Laʻipepa Tufa 7: Pōpoaki ki he Kau Faiako Fakalotu ʻo e Potungāue Ako ʻa e Siasí
“Laʻipepa Tufa 7: Pōpoaki ki he Kau Faiako Fakalotu ʻo e Potungāue Ako ʻa e Siasí,” Ko Hono Tali ʻEku Ngaahi Fehuʻi ʻi he Ongoongoleleí - Naunau ʻa e Faiakó (2022)
“Pōpoaki ki he Kau Faiako Fakalotu ʻo e Potungāue Ako ʻa e Siasí,” Ko Hono Tali ʻEku Ngaahi Fehuʻi ʻi he Ongoongoleleí - Naunau ʻa e Faiakó
Laʻipepa Tufa 7
Pōpoaki ki he Kau Faiako Fakalotu ʻo e Potungāue Ako ʻa e Siasí
Laʻipepa Tufa 7: Pōpoaki ki he Kau Faiako Fakalotu ʻo e Potungāue Ako ʻa e Siasí
Ko Hono Tali ʻEku Ngaahi Fehuʻi ʻi he Ongoongoleleí—Ngaahi Laʻipepa Tufá
Naʻe vahevahe ʻe ʻEletā M. Lāsolo Pālati ʻo e Kōlomu ʻo e Kau ʻAposetolo ʻe Toko Hongofulu Mā Uá ʻo pehē:
ʻĪmisi
Palesiteni M. Lāsolo Pālati
Naʻe pehē ʻe Palesiteni Kōtoni B. Hingikelī (1910–2008) ʻi ha fakataha ako ʻa e kau Taki Māʻolungá, fekauʻaki mo hono akoʻi ʻo e tokāteline ʻo e Siasí: “He ʻikai lava ke tau fuʻu tokanga. Kuo pau ke tau mātuʻaki tokanga ke ʻoua naʻa tau mavahe mei he [halá]” [General Authority training meeting, Salt Lake City, Sept. 29, 1992]. …
ʻI he ngaʻunu ki muʻa e ako ʻa e Siasí ʻi he senituli 21, ʻoku fie maʻu ʻetau kau faiakó ke nau fakakaukau ki ha ngaahi liliu ʻoku totonu ke nau fai ʻi he founga ʻo ʻenau teuteu ke faiakó, founga ʻoku nau faiako aí, mo e meʻa ʻoku nau akoʻí kapau te nau langa ha tui taʻeveiveiua ʻi he moʻui ʻa hotau toʻu tupu mahuʻingá.
Kuo ʻosi atu e ngaahi ʻaho ʻi he taimi ne fai loto-tauʻatāina ai ʻe ha tokotaha ako ha fehuʻi angatonu pea tali ange ʻe ha faiako, “ʻOua te ke hohaʻa ki ai!” … Kuo ʻosi atu e ngaahi ʻaho ʻi he taimi naʻe maluʻi ai e kau akó mei he kakai naʻa nau ʻohofi ʻa e Siasí.
Meʻa mālié pē, kuo ʻosi ʻomi ʻe he ʻEikí ʻa e faleʻi ko ʻení he taimi totonu ki he kau faiakó: “Pea koeʻuhi ʻoku ʻikai ke maʻu ʻe he kakai kotoa pē ʻa e tuí, mou fekumi faivelenga pea feakoʻiʻaki ʻiate kimoutolu ʻa e ngaahi lea ʻo e potó; ʻio, mou fekumi mei he ngaahi tohi lelei tahá ʻa e ngaahi lea ʻo e potó; mou fekumi ki he ʻiló, ʻio, ʻi he ako pea ʻi he tui foki” [Tokāteline mo e Ngaahi Fuakava 88:118].
ʻOku kaunga tonu ʻeni tautautefito he kuongá ni koeʻuhí ʻoku ʻikai maʻu ʻe hotau kau akó kotoa ʻa e tui ʻoku fie maʻu ke fehangahangai ai mo e ngaahi faingataʻa ʻoku hanga mei muʻá, pea koeʻuhí kuo ʻosi vakai e tokolahi ʻo kinautolu ʻi he ʻinitanetí ki he ngaahi mālohi fakatuʻutāmaki ʻo e māmaní ʻoku fakafili ki he tuí, fāmilí, mo e ngaahi tuʻunga moʻui ʻo e ongoongoleleí. ʻOku mafola e ʻinitanetí ʻi he funga māmaní ki he meimei ʻapi kotoa pē pea ki he nima mo e ʻatamai ʻo ʻetau kau akó. …
Naʻe akoʻi ʻe Palesiteni Hāloti B. Lī (1899–1973):
“Te mau fakamanatu atu ko hono maʻu ʻo e ʻiló ʻi he tuí ʻoku ʻikai ko ha hala faingofua ki he akó. ʻOku fie maʻu ki ai ʻa e ngāue lahi mo ha fāifeinga maʻu pē ʻi he tuí” [Harold B. Lee, ʻi he Clyde J. Williams, ed., The Teachings of Harold B. Lee (1996), 331]. …
ʻE ʻomi ʻe he ʻilo ʻi he tuí ha fakamoʻoni haohaoa, pea ʻoku maʻu ʻe ha fakamoʻoni ʻoku haohaoa ʻa e mālohi ke liliu e moʻuí. (“ʻI he Akó pea ʻi he Tuí,” Liahona, Tīsema 2016, 22–23)
Ngaahi Fehuʻi Ke Aleaʻí
Ko e hā ʻoku fuʻu mahuʻinga ai ke fenāpasi ʻetau fealēleaʻakí mo e tefitoʻi tokāteline mo e ngaahi tefitoʻi moʻoni ʻo e Siasí?
ʻE lava fēfē ke fakavaivaiʻi ʻa e tuí ʻi he taimi ʻoku tau fakaʻehiʻehi pe kalo ai mei he ngaahi fehuʻi faingataʻa ʻoku fai mai ʻe he niʻihi kehé kiate kitautolú?