Laʻipepa Tufa 9: Ngaahi Fokotuʻu ki Hono Fakatupulaki ʻo e Ngaahi Fealēleaʻaki Fakamaama ʻi he Kulupu Īkí

“Laʻipepa Tufa 9: Ngaahi Fokotuʻu ki Hono Fakatupulaki ʻo e Ngaahi Fealēleaʻaki Fakamaama ʻi he Kulupu Īkí,” Ko Hono Tali ʻEku Ngaahi Fehuʻi ʻi he Ongoongoleleí - Naunau ʻa e Faiakó (2022)

“Ngaahi Fokotuʻu ki Hono Fakatupulaki ʻo e Ngaahi Fealēleaʻaki Fakamaama ʻi he Kulupu Īkí,” Ko Hono Tali ʻEku Ngaahi Fehuʻi ʻi he Ongoongoleleí - Naunau ʻa e Faiakó

Laʻipepa Tufa 9

Ngaahi Fokotuʻu ki Hono Fakatupulaki ʻo e Ngaahi Fealēleaʻaki Fakamaama ʻi he Kulupu Īkí

Laʻipepa Tufa 9: Ngaahi Fokotuʻu ki Hono Fakatupulaki ʻo e Ngaahi Fealēleaʻaki Fakamaama ʻi he Kulupu Īkí

Ko Hono Tali ʻEku Ngaahi Fehuʻi ʻi he Ongoongoleleí—Ngaahi Laʻipepa Tufá

Te tau lava lelei taha ʻi he kalasi ko ʻení ke feakoʻaki ʻiate kitautolu ʻi he ngaahi fepōtalanoaʻaki faitotonu mo tauʻatāiná. Naʻe folofola ʻa e ʻEikí, “Tuku ke lea pē ha toko taha, pea tuku ke fanongo kotoa pē ki heʻene ngaahi leá, koeʻuhí, ka ʻosi lea kotoa ke fakamāmaʻi kotoa pē, pea ke maʻu ʻe he tangata kotoa pē ʻa e faingamālie tatau” (Tokāteline mo e Ngaahi Fuakava 88:122). Fakakaukau ki he founga ʻe lava ke tokoni ai e ngaahi fokotuʻu ko ʻení.

Kamataʻi ʻe koe.

Kapau ne ʻikai fokotuʻutuʻu, ʻoku ʻikai ha taki fealēleaʻaki, ko ia ai ʻoku ʻikai fie maʻu ia ke ke tatali kae ʻoua kuo tataki ʻe ha taha.
Kapau ʻokú ke fie lea, lea hake. Te ke lava ʻo pehē, “ʻOku ʻi ai haʻaku fakakaukau ʻoku ou fie vahevahe.”

Feinga ke potupotutatau hoʻo kau ki he alēleá.

ʻOku tau ako lelei tahá ʻi he taimi ʻoku tau fanongo ai ki he kau mēmipa kotoa ʻo e kulupú, kae ʻikai ko ha toko taha pē pe toko ua.
Kapau ʻoku fakanatula pē hoʻo tōʻonga feohí mo fakatalanoá, kātaki ʻo tokanga ke ʻoua naʻá ke maʻu kotoa e taimi fealeaʻakí pe talanoa ʻo ʻikai ha faingamālie ʻa e niʻihi kehé.
Kapau ʻoku fakanatula pē hoʻo fakalongolongó mo ʻikai faʻa leá, kātaki ʻo loto-toʻa pea lea hake kae lava ʻa e niʻihi kehé ʻo ako meiate koe. Tuku ki he tafaʻakí ʻa e fakakaukau ko ia ʻoku ʻikai mahuʻinga hoʻo fakakaukaú.

Tokanga ki he alēleá.

Fetokoniʻaki ke mou nofo maʻu ʻi he tefitó kae ʻoua ʻe fakahehema ki he ngaahi meʻa kehé pe koloa pē ke mou fakatahataha atu lolotonga e kalasí.
Tokanga taha ki he ako fakatahá kae ʻikai hohaʻa ki hono lipooti ki he toenga ʻo e kalasí.
Manatuʻi ko e taha ʻo e ngaahi taumuʻa ʻo e kalasi ko ʻení ke fakalahi hoʻomou ʻiló. ʻOku ʻuhinga ʻeni neongo ʻoku mou ʻi ha fanga kiʻi kulupu iiki ka ʻoku mahuʻinga ke mou fakaʻaongaʻi e maʻuʻanga fakamatalá kae ʻikai ko hano vahevahe pē hoʻomou ngaahi fakakaukaú.

Loto-fakatōkilalo mo akoʻi ngofua

Fakakaukau pē te ke lava ʻo ako meiate kinautolu ʻi hoʻo kulupú, peá ke loto-fiemālie ke liliu hoʻo fakakaukaú.
Mahuʻingaʻia ange ʻi hono ako ʻo e moʻoní kae ʻikai ko hono fakamoʻoniʻi hoʻo poiní.

Angaʻofa.

Tuku ke tataki ʻe he ʻofá hoʻomou ngaahi fepōtalanoaʻakí. Naʻe faleʻi ʻe he ʻAposetolo ko Paulá e kau ākonga ʻa Sīsū Kalaisí ke nau lea ʻaki “ʻa e moʻoní ʻi he ʻofá” (ʻEfesō 4:15).
Manatuʻi, ʻi he taimi ʻoku tau vahevahe ai ʻetau ngaahi fehuʻí, fakakaukaú, ongó, mo e aʻusiá, ʻoku tau tuʻu laveangofua ai. Fakaʻapaʻapaʻi mo tokaʻi e ngaahi fakakaukau ʻa e niʻihi kehé, tautautefito ki he taimi ʻoku ʻikai ke ke tui tatau ai mo kinautolú.
Hili hono vahevahe ʻe he kakaí ha meʻa, fakakaukau ke fakahaaʻi hoʻo houngaʻia moʻoni ʻi heʻenau loto-fiemālie ke leá. Te ke lava ʻo lea ʻaki ha meʻa hangē ko e “Mālō hoʻo vahevahé,” “Naʻe ʻaonga ʻaupito ia koeʻuhí …,” “Naʻe teʻeki ke u fakakaukau pehē ki ai,” pe “ʻOku ʻikai ke u fakapapauʻi pe ʻoku ou tui ki ai, ka ʻoku ou houngaʻia ke ako mei hoʻo fakakaukaú.”