“Mosias 21–24, Bahagi 2: Pagbaling sa Panginoon para sa Kaligtasan mula sa mga Paghihirap,” Manwal ng Titser para sa Aklat ni Mormon (2024)
“Mosias 21–24, Bahagi 2,” Manwal ng Titser para sa Aklat ni Mormon
Mosias 21–24, Bahagi 2
Pagbaling sa Panginoon para sa Kaligtasan mula sa mga Paghihirap
Paano ka tumutugon kapag dumaranas ka ng mga pagsubok at paghihirap? Sa iyong palagay, bakit mas lumalapit ang ilang tao sa Panginoon samantalang ang iba ay lumalayo sa Kanya? Sa Mosias 21–24, nalaman natin na ang mga tao ni Limhi at ang mga tao ni Alma ay bumaling sa Panginoon para sa lakas at kaligtasan mula sa pagkabihag. Ang lesson na ito ay naglalayong tulungan kang magtiwala sa Ama sa Langit at kay Jesucristo upang matulungan ka sa iyong mga pagsubok.
Tulungan ang mga mag-aaral na makilala ang impluwensya ng Panginoon sa kanilang buhay. Habang natututuhan ng mga estudyante kung paano pinagpala ng Tagapagligtas ang mga tao sa mga banal na kasulatan, tulungan silang malaman ang tungkuling ginagampanan Niya sa kanila ring buhay. Sabihin sa mga estudyante na pag-isipan kung paano sila tinutulungan ng Tagapagligtas sa pamamagitan ng pagkakaloob sa kanila ng paggaling at lakas.
Paghahanda ng estudyante: Maaaring kausapin ng mga estudyante ang isang kapamilya tungkol sa isang pagsubok o paghihirap na naranasan ng kapamilyang ito at ang mga paraan kung paano siya pinalakas ng Panginoon upang matiis ito.
Mga Posibleng Aktibidad sa Pag-aaral
Ito ang pangalawa sa dalawang lesson na tumatalakay sa Mosias 21–24. Kung hindi mo pa nagagawa, ituro ang Bahagi 1 bago ang lesson na ito. Kung limitado ang oras ng klase at isang lesson lang sa Mosias 21–24 ang maituturo, isipin kung paano maaaring pagsamahin ang dalawang lesson nang epektibo.
Pagtugon sa mga pagsubok
Ang sumusunod na aktibidad ay naglalayong tulungan ang mga estudyante na gumawa ng self-assessment tungkol sa isang pagsubok na nararanasan o naranasan nila. Maaari kang magsama ng ilang writing prompt o mga tanong sa pisara na gagabay sa mga estudyante habang isinusulat nila ang kanilang mga iniisip. Hindi kinakailangang ibahagi ng mga estudyante ang kanilang mga sagot sa bahaging ito ng lesson.
Sa nakaraang lesson, inanyayahan kang isipin ang isang pagsubok na nararanasan o naranasan mo. Maaaring natutuhan mo ang ilang katotohanan sa iyong pag-aaral ng Mosias 21–24 na nakatulong sa iyo na maunawaan kung bakit tinutulutan ng Panginoon na makaranas ka ng mga pagsubok. Ngayon, isiping muli ang iyong mga pagsubok, ngunit sa pagkakataong ito ay isipin kung paano mo tinugon ang mga ito. Maaari mong isulat ang mga balakid o tagumpay na naranasan mo at ang mga paraan kung paano mo nadama ang impluwensya o mga pagpapala ng Panginoon.
Ang kapangyarihang magligtas ng Panginoon
Maaari mong anyayahan ang isa o mahigit pang mga estudyante na ibuod ang naaalala nila mula sa nakaraang lesson tungkol sa pagkabihag ng mga tao ni Limhi at ng mga tao ni Alma. Kung kinakailangan, maaaring gamitin ang sumusunod na buod.
Maaaring naaalala mo na pinag-aralan mo ang tungkol sa mga tao ni Limhi (sa lupain ng Nephi) at mga tao ni Alma (sa lupain ng Helam). Kapwa sila nakaranas ng mahihirap na pagsubok habang bihag ng mga Lamanita. Ang larawang ito ay naglalarawan ng kanilang mga paglalakbay sa Mosias 21–24.
Ngayon, malalaman mo kung paano iniligtas ng Panginoon ang dalawang grupo ng mga tao mula sa pagkaalipin at patungo sa lupain ng Zarahemla. Sa iyong pag-aaral, isaisip ang iyong mga pagsubok at maghanap ng mga katotohanan na tutulong sa iyo na matukoy ang mga paraan kung paano ginagamit ng Panginoon ang Kanyang kapangyarihang magligtas sa iyong buhay.
Ang sumusunod na aktibidad ay naglalayong tulungan ang mga estudyante na malaman ang tungkol sa pagkaligtas ng mga tao ni Limhi at ng mga tao ni Alma. Maaaring makatulong na hatiin ang klase sa maliliit na grupo at atasan ang mga grupong ito na pag-aralan ang tungkol sa mga tao ni Limhi o mga tao ni Alma. Pagkatapos ay maaaring ibuod ng mga estudyante ang kanilang mga salaysay at maaari silang magbahagi ng mga makabuluhang talata o parirala at mga alituntuning pinakamahalaga para sa kanila.
Gawin ang sumusunod na chart sa iyong study journal. Tiyaking mag-iwan ng malaking espasyo upang makapagsulat ng maraming sagot sa bawat kahon.
Mosias 21–24: Lakas at Kaligtasan
Manwal ng Aklat ni Mormon para sa Seminary Teacher (2024)—“Mosias 21–24, Bahagi 2: Pagbaling sa Panginoon para sa Kaligtasan mula sa mga Paghihirap”
|
Mga Tao ni Limhi |
Mga Tao ni Alma | |
|---|---|---|
|
Ano ang mga ginawa ng mga tao upang matanggap ang tulong ng Panginoon? | ||
|
Paano tumulong ang Panginoon sa kanilang kaligtasan? | ||
|
Ano ang ilang paboritong parirala na dapat tandaan mula sa mga talatang ito? |
© 2023 ng Intellectual Reserve, Inc. All rights reserved.
Matapos magkaroon ang mga estudyante ng sapat na oras upang mag-aral, sabihin sa kanila na ibahagi ang kanilang mga sagot sa mga tanong na nakalista sa chart. Tiyaking bigyan ng pagkakataon ang maraming estudyante na ibahagi ang kanilang mga ideya.
-
Ano ang ilan sa mga ginawa ng mga tao upang matanggap ang tulong ng Panginoon?
-
Ano ang natutuhan mo tungkol sa Panginoon at sa Kanyang kapangyarihan nang pag-aralan mo ang mga salaysay na ito?
-
Ano ang paboritong parirala ang natukoy mo mula sa isa sa mga talatang pinag-aralan mo?
Pagkilala at pagkagalak sa kapangyarihan ng Panginoon
Kabilang sa maraming katotohanan na matututuhan natin mula sa mga talatang ito, maaaring napansin mo sa iyong pag-aaral na kapag bumaling tayo sa Kanya, tutulungan tayo ng Ama sa Langit sa ating mga pagsubok at ililigtas tayo sa Kanyang panahon (tingnan sa Mosias 21:14–16). Natutuhan din natin na kapag malugod at matiyaga nating tinitiis ang ating mga pagsubok, mapapalakas tayo ng Panginoon upang makaya natin ang ating mga pasanin nang may kagaanan (tingnan sa Mosias 24:15).
-
Paano makakaimpluwensya ang kaalaman mo sa mga bagay na ito tungkol sa Panginoon sa pagtugon mo sa iyong mga pagsubok?
-
Paano nagbigay ang Panginoon ng suporta at lakas sa iyo, o sa isang taong kakilala mo, upang matiis ang isang pagsubok o makaya ang isang pasanin? Paano nakaimpluwensya ang karanasang ito sa iyong nadarama para sa Kanya?
Maaari kang magbahagi ng personal na halimbawa bilang bahagi ng talakayan tungkol sa naunang tanong.
ChurchofJesusChrist.org
Ang mga susunod mong hakbang
Matapos ibahagi ang mga sumusunod na tagubilin, maaari mong ipakita sa pisara ang mga tanong na sasagutin ng mga estudyante upang mabalikan nila ang mga tanong habang nagsusulat sila.
Pag-isipan ang natutuhan mo ngayon na makatutulong sa iyo sa mga pagsubok na kinakaharap mo.
Magdagdag ng bagong column sa chart na ginawa mo kanina sa lesson at lagyan ng label na “Ako” ang itaas na hanay ng column na ito. Pagkatapos ay kumpletuhin ang iyong bagong column sa pamamagitan ng pagsagot sa mga sumusunod na tanong. (Kung wala kang espasyo upang gumawa ng bagong column, sagutin ang mga tanong sa ibang pahina ng iyong study journal.)
-
Anong mga hakbang ang magagawa mo upang makatanggap ng karagdagang tulong ng Panginoon sa iyong mga pagsubok?
-
Ano ang natutuhan mo tungkol sa Panginoon ngayon na makatutulong sa iyo na maunawaan ang uri ng tulong o lakas na maibibigay Niya sa iyo?
-
Anong mga salita o parirala mula sa mga talatang pinag-aralan mo ang sa palagay mo ay maiuugnay sa iyong kalagayan? Bakit?
Pag-isipang anyayahan ang ilang boluntaryo na ibahagi sa klase ang ilan sa kanilang mga sagot sa mga nakaraang tanong. Patotohanan ang mga katotohanang tinalakay ninyo ngayon at ang kapangyarihan ng Panginoon na iligtas tayo mula sa ating mga paghihirap.