book of Mormon prophet Lehi and his family aboard a ship. The family members are looking at and pointing to the shores of the promised land. Birds are flying around the ship.

A depiction of the Israelite tabernacle in the wilderness. The tabernacle is viewed from above. The interior and exterior of the tabernacle are depicted.

Poupouʻi ke nau moʻui ʻaki: Fakaʻaliʻali ha fakatātā ʻo e temipale ʻoku ofi atu ki he feituʻu ʻokú ke nofo aí. Aleaʻi e ngaahi fehuʻi ko ʻení: ʻOku mou fakakaukau ko e hā ʻa e ʻuhinga ʻoku fekauʻi ai kitautolu ʻe he ʻOtuá ke langa ʻa e ngaahi temipalé? Ko e hā ʻa e meʻa te ke lava ʻo fai ke ke mateuteu ai ke ʻalu ki he temipalé ʻi ha ʻaho?

Uike 2: ʻOku tāpuakiʻi ʻa e ngaahi fāmilí ʻe he ngaahi ouau toputapu ʻo e temipalé.

Fakamahinoʻi ʻa e tokāteliné: Fakaafeʻi ha taha ʻo e fānau lalahi angé ke ne lau ki he Palaimelí ʻa e ongo sētesi fakamuimui mei he palakalafi 3 ʻo e “Ko e Fāmili: Ko ha Fanongonongo ki Mamani”. Tuku ʻa e ngaahi foʻi lea mo e ngaahi kupuʻi lea ko ʻení ʻi he fanga kiʻi laʻipepa kehekehe: Ko e temipalé ko ha, feituʻu toputapu, ʻa ia ʻoku silaʻi fakataha ai kitautolu. Fokotuʻutuʻu tavale kinautolu ki he palakipoé. ʻAi ki ha taha ʻo e fānaú ke ne toʻo ʻa e laʻipepa ʻe taha ʻo fokotuʻu ki hono feituʻu totonú. Hokohoko pehē pē kae ʻoua kuo hokohoko lelei ʻa e ngaahi foʻileá. Hivaʻi ʻa e veesi ua ʻo e “ ʻOku Ou Fie Sio he Temipalé” pea tuku ki he konga ʻo e fānaú ke nau fanongo ki ha meʻa ʻe ua ʻoku tau fai ʻi he temipalé (fuakava mo e palōmesi ke talangofua) pea ko e konga ʻe tahá ke nau fakafanongo ki ha foʻi moʻoni kuo nau ako (ʻoku taʻengata ʻa e fāmilí). Tokoniʻi ʻa e fānaú ke mahino ko hono silaʻi kinautolu ki honau fāmilí ʻi he temipalé ʻoku ʻuhinga ia ʻe lava ke nau nofo fakataha ʻo taʻengata.

2016 Outline for Sharing Time/Children's Sacrament Meeting Program — Fakamatalaʻi mahino ʻa e tokāteline ʻokú ke akoʻí. ʻOku tokoni ʻeni ke mahino ki he fānaú pea moʻui ʻaki ia.

Poupouʻi ke nau moʻui ʻaki: Fakaafeʻi mai ha kiʻi fāmili pe ko ha niʻihi ʻo e fānaú ke nau vahevahe ʻenau ngaahi ongó ʻi he taimi ko ia ne nau ʻaʻahi ai ki he konga kelekele ʻo e temipalé pe ko e founga kuo tāpuekina kinautolu koeʻuhí ko e temipalé pea mo e ngaahi ouau ʻo e silá. Fakaafeʻi e fānaú ke nau tā ha ngaahi fakatātā ʻo honau ngaahi fāmilí ʻi tuʻa he temipalé.

Uike 3: Naʻe ngāue mālohi ʻa e kau paioniá mo feilalau ke langa ʻa e ngaahi temipalé.

Fakamālohia ʻa e mahinó: Tānaki ha fakamatala fekauʻaki mo e langa ʻo e temipale Ketilaní mo e ngaahi temipale ʻi Soleki Sití pea mo e temipale ofi taha ki he feituʻu ʻokú ke nofo aí kapau ʻe lava. (Vakai, Palaimeli 5, ngaahi lēsoni 25 mo e 44 pe LDS.org ki he fakamatala fekauʻaki mo e temipale Ketilaní mo e ngaahi temipale Sōleki Sití.) Kole ki ha kakai lalahi ke omi ki he houalotu Palaimelí ʻo vahevahe ʻa e fakamatalá pea mo e fānaú. Vahevahe ʻa e fānaú ki ha ngaahi kulupu, pea tuku ki he ngaahi kulupú ke nau fetongitongi ʻi he talanoa mo e kakai lalahí. Fakaafeʻi ʻa e fānaú ke nau hivaʻi ʻa e “ ʻOku Ou Fie Sio he Temipalé” lolotonga ʻenau ʻalu mei he tokotaha lea ki he tokotaha hokó.

Primary teachers gathered in groups in a large room. They are each being taught by a different teacher. — Mahalo pē te ke fie maʻu ke fakafeʻungaʻi ʻa e ngaahi ʻekitivitī ko ʻení ki he ngaahi fie maʻu ʻa hoʻo Palaimelí. Hangē ko ʻení, kapau ʻoku tokolahi hoʻomou houalotu Palaimelí, mahalo pē ʻe fie maʻu ke ʻalu takai holo ʻa e kau lea ne fakaafeʻi maí mei he kulupu ki he kulupu kae ʻikai ko e ʻalu takai holo ʻa e fānaú mei he tokotaha lea ki he tokotaha (vakai, *IUMF,* 220).

Uike 4: Te u lava ʻo teuteu ke taau ke hū ʻi he temipalé.

Fakamālohia ʻa e mahinó pea ke nau moʻui ʻaki: Fakaʻaliʻali ʻa e “Ko Hoku Ngaahi Tuʻunga ʻUlungāanga Mahuʻinga ʻi he Ongoongolelei” pea fakamatalaʻi ange ʻi he muimui ki he ngaahi tuʻunga ‘ulungāanga ko ‘ení, ʻe tokoniʻi kitautolu ke tau moʻui taau ke hū ʻi he temipalé. Vahevahe ʻa e fānaú ki ha ngaahi kulupu. ʻAi ke ʻi ai ha faiako ʻi he kulupu takitaha ke aleaʻi ʻa e ngaahi tuʻunga ʻulungāanga te ne tokoniʻi ʻa e fānaú ke nau mateuteu ke hū ki he temipalé pea fakamoʻoniʻi ki hono tokoniʻi ia ʻe he moʻui ʻaki ʻo e ngaahi tuʻunga ʻulungāangá. Kole ki he kulupu takitaha ke fili ha taha ʻo e ngaahi tuʻunga ʻulungāanga ʻo e ongoongoleleí pea tohi pe tā ha fakatātā ʻo ʻenau tukupā ke muimui ʻi he ʻulungāanga ko iá. Fakaafeʻi ʻa e pīsopé pe palasiteni fakakoló ki he Palaimelí, pea tuku ki he kulupu takitaha ke nau vahevahe mo ia ʻa ʻenau tukupaá. Fakaafeʻi ʻa e pīsopé pe palesiteni fakakoló ke vahevahe ʻene fakamoʻoni fekauʻaki mo e mahuʻinga ʻo e ngaahi temipalé.