« ការលាយបញ្ចូលគ្នារវាងជីវិតជាអ្នកផ្សព្វផ្សាយសាសនា និងជីវិតមិនមែនជាអ្នកផ្សព្វផ្សាយសាសនា » ការសម្របខ្លួនទៅនឹងជីវិតជាអ្នកផ្សព្វផ្សាយសាសនាផ្នែកសេវាកម្ម ៖ កូនសៀវភៅធនធាន ( ឆ្នាំ ២០២០ )
« ការលាយបញ្ចូលគ្នារវាងជីវិតជាអ្នកផ្សព្វផ្សាយសាសនា និងជីវិតមិនមែនជាអ្នកផ្សព្វផ្សាយសាសនា » ការសម្របខ្លួនទៅនឹងជីវិតជាអ្នកផ្សព្វផ្សាយសាសនាផ្នែកសេវាកម្ម
ការលាយបញ្ចូលគ្នារវាងជីវិតជាអ្នកផ្សព្វផ្សាយសាសនា និងជីវិតមិនមែនជាអ្នកផ្សព្វផ្សាយសាសនា
គោលបំណងមួយនៃបេសកកម្មផ្នែកសេវាកម្ម គឺដើម្បី « ជួយអ្នកផ្សព្វផ្សាយសាសនាផ្នែកសេវាកម្មម្នាក់ៗ ឲ្យរៀបចំខ្លួនធ្វើការងារបម្រើពេញមួយជីវិត » ( « Service Missions for Young Missionaries » លិខិតភ្ជាប់មកជាមួយនឹងសារលិខិតគណៈប្រធានទីមួយ ថ្ងៃ ទី ១៦ ខែ វិច្ឆិកា ឆ្នាំ ២០១៨ ) ។ អ្នកអាចខិតខំឆ្ពោះទៅរកគោលបំណងនេះ នៅពេលអ្នកបំពេញតាមការចាត់តាំងឲ្យធ្វើកិច្ចការងារបម្រើរបស់អ្នក ខណៈពេលដែលកំពុងរស់នៅក្នុងផ្ទះខ្លួនឯង ។ ការធ្វើកិច្ចការទាំងនេះក្នុងពេលតែមួយអាចជាឧបសគ្គ ។ អ្នកត្រូវគ្រប់គ្រងពេលវេលារបស់អ្នកដោយប្រុងប្រយ័ត្ន ។ ពេលអ្នកកំពុងបម្រើបេសកកម្មរបស់អ្នក អ្នកក៏កំពុងតែរៀនពីអ្វីដែលជីវិតក្រោយបេសកកម្មរបស់អ្នកនឹងតម្រូវឲ្យអ្នកធ្វើផងដែរ ។ អ្នកត្រូវតែចេះថ្លឹងថ្លែងពីការងារ គ្រួសារ ការអប់រំ សាសនាចក្រ ការងារបម្រើផ្សេងៗ និងពេលទំនេរ ។
បេសកកម្មផ្នែកសេវាកម្មរបស់អ្នកគឺជាពេលវេលា និងបរិយាកាសដ៏ល្អសម្រាប់អភិវឌ្ឍជំនាញគ្រប់គ្រងពេលវេលារបស់អ្នក ។ អ្នកនឹងចេះបត់បែន ហើយចេះគាំទ្ររចនាសម្ព័ន្ធដើម្បីកំណត់ និងអភិវឌ្ឍទេពកោសល្យពិសេសរបស់អ្នកផងដែរ ។ បន្ទាប់មក អ្នកអាចប្រើប្រាស់ទេពកោសល្យនោះដើម្បីបម្រើអ្នកដទៃបាន ។
សូមប្រឹក្សាជាមួយអ្នកដឹកនាំបេសកកម្មផ្នែកសេវាកម្ម និងប្រធានស្តេករបស់អ្នកអំពីការដាក់គោលដៅ ។ ថ្នាក់ដឹកនាំរបស់អ្នកក៏អាចជួយអ្នកឲ្យស្គាល់ទេពកោសល្យរបស់អ្នកផងដែរ ។ ការអភិវឌ្ឍទេពកោសល្យរបស់អ្នកគួរតែដាក់បញ្ចូលនៅក្នុងគោលដៅរបស់អ្នក ។ គោលដៅទាំងនេះគឺជាផ្នែកមួយនៃផែនការបេសកកម្មផ្ទាល់ខ្លួនរបស់អ្នក ដើម្បីជួយអ្នកឲ្យមានតុល្យភាពលើអាទិភាពរបស់អ្នក ។ អ្នកគឺជាអ្នករចនាដ៏សំខាន់នៃផែនការរបស់អ្នកផ្ទាល់ ។ នេះគឺជាផែនការ របស់អ្នក ។ វាផ្លាស់ប្តូរអាស្រ័យទៅលើកម្លាំង ទេពកោសល្យ សមត្ថភាពបច្ចុប្បន្ន ព្រមទាំងក្តីសង្ឃឹម និងក្តីសុបិនរបស់អ្នកនាពេលអនាគត ។ ក្រុមផ្តល់ជំនួយគាំទ្ររបស់អ្នកអាចផ្តល់ដំបូន្មាន និងលើកទឹកចិត្តអ្នកបាន ប៉ុន្តែវាជាជម្រើសរបស់អ្នក ។
ដោយមានជំនួយពីក្រុមជំនួយគាំទ្ររបស់អ្នក នោះអ្នកនឹងដាក់គោលដៅដែលអាចសម្រេចទៅបានក្រោយបេសកកម្មរបស់អ្នក និងផែនការនានាដើម្បីសម្រេចគោលដៅទាំងនោះ ។ ជំនាញដែលអ្នកអភិវឌ្ឍនឹងផ្តល់ពរដល់អ្នក និងអ្នកផ្សេងទៀតពេញមួយជីវិតរបស់អ្នក ។ អ្នកអាចប្រែក្លាយជាមនុស្ស ដែលព្រះវរបិតាសួគ៌ដ៏ពេញដោយក្តីស្រឡាញ់របស់អ្នកចង់ឲ្យអ្នកប្រែក្លាយ ។ ព្រះអម្ចាស់ក៏នឹងជួយអ្នកក្នុងដំណើរដ៏រំភើបនេះផងដែរ ។
តាមរយៈការរៀនប្រើប្រាស់ពេលវេលារបស់អ្នកដោយឈ្លាសវៃ នោះអ្នកនឹងរៀបចំខ្លួនសម្រាប់ការបម្រើពេញមួយជីវិត ។ អ្នកនឹងអាចរស់នៅតាមបទបញ្ញត្តិធំពីរ ។ បទបញ្ញត្តិទាំងនោះគឺ « ត្រូវឲ្យស្រឡាញ់ព្រះអម្ចាស់ ជាព្រះនៃឯងឲ្យអស់អំពីចិត្ត អស់អំពីព្រលឹង ហើយអស់អំពីគំនិតឯង » និង « ត្រូវឲ្យស្រឡាញ់អ្នកជិតខាងដូចខ្លួនឯង » ( ម៉ាថាយ ២២:៣៧, ៣៩ ) ។