Alang sa Kalig-on sa mga Kabatan-onan: Paghimo og mga Pagpili

Alang sa Kalig-on sa mga Kabatan-onan: Paghimo og mga Pagpili

Kinatibuk-ang Pagpasabot

Si Jesukristo mao ang kalig-on sa kabatan-onan. Makadangop kita Kaniya kon maghimo og mga pagpili. Ang pag-ila sa atong balaanong pagkatawo ug katuyoan isip mga anak sa Dios ug pagtakda og mga tumong makatabang nato nga mas mahisama Kaniya. Ang pagkontrol sa paggamit sa atong teknolohiya makatabang nato sa paglakaw diha sa kahayag sa Dios. Ang atong patriyarkal nga mga panalangin makatabang nato nga matuman ang atong balaanong potensyal. Ang pagpaluyo niadtong gitawag sa Ginoo sa pagdumala sa Iyang Simbahan makatabang nato sa pagsunod Kaniya.

Sugyot sa gipaspason: Kini nga mga leksiyon pwedeng itudlo sa bisan unsang yugto sa panahon sa tuig sa pag-eskwela o atol sa bisan unsang semana sa Dali, Sunod Nako nga gipaspason.

Pangandam sa pagtudlo

Ang mosunod nga impormasyon naghatag kanimo og mga ideya kon unsa ang imong gikinahanglan nga andamon daan alang sa matag leksiyon.

Alang sa Kalig-on sa mga Kabatan-onan nga Giya

Katuyoan sa leksiyon: Aron tabangan ang mga estudyante nga modangop kang Jesukristo kon maghimo og mga desisyon pinaagi sa paggamit sa Alang sa Kalig-on sa mga Kabatan-onan: Usa ka Giya sa Paghimo og mga Pagpili.

• Pagpangandam sa estudyante: Dapita ang mga estudyante nga maghunahuna og usa ka desisyon nga ilang giatubang. Awhaga sila nga pangitaon diha sa Alang sa Kalig-on sa mga Kabatan-onan: Usa ka Giya sa Paghimo og mga Pagpili alang sa impormasyon nga makatabang nila sa paghimo og maayo nga mga pagpili ug aron mas makasunod si Jesukristo.

• Mga materyal alang sa mga estudyante: Mga kopya sa Alang sa Kalig-on sa mga Kabatan-onan: Usa ka Giya sa Paghimo og mga Pagpili

• Hulagway nga ipakita: Jesukristo

Pagtakda og mga Tumong

Katuyoan sa leksiyon: Aron tabangan ang mga estudyante nga epektibong makatakda og mga tumong ug maghimo og mga plano samtang nagtinguha sila nga mas mahisama sa Dios.

• Pagpangandam sa estudyante: Dapita ang mga estudyante nga pamalandongan ang ilang mga paningkamot nga mouswag sa espirituwal, sosyal, pisikal, ug intelektuwal nga paagi (tan-awa sa Lucas 2:52). Kon nakahimo na sila og mga tumong, pwede nilang pamalandongan ang ilang pag-uswag o ang mga hagit nga ilang giatubang. Pwede usab nilang rebyohon ang Personal nga Kalamboan: Giya nga Basahon sa Kabatan-onan (2019) ug dapiton nga dad-on ang ilang kopya sa klase.

• Mga butang nga ipakita: Usa ka mapa; kopya sa Personal nga Kalamboan: Giya nga Basahon sa Kabatan-onan

• Handout: “Usa ka Sundanan alang sa Paglambo”

• Bidyo: “Bidyo: Proseso sa Pagtakda og Tumong” (3:42)

Ang Atong Balaanong Pagkatawo ug Katuyoan

Katuyoan sa leksiyon: Aron tabangan ang mga estudyante nga mobati nga isip mga anak sa Dios, aduna silay balaanong kinaiyahan ug katuyoan.

• Pagpangandam sa estudyante: Pwede nimong dapiton ang mga estudyante nga isulat ang usa o duha ka pangutana sa mga tin-edyer bahin sa ilang balaanong pagkatawo ug katuyoan.

• Bidyo: “Atong Tinuod nga Pagkatawo” (3:39)

• Handout: “Akong Balaanong Pagkatawo ug Katuyoan”

Pagdumala sa Teknolohiya

Katuyoan sa leksiyon: Aron tabangan ang mga estudyante nga magamit ang mga panalipod aron madumala ang ilang paggamit sa teknolohiya.

• Pagpangandam sa estudyante: Dapita ang mga estudyante nga hunahunaon ang ilang paggamit sa teknolohiya. Pwedeng ilista sa mga estudyante ang mga paagi sa ilang paggamit sa teknolohiya nga nakatabang nila aron mas mailhan ang Manluluwas ug ang mga paagi nga gipalayo sila niini gikan Kaniya.

• Handout: “Pagdumala sa Teknolohiya”

Patriyarkal nga mga Panalangin

Katuyoan sa leksiyon: Aron tabangan ang mga estudyante nga mobati sa tinguha sa Ginoo nga giyahan sila pinaagi sa ilang patriyarkal nga panalangin.

• Pagpangandam sa estudyante: Dapita ang mga estudyante nga himoon ang usa sa mosunod: (1) basahon ang ilang patriyarkal nga panalangin nga mangita sa giya ug direksyon nga gihatag kanila sa Langitnong Amahan, o (2) makig-istorya sa usa ka kasaligang hamtong o minahal bahin sa kon sa unsang paagi ang ilang patriyarkal nga panalangin nakatabang nila nga madawat ang giya ug direksiyon gikan sa Langitnong Amahan.

• Hulagway nga ipakita: Usa ka batan-on diha sa nagsanga nga dalan

• Mga bidyo: “Teritoryo sa Kaaway” (3:38; tan-awa gikan sa time code nga 0:00 hangtod 2:25); “Walay Kahadlok” (3:30)

• Handout: “Pagtubag sa mga Pangutana bahin sa Patriyarkal nga mga Panalangin”

Pagpaluyo sa Atong mga Lider

Sugyot sa gipaspason: Pwede nimong ikonsiderar ang pagtudlo niini nga leksiyon sa samang higayon nga imong itudlo ang leksiyon 106 “Doktrina ug mga Pakigsaad 90,” dihang makat-onan sa mga estudyante ang bahin sa Unang Kapangulohan, o leksiyon 119 “Doktrina ug mga Pakigsaad 107:1–20,” dihang ang mga estudyante magkat-on bahin sa mga awtoridad ug katungdanan diha sa gipahiuli nga Simbahan.

Katuyoan sa leksiyon: Aron tabangan ang mga estudyante nga masabtan ang kaimportante sa pagpaluyo niadtong gitawag sa Ginoo nga mangulo.

• Pagpangandam sa estudyante: Ikonsiderar ang pagdapit sa mga estudyante nga kontakon ang ilang lider sa klase o sa kurom ug pangutan-on kon naa ba silay mahimo sa pagtabang kanila. Kon usa ka estudyante ang presidente sa ilang klase o korum, pwede nilang kontakon ang usa ka sakop sa bishopric o kapangulohan sa Young Women. Sa laing paagi, pwede nimong dapiton ang mga estudyante sa pagpangutana sa usa ka ginikanan o lider sa Simbahan kon unsay ilang nakat-onan bahin sa pagpaluyo sa mga lider.

• Mga bidyo: “Hyrum Smith: ‘Lig-on sama sa mga Haligi sa Langit’” (17:03; tan-awa gikan sa time code nga 4:49 hangtod 5:54); “Ang Gahom sa Nagkalig-on nga Pagtuo” (12:57; tan-awa gikan sa time code nga 3:48 hangtod 4:19)

• Handout: “Mga Pagtulun-an bahin sa Pagpaluyo Niadtong Gitawag aron Mangulo (Bahin 1 ug Bahin 2)”