“Tianuare 3–9. Karikan Bwaai 1–2; Mote 2–3; Aberaam 4–5: ‘Ngke e tuai ni Karikaki Bwai, ao E Karika Karawa ao te Aonaaba te Atua,’” Nakomai, Iriirai—Ibukiia Aomata n Tatabemaniia ao Utu: O Tetemanti 2022 (2021)

“Tianuare 3–9. Karikani Bwaai 1–2; Mote 2–3; Aberaam 4–5,” Nakomai, Iriirai–Ibukiia Aomata n Tatabemaniia ao Utu: Te Nu Tetemanti 2022

Tamnei

tamnein te aonaaba ao namwakaina

Tianuare 3–9

Karikani Bwaai 1–2; Mote 2–3; Aberaam 4–5

“Ngke a tuai ni Karikaki B’ai, ao E Karika Karawa ma Aonaaba te Atua”

Riki ngkana ko a tia ni wareka taekan te Karikibwai mai imwaina, iai n tainako bwaai aika ko na reiakian man koroboki aika a tabu. Tataro ibukin kairam iroun te Tamnei ae Tabu bwa e na buokiko ni kunei atatai aika a boou.

Korea Am Namakin

Ibukina bwa te aonaaba are e katobibira e rangi n tamaroa man tikiraoi, e bon kangaanga bwa ti na iangoa te aonaaba ngke “e tuai n riki ni bwai ao akea kanoana,” “bon akea kaaina ao e aki maekanaki” (Karikani Bwaai 1:2; Aberaam 4:2). Teuana te bwai ni karakinan te Karikibwai e reireiniira bwa te Atua e kona ni karaoa te bwai ae moan te tamaroa man te bwai ae aki barongaaki. Anne e ibuobuoki n uringaki ngkana te maiu e a taraa ni mangaongao. Tamara are i Karawa ao Iesu Kristo ngaiia taan Karikibwai, ao Aia mwakuri ni karikibwai ma ngaira e tuai n tia. A kona ni karika te ota inanon taai aika roo inanon maiura. A kona Tamara are i Karawa ao Iesu Kristo ni buokiira ni kateimatoaira i nuukan te nanokokoraki n te kangaanga. A kona n taetae nakon bwaai, ao ngkana ti ongo n aia taeka n aron are a riki nakon bwaai, a kona ni bitiira nakon karikibwai aika moan te tamaroa ake tina karikaki nako iai. Anne mwakoron are e nanonna ni karikaki n ai aroia, ni katotongana (taraa Karikani Bwaai 1:26). Iai te kona iroura n riki n ai Arona ni karietataki, kamimitongaki, n riki bwa kain te tiretio.

Ni kakimototoan rongorongon te boki ni Karikani Bwaai, taraa “Karikani Bwaai” n Kairi nakon Koroboki aika a Tabu.

Tamnei

te aikaon ibukin te kamatebwai i bon iroum

Iango ibukin te Kamatebwai i bon Iroum ni Koroboki aika Tabu

Karikani Bwaai 1:1–25; Mote 2:1–25; Aberaam 4:1–25

Iaan ana kairi Tamara are i Karawa, Iesu Kristo e karika te aonaaba.

Unimwaane D. Todd Christofferson e taku, “Bwaai nako n aroia n te mwakuri ni karikibwai, ti ataia bwa e aki burenibwai ma e kairaki iroun te Atua ao e karaoaki iroun Iesu Kristo ” (“Bukin Tera te Mare, Bukin Tera te Utu,” Riaona, Meei 2015, 51). Ngkai e mwaiti te bwai ae ti aki ataia raoi iaon aron karikan te aonaaba, iangoa te bwai are ko kona n reiakinna man te Karikibwai n te bwai are e a tia ni kaotia te Atua inanon Karikani Bwaai 1:1–25; Mote 2:1–25; ao Aberaam 4:1–25. Tera ae ko ataia man rongorongo aikai aika titebo? Tera ae ko ataia ae kaokoro? Tera te iango ae reke iroum iaon Tamara are i Karawa ao Iesu Kristo ngkai ko wareka taekan te Karikibwai?

Taraa naba Reirei ao Berita aika Tabu 101:32–34.

Karikani Bwaai 1:27–28; 2:18–25; Mote 3:18, 21–25; Aberaam 5:14–19

Te mare imarenan te mwaane ao te aine e katabuaki iroun te Atua.

“Atam ao Ewa a ikotaki inanon te mare n te tai ao n akea tokina man mwaakan [te] nakoanibonga ae akea tokina” (Russell M. Nelson, “Lessons from Eve,” Ensign, Nov. 1987, 87). Bukin tera te koaua aei e kakaawaki bwa ti na ataia? Iangoa aei ngkai ko wareka Karikani Bwaai 1:27–28; 2:18–25; Mote 3:18, 21–25; ao Aberaam 5:14–19. Ngkana ko tangiria n reiakina riki taekan te mare inanon ana baire te Atua, wareware ao iangoi booki aika a karinanaki inano. Tera ae tuangko booki aikai bwa kona karaoi ni katamaroa am mare ke ni katauraoi ibukin te mare n taai aika a na roko?

Taraa naba Mataio 19:4–6; 1 I-Korinto 11:11; Linda K. Burton, “Tina Ikotaki n Rierake,” Riaona, Meei 2015, 29–32; “Te Utu: Te Katanoata nakon te Aonaaba,” ChurchofJesusChrist.org.

Karikani Bwaai 2:2–3; Mote 3:2–3; Aberaam 5:2–3

Te Atua e kakabwaia ao e katabua te bong ae te Tabati.

Te Atua e kamimitonga te bong ae te Tabati, ao E tuangiira bwa tina kawakina mimitongina. Unimwaane David A. Bednar e reirei, “Te Tabati bon ana tai te Uea, te tai ae tabu ni kaonotaki ni katabuaki ibukin Neboana ao ibukin karekean ao uringakin Ana berita ae korakora ae moan te kakaawaki” (“Exceeding Great and Precious Promises,” Riaona, Nobembwa 2017, 92). Kona kanga ni kabongana te rongorongo aei ao Karikani Bwaai 2:2–3; Mote 3:2–3; ke Aberaam 5:2–3 ni kabwarabwara nakon temanna bwa bukin tera ko rineia ni karinea te bong ae te Tabati? E kanga ni kakabwaiako te Uea ngkai ko kawakina mimitongin Ana Bong?

Taraa naba Itaia 58:13–14; Reirei ao Berita aika Tabu 59:9–13; “The Sabbath Is a Delight” (video), ChurchofJesusChrist.org.

Tamnei

family study icon

Iango ibukin Kamatebwai ni Koroboki aika Tabu n te Utu ao te Bootaki n te Tairiki

Karikani Bwaai 1:1–25; Mote 2:1–25; Aberaam 4:1–25.Kona kanga ni karaoa reiakinan te Karikibwai bwa e na kaunga ibukiia am utu? Ko kona ni kairiia am utu iaon te kakae i tinaniku iaon aekakin bwaai ake a karaoaki inanon tain karakinan te Karikibwai, n aron itoi, aroka ke maan. Ko kona naba ni kaoti tamnein bwaai ake a karikaki ni katoa tai ao ni kaoia kain te utu bwa a na katuka te tamnei ni bairei raoi imwiin warekan teuana te rongorongo ni kabane ibukin te Karikibwai. Tera ae ti reiakinna man karikibwai aikai iaon Tamara are i Karawa ao Iesu Kristo?

Karikani Bwaai 1; Mote 2; Aberaam 4.Teuana te kawai ni kaitara te rongorongo ni Karikanibwai bon kaoakiia am utu ni kakaea bwa iraua te tai inanon Karikani Bwaai 1 ke Mote 2 te Atua e taekini bwaai ake e karaoi bwa a “raoiroi.” Tera ae e tuangiia n aei iaon arora are ti riai ni karaoi n ana karikibwai te Atua—n raonaki ma ngaira? Tera ae ti reiakinna n aron bwaai ake a koreaki taekaia n Aberaam 4?

Karikani Bwaai 1:26–27; Mote 2:26–27; Aberaam 4:26–27.Bukin tera e kakaawaki bwa tina ataia bwa ti karikaki ni katotongan te Atua? E kanga n roota aron are ti namakinna ibukira, tabeman, ao te Atua?

Ngkana iai natim aika uarereke, ko na bae n tangiria ni warekia n ikotaki Mote 2:27 ao ni karaoa te takakaro ae beebete. Kaota te tamnei are e kaota Tamara are i Karawa ao Iesu Kristo, n aron tamnei 90 n te Te Boki n Tamnei n te Euangkerio (2009), ao tuangiia kain te utu bwa a na ikaruoruo ni kotei mwakoron nako rabwatan Tamara are i Karawa ke rabwatan Iesu. Imwiina kain te utu ake tabeman a kona ni kotea te mwakoro naba anne iaon rabwataia.

Karikani Bwaai 1:28; Mote 2:28; Aberaam 4:28.“Ana tua te Atua ibukiia Natina are a na rikirake ni mwaiti ao ni kaonrakea te aonaaba e teimatoa naba ni bwainaki ngkai” (“Te Utu: Te Katanoata nakon te Aonaaba,” ChurchofJesusChrist.org). Kain te utu a kona naba ni karaoa te kaotioti ni kabwarabwara ara koaua iaon te tua aei nakoia naake aki ata te koaua aei ke naake a kaokoro aia koaua.

Karikani Bwaai 1:28; Mote 2:28; Aberaam 4:28.Tera ae e nanonaki n “tau taekaia … bwaai aika a maiu n aekaia nako ake a kakamwakuri iaon te aba”? (taraa naba Reirei ao Berita aika Tabu 59:16–21). A na kanga aua utu ni kakoroi bukin tibwangara n tararua ibukin te aonaaba?

Ibukin riki iango ibukin reiakinaia ataei, taraa te kamataata n te wiiki aei inanon Nakomai, Iriirai—Ibukin te Moanrinan.

Te kuna are e rineaki: “My Heavenly Father Loves Me,” Aia Boki n Anene Ataei, 228–29.

Kanakoraoan Ara Anga Reirei

Maiuakin kanoan koroboki aika tabu n maiura. Imwin warekan te kibu man koroboki aika a tabu, kaoiia kaain te utu bwa a na kauaea nakon maiuia. Te katoto, e kanga Mote 3:1–3 ni karaoi nakon katabuan te Tabati ni katoa wiiki? (Taraa Reirei n ana Kawai te Tia Kamaiu, 21.)