Valeniveivesu e Kaceji

24–30 ni Noveba “Sa Dregata o Koya na Nona iLesilesi kei na Nona Cakacaka ena Nona Dra”

Vunau kei na Veiyalayalati 135–136

Na yakavi na ka 27 ni June, 1844, rau a tiko tale kina e valeniveivesu o Josefa kei Airame Simici, vata kei Joni Taylor kei Willard Richards. Eratou vakabauta ni sega ni dua na nodratou cala, ia eratou soli iratou ga yani me ratou vesu, ka nuitaka me na tarova na nodra vakacacani na Yalododonu e Nauvoo. Oqo a sega ni matai ni gauna kina meca ni Lotu mera biuti Parofita Josefa e valeniveivesu, ia ena gauna oqo e vaka me sa kila ni sa na sega ni lesu bula tale. Eratou qai saga na veivakacegui vakaveitokani ena nodratou wilika na iVola i Momani ka laga serenilotu. Ia qai rogo na cabolo ni dakai, ka ni vica walega na miniti sa mai mudu kina na bula i Josefa Simici kei na tuakana o Airame Simici.

Ia sega ni mai mudu e kea na inaki vakalou eratou sa mai ciqoma. Ka sega ni mai mudu kina na Vakalesuimai ni kosipeli i Jisu Karisito. Sa levu sara na cakacaka me vakayacori ka levu na ivakatakila me na dusimaka na Lotu. Na itinitini ni nona bula na Parofita e sega ni icavacava ni nona cakacaka na Kalou.

Raica na Yalododonu, 1:521–52.

Vakasama eso ni Vuli e Vale kei na Lotu

Vunau kei na Veiyalayalati 135; 136:37–39

Sa mai dregata o Josefa Simici kei Airame Simici na nodrau ivakadinadina ena nodrau dra.

Raitayaloyalotaka na ituvaki ni yalomu kevaka o tiko beka mai Nauvoo ena gauna rau a vakamatei kina o Josefa kei Airame Simici (raica na Yalododonu, 1:554–55). Ena vakaibalebale vakacava vei iko na vakacalaka oqo? Vunau kei na Veiyalayalati 135, tabaki ena tolu na vula e muri, a rawa beka ni veivuke. Nio vakasaqara na iwase oqo, vakasamataka na cava beka ena kauta mai vei iko na kila kei na veivakadeitaki. Na cava ona kaya vua e dua e taroga, “Cava na vuna a vakatara kina na Kalou me vakamatei na Nona Parofita?” (raica na Vunau kei na Veiyalayalati 136:37–39).

E rawa talega nio vakasaqaqara ena wase 135 me baleta na vosa se malanivosa e vakauqeti iko mo yalodina vei Karisito kina ivakataotioti, me vakataki Josefa kei Airame.

Raica talega na Vunau kei na Veiyalayalati 5:21–22; “Remembering the Martyrdom,” ena Revelations in Context, 299–306; Nodra iVakavuvuli na Peresitedi ni Lotu: Josefa Simici (2011), 522–23, 529–40; “Testimony of the Book of Mormon” (vidio), Valenivola Vakosipeli.

Testimony of the Book of Mormon

A modern-day Apostle describes the unwavering faith the Church's founders showed, even in the face of death, to remain true to their testimonies of the Book of Mormon.

Vunau kei na Veiyalayalati 135:3

O Josefa Simici a dua na parofita ka ivakadinadina bula kei Jisu Karisito.

Vunau kei na Veiyalayalati 135:3 e tukuna eso na ka a rawata e Josefa Simici ena “gauuna lekaleka ena maliwa ni ruasagavulu na yabaki.” Era sa vakayacoka vakacava na ka oqo vei iko kei na nomu veiwekani kei na Tamada Vakalomalagi kei Jisu Karisito? Vakasamataka na sala ona vakacavara kina e dua na yatuvosa vakaoqo: Ena vuku ni veika a cakava naTuraga mai vei Josefa Simici, … E rawa talega nio vola ka wasea na nomu ivakadinadina me baleta na Parofita o Josefa Simici kei ira tale eso.

E dua tale na sala me vulici kina na ilesilesi nei Josefa Simici o ya me volai e dua na itukutuku lekaleka se veivakacaucautaki me baleti koya. Na cava o na kaya me tarai cake kina na vakabauti Karisito kei na Nona kosipeli vakalesui mai? Sa rawa mo okata na veika bibi se rawaka e kune ena Vunau kei na Veiyalayalati 135 se o ira era tukuni tiko ena ivurevure e ra.

A vakatakila o Jisu Karisito e vuqa na dina baleti Koya kei na Nona Veisorovaki mai vei Josefa Simici. Vakasamataka vakatitobu na veika o sa sotava ena nomu vulica na Vunau kei na Veiyalayalati ena yabaki oqo. Na dina cava a votu mai vei iko? Ona vinakata beka mo wasea oqo kina nomu matavuvale, lewe ni kalasi se kuoramu, se so tale nio vulica tiko ena macawa oqo. Ena vukei keda vakacava meda kila vakavinaka ka toro voleka yani vua na iVakabula na dina eso oqo?

Raica talega na (vidio) “Joseph Smith: The Prophet of the Restoration” Valenivola Vakosipeli; Tad R. Callister, “Josefa Simici—Parofita ni Veivakalesuimai,” Liaona, Nove. 2009, 35–37; “Dokai Koya,” Sere ni Lotu, naba 15; Ulutaga kei na Taro, “Josefa Simici,” Valenivola Vakosipeli.

Joseph Smith: The Prophet of the Restoration

A motion picture about the life and legacy of Joseph Smith, the founding prophet of The Church of Jesus Christ of Latter-day Saints.

Sere kei na ivakatagi e veisemati

Ni lagati na serenilotu oqo se saravi na vidio e rawa ni sureta na Yalo Tabu se vakauqeta na veitalanoai me baleta na cakacaka ni Parofita o Josefa Simici kei na nodra solibula na Yalododonu era a muri koya mai.

“Dua na Turaga Vutugu” (sere ni Lotu, naba 16). Ni tiko voli ena Valeniveivesu e Kaceji, a lagata o John Taylor lagata na serenilotu oqo.

“Dokai Koya” (Sere ni Lotu, naba 15; raica talega na vidio). A volai na qaqa ni sere ni Lotu oqo me ivakananumi kei Josefa Simici.

Praise to the Man – The Tabernacle Choir at Temple Square

The Tabernacle Choir and Orchestra at Temple Square perform "Praise to the Man". Follow along a recording session and see beautiful historical scenery and art.

“Ka Talei, Ka Talei” (Sere ni Lotu, naba 170; raica talega na vidio).

Come, Come, Ye Saints - Mormon Tabernacle Choir

The Mormon Tabernacle Choir and Orchestra at Temple Square perform one of their signature anthems, "Come, Come Ye Saints" arranged by Mack Wilberg. From the Music and the Spoken Word broadcast episode 4323, July 22, 2012.

“Faith in Every Footstep” (raica na vidio).

Faith in Every Footstep - Mormon Tabernacle Choir

The Mormon Tabernacle Choir performs "Faith in Every Footstep" from the 2014 Pioneer Day concert. Music and lyrics by K. Newell Dayley.

Vunau kei na Veiyalayalati 136

E rawa nida qarava vakavinaka na loma ni Turaga nida muria na nona ivakasala.

Ni sa mate oJosefa Simici, era cemuri mai Nauvu na Yalododonu. Sa tu kina e matadra e dua na ilakolako 1,300 na maile (2,100 na kilomita) ena dua na lekutu sega ni loloma. E lomaleqataka o Brigham Young, na Peresitedi ni Kuoramu ni iApositolo Le Tinikarua, se ra na lakova rawa vakacava na ilakolako oqo. Ena dua na itikotiko vakawawa ka vakatokai o Winter Quarters, a vakatakekere me dusimaki. Na isaunitaro ni Turaga e volai tu ena wase136. Ena veika tale eso, sa veivakananumi na ivakatakila oqo vei ira na Yalododonu “ni nodra ivalavala ena ilakolako sa ka bibi me vaka na nodra icavacava” ka “vukea ni veisautaka na itosotoso kina ra mai na dua na luluqa kina dua na ka bibi e wasei tu vakayalo” (“This Shall Be Our Covenant,” ena Revelations in Context,, 308).

Vakasamataka tiko na itukutuku oqo nio vulica na wase 136. Na ivakasala cava o raica e rawa ni vukea me vukici e dua na veivakatovolei dredre kina nomu bula “kina dua na gauna vakayalo … e bibi”? O na vakasamataka tale beka ga vakatitobu na ivakasala ena vukei iko mo vakayacora rawa na lewa ni Turaga ena nomu bula, me vaka a vukei ira na Yalododonu taumada ena nodra ilakolako dredre kina Ra.

Raica tale ga “This Shall Be Our Covenant,” ena Revelations in Context, 307–14; “Come, Come, Ye Saints,” iVolanisere, no. 30; Church History Topics, “Succession of Church Leadership,” Gospel Library.

Matailalai mai na Winter Quarters, mai vei Greg Olsen

Vakasama eso ni Nodra Vakatavulici na Gonelalai

Vunau kei na Veiyalayalati 135:1–2, 4–5

Rau a solia na nodrau bula o Josefa kei Airame Simici me baleti Jisu Karisito kei na Nona kosipeli.

• Vakalekalekataka vei ira na nomu gone na Vunau kei na Veiyalayalati 135:1 se wasea “Wase 57;:Sa Vakamatei na Parofita” (ena iTalanoa mai na Vunau kei na Veiyalayalati,, 201–5 se na kena vidio ena Valenivola Vakosipeli). Oqo e rawa ni dua na madigi vinaka vei iko kei ira na luvemu me wasea na nomu nanuma me baleta na solibula nei Josefa kei Airame me baleta na iVakabula kei na Nona kosipeli.

  Chapter 57: The Prophet Is Killed: June 1844

• E tukuna na iVunau kei na Veiyalayalati 135:4–5 ni wilika o Airame Simici e dua na malanivosa mai na iVola i Momani ni bera ni lako kina Valeniveivesu mai Kaceji. E rawa ni dou wilika vata kei ira na nomu gone na itukutuku oqo (raica na Ica 12:36–38). E vakacegui Airame vakacava na veitikina oqo? E rawa nio wasea na ivolanikalou ka na kauta mai vei iko na vakacegu nio lomaleqa se yalorarawa.

• O iko kei ira na nomu gone e rawa nio raica na kedra iyaloyalo na parofita (raica na iVola ni iYaloyalo Vakosipeli, naba 7, 14, 67) ka veivosakitaka eso na ka e kerea na Kalou me ra cakava na parofita . Na cava era a solibula kina na parofita oqo ena vukuna na iVakabula?

  

Ena nona vale, erau sega ni wasei na vuli kei na bula “E gadrevi me vakayagataki ena itikotiko na kosipeli. E kea o ira na tamata oni sa vulica vata tiko na kosipeli sa o ira ko na bulataka kina—ena veisiga. Na kena dina, e vuqa na gauna, e bulataki tiko kina na kosipeli sai koya na ivakarau eda vulica kina na kosipeli” (Veivakavulici ena iVakarau ni iVakabula, 31).

Vunau kei na Veiyalayalati 135:3

O Josefa Simici e dua na parofita ka ivakadinadina kei Jisu Karisito.

• Me vukei ira nomu gone mera nanuma ka vakavinavinakataka na sala sa vakalougatataki keda kina na Turaga ena ilesilesi nei Josefa Simici, e rawa ni o vakaraitaka na iyaya eso e matataka na veika e cakava o Josefa, me vaka na iVola i Momani, na Vunau kei na Veiyalayalati, se na iyaloyalo ni dua na valetabu (raica talega na tabana ni itaviqaravi ena macawa oqo)). Sa rawa nira qai raica na nomu gone na Vunau kei na Veiyalayalati 135:3 me baleta eso na ka a cakava ko Josefa Simici me vukea me da toro voleka yani vei Tamada Vakalomalagi kei Jisu Karisito. Sureti ira nomu gone mera wasea na vuna era sa vakavinavinakataka kina na yagodra.

Na Parofita ni Amerika, mai vei Del Parson

Vunau kei na Veiyalayalati 136

E rawa ni vakalougatataki au na Turaga niu tovolea tiko vakaukauwa.

• Vakasamataka mo biuta e dua na iyaloyalo ni Valetabu e Nauvoo ena dua na yasa ni dua na rumu ka bulia e dua na ivakaruru rawarawa ena yasana kadua. Sureti ira na nomu gone mera soqoni volekata na iyaloyalo, ka tukuna vei ira me baleti ira na Yalododonu ka ra a biuti Nauvoo ni oti na nona mate o Josefa Simici (raica na wase 58, 60, kei na 62 ena iTalanoa ni Vunau kei na Veiyalayalati, 206–8, 211–16, 222–24, se na kena vidio ena Valenivola Vakosipeli). Vakabibitaka na nodra vakabauta na Yalododonu oqo vei Jisu Karisito, ka sureti ira na gone mera lako kina ivakaruru me matataka na ilakolako i Winter Quarters. E rawa ni ra lagata e dua na sere vaka na “Sega Beka ni Lako Tu” (iVolanisere ni Gonelalai, 138) ni ra taubale tiko.

  Chapter 58: A New Leader for the Church: July–August 1844

  Chapter 60: The Saints Leave Nauvoo: September 1845–September 1846

  Chapter 62: The Saints Establish Winter Quarters: 1846–1847

• Vakamacalataka ena Vunau kei na Veiyalayalati 136, a solia na Turaga na ivakasala me vukei ira na Yalododonu ena nodra ilakolako. Vukei ira na nomu gone mera kunea e dua na ka ena ivakatakila oqo ena rawa ni vakayaloqaqataki ira ena ilakolako oqo (raica na tikina e 4, 10–11, 18–30). Ena vukei keda vakacava na ivakasala oqo ena veivakatovolei eda sotava tiko nikua?

Me baleta na vakasama tale eso, raica na ilavelave ni mekasini ni iTokani ni vula oqo.

Sa Sega Nona Loloma E Dua na Tamata Me Uasivi Cake ena Ka Oqo,, mai vei Casey Childs