Seminelí
Ki Hono Fakamālohia ʻo e Toʻu Tupú: Ko Hono Fakahoko ha Ngaahi Filí—Vakai Fakalūkufuá

“Ki Hono Fakamālohia ʻo e Toʻu Tupú: Ko Hono Fakahoko ha Ngaahi Filí—Vakai Fakalūkufuá,” Tokāteline mo e Ngaahi Fuakava – Tohi Lēsoni ʻa e Faiako Seminelí (2025)

“Ki Hono Fakamālohia ʻo e Toʻu Tupú: Ko Hono Fakahoko ha Ngaahi Filí,” Tokāteline mo e Ngaahi Fuakava – Tohi Lēsoni ʻa e Faiako Seminelí

Ki Hono Fakamālohia ʻo e Toʻu Tupú: Ko Hono Fakahoko ha Ngaahi Filí

Ki Hono Fakamālohia ʻo e Toʻu Tupú: Ko Hono Fakahoko ha Ngaahi Filí

Vakai Fakalūkufuá

Ko Sīsū Kalaisi ʻa e mālohinga ʻo e toʻu tupú. Te tau lava ʻo fekumi kiate Ia ʻi he taimi ʻoku tau fai ai ha ngaahi filí. ʻE lava ke tokoni hono ʻiloʻi hotau tuʻunga mo e taumuʻa fakalangí ʻi heʻetau hoko ko e fānau ʻa e ʻOtuá mo hono fokotuʻu ha ngaahi taumuʻá ke tau hoko ai ʻo hangē ange ko Iá. ʻE lava ke tokoni hono mapuleʻi ʻetau fakaʻaongaʻi ʻo e tekinolosiá ke tau ʻaʻeva ai ʻi he maama ʻa e ʻOtuá. ʻE lava ke tokoni hotau tāpuaki fakapēteliaké ke tau ʻiloʻi ʻa hotau ivi malava fakalangí. ʻE lava ke tokoni hono poupouʻi ʻo e niʻihi ʻoku ui ʻe he ʻEikí ke taki ʻi Hono Siasí ke tau muimui ʻiate Ia.

Fokotuʻu ki he vave hono akoʻí: ʻE lava ke akoʻi ʻa e ngaahi lēsoni ko ʻení ʻi ha faʻahinga taimi pē ʻi he taʻu fakaakó pe ʻi ha faʻahinga uike pē ʻi he taimi fakahokohoko ʻo hono akoʻi ʻo e Haʻu, ʻo Muimui ʻIate Aú.

Teuteu ke akoʻí

ʻOku ʻoatu ʻe he fakamatala ko ʻení ha ngaahi fakakaukau ki he meʻa ʻe ala fiemaʻu ke teuteuʻi kimuʻa ‘i he lēsoni takitaha.

Tohi Fakahinohino Ki Hono Fakamālohia ʻo e Toʻu Tupú

Taumuʻa ʻo e lēsoní: Ke tokoniʻi ʻa e kau akó ke fekumi kia Sīsū Kalaisi ʻi he taimi ʻoku fakahoko ai ha ngaahi filí ʻaki hono fakaʻaongaʻi ʻo e Ki Hono Fakamālohia ʻo e Toʻu Tupú: Ko ha Fakahinohino ki Hono Fakahoko ha Ngaahi Filí.

  • Teuteu ʻa e tokotaha akó: Fakaafeʻi ʻa e kau akó ke nau fakakaukau ki ha fili ʻoku nau fehangahangai mo ia. Poupouʻi kinautolu ke fekumi ʻi he Ki Hono Fakamālohia ʻo e Toʻu Tupú: Ko ha Fakahinohino ki Hono Fakahoko ha Ngaahi Filí ki ha fakamatala ke tokoniʻi kinautolu ke fai ha ngaahi fili ʻoku leleí pea muimui lelei ange kia Sīsū Kalaisi.

  • Ngaahi naunau maʻá e kau akó: Ko ha ngaahi tatau ʻo e Ki Hono Fakamālohia ʻo e Toʻu Tupú: Ko ha Fakahinohino ki Hono Fakahoko ha Ngaahi Filí

  • ʻĪmisi ke fakaʻaliʻalí: Sīsū Kalaisi

Ko Hono Fokotuʻu ha Ngaahi Taumuʻá

Taumuʻa ʻo e lēsoní: Ke tokoni ke fokotuʻu lelei ʻe he kau akó ha ngaahi taumuʻa pea faʻu ha ngaahi palani ʻi heʻenau feinga ke hoko ʻo tatau ange mo e ʻOtuá.

Ko Hotau Tuʻunga mo e Taumuʻa Fakalangí

Taumuʻa ʻo e lēsoní: Ke tokoni ke ongoʻi ʻe he kau akó ʻoku ʻi ai honau natula mo ha taumuʻa fakalangi ʻi heʻenau hoko ko e fānau ʻa e ʻOtuá.

  • Teuteu ʻa e tokotaha akó: Te ke lava ʻo fakaafeʻi ʻa e kau akó ke nau hiki ha fehuʻi ʻe taha pe lahi ange ʻoku maʻu ʻe he toʻu tupú fekauʻaki mo honau tuʻunga mo e taumuʻa fakalangí.

  • Vitiō: “Our True Identity” (3:39)

  • Laʻipepa tufá: “Ko Hoku Tuʻunga mo e Taumuʻa Fakalangí”

Ko Hono Fakaʻaongaʻi Lelei ʻo e Tekinolosiá

Taumuʻa ʻo e lēsoní: Ke tokoni ki he kau akó ke nau fakaʻaongaʻi ʻa e ngaahi maluʻi ke tokangaʻi ʻaki ʻenau fakaʻaongaʻi ʻo e tekinolosiá.

  • Teuteu ʻa e tokotaha akó: Fakaafeʻi ʻa e kau akó ke nau fakakaukau ki heʻenau fakaʻaongaʻi ʻo e tekinolosiá. ʻE lava ke lisi ʻe he kau akó ha ngaahi founga kuo tokoniʻi ai kinautolu ʻe heʻenau fakaʻaongaʻi ʻo e tekinolosiá ke nau ʻiloʻi lelei ange ai ʻa e Fakamoʻuí mo e ngaahi founga te ne lava ʻo fakamavaheʻi ai kinautolu meiate Iá.

  • Laʻipepa tufá: “Ko Hono Fakaʻaongaʻi Lelei ʻo e Tekinolosiá”

Ngaahi Tāpuaki Fakapēteliaké

Taumuʻa ʻo e lēsoní: Ke tokoniʻi ʻa e kau akó ke nau ongoʻi ʻa e finangalo ʻa e ʻEikí ke tataki kinautolu ʻo fakafou ʻi honau tāpuaki fakapēteliaké.

  • Teuteu ʻa e tokotaha akó: Fakaafeʻi ʻa e kau akó ke fai ha taha ʻo e ngaahi meʻá ni: (1) lau honau tāpuaki fakapēteliaké ʻo kumi ki he tataki mo e fakahinohino ʻoku foaki ange ʻe he Tamai Hēvaní, pe (2) talanoa ki ha tokotaha lahi falalaʻanga pe ʻofaʻanga fekauʻaki mo e founga kuo tokoniʻi ai kinautolu ʻe honau tāpuaki fakapēteliaké ke nau maʻu ha tataki mo ha fakahinohino mei he Tamai Hēvaní.

  • ʻĪmisi ke fakaʻaliʻalí: Ko ha toʻu tupu ʻi ha ongo afenga ‘i he halá

  • Ngaahi vitioó: “Enemy Territory” (3:38; mamata mei he taimi 0:00 ki he 2:25); “Without Fear” (3:30)

  • Laʻipepa tufá: “Ko Hono Tali ʻo e Ngaahi Fehuʻi Fekauʻaki mo e Ngaahi Tāpuaki Fakapēteliaké”

Ko Hono Poupouʻi ʻEtau Kau Takí

Fokotuʻu ki he vave hono akoʻí: Mahalo te ke fakakaukau ke akoʻi ʻa e lēsoni ko ʻení ʻi he taimi tatau pē ʻokú ke akoʻi ai ʻa e lēsoni 106 “Tokāteline mo e Ngaahi Fuakava 90,” ʻi he taimi ʻe ako ai ʻa e kau akó fekauʻaki mo e Kau Palesitenisī ʻUluakí, pe lēsoni 119 “Tokāteline mo e Ngaahi Fuakava 107:1–20,” ʻi he taimi ʻoku ako ai ʻa e kau akó fekauʻaki mo e kau maʻu mafai mo e ngaahi lakanga ʻi he Siasi kuo fakafoki maí.

Taumuʻa ʻo e lēsoní: Ke tokoni ke mahino ki he kau akó ʻa e mahuʻinga ʻo hono poupouʻi ʻo e niʻihi ʻoku ui ʻe he ʻEikí ke takí.

  • Teuteu ʻa e tokotaha akó: Fakakaukau ke fakaafeʻi ʻa e kau akó ke nau fetuʻutaki ki heʻenau taki fakakalasí pe kōlomú pea fehuʻi ange pe ʻoku ʻi ai ha meʻa te nau lava ʻo fai ke tokoniʻi ai kinautolu. Kapau ko e tokotaha akó ko e palesiteni ia ʻo ʻenau kalasí pe kōlomú, ʻe lava ke nau tokoni ki ha mēmipa ʻo e kau pīsopelikí pe kau palesitenisī ʻo e Kau Finemuí. Ka ʻikai, te ke lava ʻo fakaafeʻi ʻa e kau akó ke nau fehuʻi ki ha mātuʻa pe taki ʻo e Siasí ʻa e meʻa kuo nau ako fekauʻaki mo hono poupouʻi ʻo e kau takí.

  • Ngaahi vitioó: “Hyrum Smith: ‘Firm as the Pillars of Heaven’” (17:03; mamata mei he taimi 4:49 ki he 5:54); “Ko e Mālohi ʻo e Poupou ʻi he Tuí” (12:57; mamata mei he taimi 3:48 ki he 4:19)

  • Laʻipepa tufá: “Ngaahi Akonaki fekauʻaki mo Hono Poupouʻi ʻo Kinautolu Kuo Uiuiʻi ke Takí (Konga 1 mo e Konga 2)”