Te u kumi tokoni nai ki fē?

ʻE lava ke hoko mai ʻa e tokoní ʻi ha ngaahi founga pea mo ha ngaahi maʻuʻanga tokoni kehekehe. ʻOku faʻa tali mai ʻe he Tamai Hēvaní ʻetau ngaahi lotú ʻaki hono fakahoko mai ʻo e tokoní ʻi ha niʻihi kehe. Naʻe maʻu ʻe he Fakamoʻuí tonu ha tokoni mei he kau ākongá mo e ngaahi kaungāmeʻá. Naʻá Ne maʻu foki mo ha ivi mei ha ʻāngelo lolotonga ʻEne mamahi ʻi he Ngoue ko Ketisemaní. (vakai, Luke 22:43). ʻOku mahuʻinga e maʻu ʻa e ʻofá mo e poupoú, ke tokoniʻi koe ʻi hoʻo fakaakeaké.

Ngaahi Maʻuʻanga Tokoní

Kapau te ke ongoʻi tuenoa, ʻiloʻi ʻoku ʻi ai ha kakai ʻoku ʻofa mo nau fie tokoni atu ʻo kau ai hoʻo Ongomātuʻa Fakalangí, Fakamoʻui ko Sīsū Kalaisí pea mo e Laumālie Māʻoniʻoní. ʻE lava ke nau hoko ko hoʻo maʻuʻanga tokoni maʻongoʻonga tahá. Kuo ʻosi aʻusia ʻe hotau Fakamoʻuí hoʻo ngaahi mamahí mo e faingataʻaʻiá kotoa, naʻa mo e ngaahi meʻa ne fakatupu ʻe he niʻihi kehé, pea ʻokú Ne ʻafioʻi e founga ke tokoni atu aí (vakai, ʻAlamā 7:11–12). ʻE lava ke ʻomi ʻe he Laumālie Māʻoniʻoní ha fakafiemālie, nonga, mo ha ivi fakalaumālie ke hokohoko atu e laka ki muʻá. ʻI hoʻo lotu ki hoʻo Tamai Hēvaní, fekumi ki ha tokoni, pea ʻe tataki koe ki he kakai ʻe lava ke nau tokoni atú.

Ko e fili fakafoʻituitui ʻa hono fakapapauʻi ʻo e taimi mo e tokotaha ke kole tokoni ki aí. Mahalo te ke faingataʻaʻia ʻi he kamataʻangá ke kole tokoni ki he fāmilí mo e ngaahi kaungāmeʻá pe kau taki ʻo e Siasí. Mahalo ʻe faingofua ange ke ke vahevahe ki ha kulupu tokoni pe tokotaha faifaleʻi (vakai, “ʻOku totonu nai ke u kumi tokoni fakapalōfesinale?”). ʻE lava ke fakamanavahē ʻa e kole tokoní, ka ʻi hoʻo fakahoko iá, te ke ʻohovale ʻi he lahi ʻo e ʻofa mo e talitali lelei te ke ongoʻí.

Fili ha kakai ʻoku nau poupouʻi ʻa e ngaahi tefitoʻi moʻoni ʻo e ongoongoleleí. ʻOku totonu ke maʻu laiseni (ʻi he ngaahi feituʻu ʻoku fie maʻu aí) ʻa e kau faifaleʻi fakapalōfesinalé pea maʻu e tuʻunga fakaako ke tokoni ʻi he ngaahi tūkunga ʻo e ngaohikoviá.

Ngaahi Maʻuʻanga Tokoni ʻi he Komiunitií mo e Siasí

(ʻOku ʻi ai ha niʻihi ʻo e ngaahi maʻuʻanga tokoni ʻi laló, ʻoku ʻikai faʻu, tauhi, pe puleʻi ʻe he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní. Neongo ʻoku fakataumuʻa e ngaahi naunau ko ʻení ke hoko ko ha ngaahi maʻuʻanga tokoni makehe, ka ʻoku ʻikai ke poupouʻi ʻe he Siasí ha kanoloto ʻoku ʻikai fenāpasi mo e ngaahi tokāteliné mo e akonakí.)

• ʻI ha Faingataʻa? Talanoa He Taimí Ni.

• “Connect Directory,” Victim Connect resource center

• “Support Groups,” Organizations for Adult Survivors of Abuse,” Find Support Groups | Mental Health America healthfinder.gov

• “Find Support Groups,” mhanational.org

• Faleʻi ʻa e Vaʻa Tokoni ki he Fāmilí

Ngaahi Talanoa Fekauʻaki

• ʻE lava nai ke fakamoʻui au mei he meʻá ni?

• Fēfē kapau ‘oku ou fefaʻuhi mo e falalá?

• ‘Oku totonu nai ke u kumi ki ha tokoni fakapalōfesinale?