Mga Doctrinal Mastery Passage ug Importanting mga Pulong

Ang mosunod mao ang lista sa tanang 100 ka mga doctrinal mastery passage uban sa usa ka mubo nga summary sa matag tudling.

Pag-angkon og Espirituhanong Kahibalo

Proverbio 3:5–6. Sumalig ka kang Jehova sa bug-os mong kasingkasing, ug Siya magamando sa imong mga alagianan.

Isaias 5:20. Alaut kanila nga nagangalan sa dautan nga maayo, ug sa maayo nga dautan.

Juan 7:17. Buhata ang kabubut-on sa Dios aron masayud sa Iyang doktrina.

1 Mga Taga-Corinto 2:5, 9–11. Mahibaloan lamang nato ang mga butang sa Dios pinaagi sa Espiritu.

2 Timoteo 3:15–17. Ang mga kasulatan maghimo kanimong maalamon ngadto sa kaluwasan.

Santiago 1:5–6. Kon nakulangan ka sa kaalam, pangayo sa Dios.

2 Nephi 28:30. Mohatag ang Dios og kahibalo pagtulun-an human sa usa ka pagtulun-an.

2 Nephi 32:3. Kon magbusog kita sa mga pulong ni Kristo, mahibaloan nato ang tanang butang nga angay natong buhaton.

2 Nephi 32:8–9. Kon kanunay kitang mag-ampo, ang Dios mopahinungod sa atong binuhatan alang sa kaayuhan sa atong mga kalag.

Mosiah 4:9. Motuo sa Dios ug nga Siya aduna sa tanan nga kaalam.

Ether 12:6. Ang usa ka pagsaksi moabut human sa pagsulay sa hugot nga pagtuo.

Moroni 10:4–5. Ang Espiritu Santo mopadayag sa kamatuoran ngadto sa tawo kinsa mangayo sa Dios uban sa tinuod nga katuyoan.

DP 6:36. Hunahunaon si Kristo sa matag paghunahuna.

DP 8:2–3. Ang Espiritu Santo mamulong sa atong hunahuna ug kasingkasing.

DP 88:118. Pangitaa ang pagtulun-an pinaagi sa pagtuon ug sa hugot nga pagtuo.

Mga Doktrinal nga Hisgutanan

1. Ang Dios nga Kapangulohan

Mga Hebreohanon 12:9. Ang Dios ang Amahan sa atong mga Espiritu.

2 Nephi 26:33. Ang tanan managsama ngadto sa Dios.

3 Nephi 11:10–11. Si Jesukristo mituman sa kabubut-on sa Amahan sa tanang butang.

3 Nephi 12:48. Gidapit kita ni Jesukristo sa pagkahimong hingpit.

3 Nephi 18:15, 20–21. Magbantay ug mag-ampo kanunay sa pangalan ni Jesukristo.

DP 29:10-11. Si Kristo moanhi pag-usab uban sa gahum ug himaya.

DP 130:22-23. Ang Amahan ug ang Anak adunay lawas nga unod ug bukog.

2. Ang Plano sa Kaluwasan

Moises 1:39. Ang buhat ug himaya sa Dios mao ang pagpahinabo sa pagka-imortal ug sa kinabuhi nga dayon sa tawo.

Abraham 3:22–23. Si Abraham gipili sa wala pa siya matawo.

Genesis 1:26–27. Ang Dios milalang sa tawo sa kaugalingon Niyang panagway.

Josue 24:15. Magpili kamo niining adlawa kinsa ang inyong alagaran.

Juan 17:3. Ang kinabuhing dayon mao ang pagkaila sa Dios ug kang Jesukristo.

1 Mga Taga-Corinto 6:19–20. Ang imong lawas usa ka templo.

1 Mga Taga-Corinto 15:20–22. Diha kang Kristo ang tanan mangabanhaw.

1 Mga Taga-Corinto 15:40–42. Dunay tulo ka ang-ang sa himaya human sa Pagkabanhaw.

1 Pedro 4:6. Ang ebanghelyo gisangyaw ngadto sa mga patay.

Pinadayag 20:12. Ang matag tawo mobarug atubangan sa Dios aron mahukman.

2 Nephi 2:22–25. Si Adan napukan aron ang mga tawo mahimo.

2 Nephi 2:27. Kita gawasnong mopili.

DP 76:22–24. Si Jesukristo buhi, ug ang Tiglalang sa mga kalibutan.

3. Ang Pag-ula ni Jesukristo

Isaias 1:18. Kon maghinulsol kita, ang atong mga sala pagapution ingon sa nieve [snow].

Isaias 53:3–5. Gipas-an ni Jesukristo ang atong kasakitan ug giantus ang atong mga kasal-anan.

Mateo 11:28–30. Kon moduol kita kang Jesukristo, Iyang himoong sayon ang atong mga palas-anon ug hatagan kitag pahulay.

Lucas 24:36–39. Si Jesukristo nabanhaw nga may lawas nga unod ug bukog.

Santiago 2:17–18. Ang hugot nga pagtuo patay kon kini walay binuhatan.

Mosiah 3:19. Isalikway ang kinaiyanhon o natural nga pagkatawo ug mahimo nga usa ka Santos pinaagi sa Pag-ula.

Alma 7:11–13. Gisinati ni Jesukristo ang atong mga kasakit ug gibuntog ang sala ug kamatayon.

Alma 34:9–10. Kinahanglan nga adunay pagahimoon nga Pag-ula.

Helaman 5:12. Motukod sa inyong tukuranan diha kang Kristo.

Ether 12:27. Ang Manluluwas mohimong lig-on sa mga butang nga huyang.

DP 18:10–11. Ang bili sa mga kalag mahinungdanon.

DP 9:16–19. Giantus sa Manluluwas ang atong mga sala aron kita makahinulsol.

DP 58:42–43. Sa paghinulsol kinahanglang mokumpisal kita ug mobiya sa sala.

4. Ang Pagpahiuli

Moises 7:18. Zion—usa sa kasingkasing ug usa sa hunahuna diha sa pagkamatarung.

Isaias 29:13–14. Ang pagpahiuli usa ka katingalahan ug kahibulongan nga buhat.

Ezequiel 37:15–17. Ang Biblia ug ang Basahon ni Mormon gihiusa og gihugpong.

Daniel 2:44. Ang gingharian sa Dios molungtad sa walay katapusan.

Mga Buhat 3:19–21. Si Pedro nanagna mahitungod sa Pagpahiuli.

2 Mga Taga-Tesalonica 2:1–3. Ang apostasiya gipanagna.

Joseph Smith—Kasaysayan 1:15–20. Sa Unang Panan-awon, gitawag sa Dios si Joseph Smith nga mahimong propeta.

DP 1:30. Mao lamang ang tinuod ug buhi nga simbahan

DP 135:3. Si Joseph Smith naghago alang sa atong kaluwasan.

5. Mga Propeta ug Pagpadayag

Jeremias 1:4–5. Si Jeremias giorden nang daan nga mahimong propeta.

Ezequiel 3:16–17. Ang mga magbalantay sa Ginoo mihatag og pasidaan gikan Kaniya.

Amos 3:7. Ang Dios mopadayag sa Iyang tinago ngadto sa Iyang mga propeta.

Juan 15:16. Ang Ginoo ang mipili ug miorden og mga apostoles ug mga propeta.

Mga Taga-Efeso 2:19–20. Ang Simbahan sa Ginoo gitukod nga dunay mga propeta ug mga apostoles.

Mga Taga-Efeso 4:11–14. Ang mga apostoles ug mga propeta motabang sa paghingpit sa mga Santos.

DP 1:37–38. Ang tingog sa Ginoo ug sa Iyang mga sulugoon managsama ra.

DP 21:4–6. Kon dawaton nato ang pulong sa propeta uban sa pailub ug pagtuo, ang Dios mopatibulaag sa mga gahum sa kangitngit.

6. Priesthood ug mga Yawe sa Priesthood

Mateo 16:15–19. Misaad si Jesukristo nga tukuron Niya ang Iyang Simbahan ug itugyan ang mga yawe sa gingharian.

DP 13:1. Mga yawe sa Aaronic Priesthood

DP 42:11. Ang mga representante sa Ginoo kinahanglang usa ka tinawag gikan sa tawo nga dunay awtoridad.

DP 107:8. Ang awtoridad sa Melchizedek Priesthood

DP 121:36, 41–42. Ang gahum sa priesthood mag-agad sa pagkamatarung sa usa ka tawo.

7. Mga Ordinansa ug mga Pakigsaad

Exodo 19:5–6. Magabantay sa akong tugon o pakigsaad ug mamahimo kamong balaan nga nasud.

Salmo 24:3–4. Aron magtindog nga takus sa presensya sa Dios, kinahanglang limpyo ang atong mga kamot ug putli ang kasingkasing.

Juan 3:5. Gikinahanglan nga kita igaanak sa tubig ug sa Espiritu aron makasulod sa gingharian sa Dios.

Mosiah 18:8–10. Pinaagi sa bunyag mohimo kita og pakigsaad uban sa Dios.

3 Nephi 27:20. Magpabunyag ug mahimong balaan pinaagi sa pagdawat sa Espiritu Santo.

DP 82:10. Ang Ginoo mapugos sa pagtuman kon kita mobuhat sa unsay Iyang gisulti.

DP 84:20-22. Ang gahum sa pagkadiosnon mapakita diha sa mga ordinansa sa priesthood.

8. Kaminyoon ug Pamilya

Genesis 1:28. Dumaghan ug pun-on ang yuta.

Genesis 2:24. Ang bana ug asawa mahimong usa.

Genesis 39:9. Si Jose nakigbatok sa tintasyon.

Malaquias 4:5–6. Himoon ni Elias [Elijah] nga mobati ang mga kasingkasing sa mga amahan ug sa mga anak.

1 MgaTaga-Corinto 11:11. Pinaagi lamang sa pagtambayayong ang usa ka lalaki ug babaye makatuman sa plano sa Dios.

Alma 39:9. Ayaw na pagsunod sa tinguha nga dautan sa imong mga mata.

DP 49:15-17. Ang kaminyoon tali sa usa ka lalaki ug babaye giorden sa Dios.

DP 131:1-4. Ang bag-o ug walay katapusang pakigsaad sa kaminyoon.

9. Mga Sugo

Exodo 20:3–17. Ang Dios mipadayag sa Napulo ka mga Sugo.

Isaias 58:6–7. Ang pagpuasa makatabang nga atong mabadbad ang mga gapos sa kadautan, makatangtang sa bug-at nga palas-anon, ug makahatag kita sa mga kabus.

Isaias 58:13–14. Ang adlaw nga Igpapahulay mao ang adlaw nga balaan sa Ginoo.

Malaquias 3:8–10. Ang pagbayad og ikapulo nagdala og mga panalangin.

Mateo 5:14–16. Pasigaa ninyo ang inyong kahayag isip ehemplo ngadto sa uban.

Mateo 22:36–39. Higugmaa ang Ginoo; higugmaa ang imong silingan.

Juan 14:15. Kon nahigugma kamo kanako, inyong pagatumanon ang akong mga sugo.

1 Nephi 3:7. Ang Ginoo nag-andam og paagi aron masunod ang Iyang mga sugo.

Mosiah 2:17. Pinaagi sa pag-alagad ngadto sa uban gipangalagaran nato ang Dios.

Mosiah 2:41. Ang pagkamasulundon magdala og mga panalangin ug kalipay.

Alma 41:10. Ang pagkadautan dili mahitabo nga mahimo nga kalipay.

Moroni 7:45, 47–48. Ang gugma nga putli mao ang tiunay nga gugma ni Kristo.

DP 18:15–16. Hingpit nga kalipay tungod sa pagdala og mga kalag ngadto ni Jesukristo

DP 64:9–11. Gikinahanglan nga mopasaylo kita sa tanang tawo.

DP 89:18–21. Mga Panalangin sa Pulong sa Kaalam.