Семинар
Номлогчийг бэлтгэх: Тойм

“Номлогчийг бэлтгэх: Тойм,” Сургаал ба Гэрээнүүдийн семинарын багшийн гарын авлага (2025)

“Номлогчийг бэлтгэх,” Сургаал ба Гэрээнүүдийн семинарын багшийн гарын авлага

Номлогчийг бэлтгэх

Номлогчийг бэлтгэх

Тойм

Бид бусдыг хайрлаж, сайн мэдээг түгээж, тэднийг Аврагчид ирэхэд урьснаар Израилыг цуглуулахад тусалж чадна. Нийгэмд болон дэлхий даяарх хүмүүст хичээнгүйлэн үйлчилж, зааж сургадаг номлогчдыг Бурхан адисалдаг. Бурхан хожмын өдрүүдийн цугларалтад зориулан Мормоны Номыг өгсөн.

Хичээлийн хуваарийн талаарх зөвлөмж: Эдгээр хичээлийг хуваарилах олон тохиромжтой сонголт бий. Жишээлбэл:

  1. Хичээлийн жилийн төгсгөлд ахмад суралцагчид номлолын өргөдлөө илгээх гэж байгаа үед эдгээр хичээлийн заримаас эсвэл бүх хичээлийг заах.

  2. Номлолын ажлыг илүү сайн ойлгоход тустай Сургаал ба Гэрээнүүдийн хэсгүүдийг судлах явцад эдгээр хичээлээс заримыг нь заах. Зарим зөвлөмжийг доор дурдсан хичээлүүдийн хажууд тусгайлан оруулав.

Заахад бэлтгэ

Дараах мэдээлэл нь багшид хичээл бүрд урьдчилан бэлтгэх шаардлагатай зүйлсийн талаарх санаануудыг өгнө.

Христийнхтэй адил хайраар сайн мэдээг хуваалцах

Хичээлийн хуваарийн талаарх зөвлөмж: Та Сургаал ба Гэрээнүүд 18 хичээлийг суралцагчдад заангаа энэ хичээлийг заах талаар бодож үзэж болно. 10–16-р шүлэг Аврагчийн хайр нь хүн бүрийг Өөр дээр нь ирэхэд урьдаг Түүний хүсэл эрмэлзэл рүү хөтөлдгийг ойлгоход тусалдаг.

Хичээлийн зорилго: Тэнгэрлэг Эцэг, Есүс Христ хоёрыг мөн бусдыг хайрлах хайр нь тэдэнд сайн мэдээг хуваалцах урам зоригийг хэрхэн төрүүлдэг тухай ойлгоход нь суралцагчдад туслах.

  • Суралцагчдын бэлтгэл: Энэ хичээлээс Иосеф Смитийн хэлсэн үгийг суралцагчдад өг. Энэ үг нь хэн нэгнийг сайн мэдээг бусадтай хуваалцах, бүрэн цагийн номлолд үйлчлэхэд бэлтгэх зэрэгт хэрхэн түлхэц болж өгдөг талаар хуваалцахаар бэлтгэхэд тэднийг урь.

  • Харуулах зураг: Өөр өөр нөхцөл байдалд үйлчилж буй өсвөр үеийнхэн; сайн мэдээг хуваалцаж буй хэн нэгэн

  • Видео: “Хоньдыг минь тэжээгтүн” (цагийн код 5:47; 2:46-аас 4:29 хүртэл үзнэ үү)

  • Ашиглах материал: Жижиг бүлгүүдэд ашиглах хоосон цаас

Хайрла, хуваалц, урь

Хичээлийн зорилго: Хайрлах, хуваалцах, урих зарчмуудыг ашиглан Есүс Христийн сайн мэдээг хуваалцах төлөвлөгөө гаргахад суралцагчдад туслах.

Номлолд үйлчлэхийг сонгох

Хичээлийн хуваарийн талаарх зөвлөмж: Та Их Эзэн биднээс Өөрийн сайн мэдээг хуваалцахыг хүсдэг шалтгаануудад голчлон төвлөрдөг “Сургаал ба Гэрээнүүд 30–36, 1-р хэсэг” хичээлийг суралцагчдад заангаа энэ хичээлийг заах талаар бодож үзэж болно.

Хичээлийн зорилго: Их Эзэнд Түүний номлогчийн хувьд үйлчлэх хүслээ ойлгоход нь суралцагчдад туслах.

  • Суралцагчийн бэлтгэл: Сургаал заах номлол эсвэл үйлчлэлийн номлолд үйлчилсэн хэн нэгэнтэй ярилцахад суралцагчдыг урь. Суралцагчид тухайн хүнээс номлолын үйлчлэлээрээ дамжуулан Их Эзэн өөрийг нь болон бусдыг адисалсан янз бүрийн арга замуудыг хуваалцахыг хүсэж болно.

  • Ашиглах материал: Сагсан доторх жижиг цааснууд дээр бичсэн номлолын үүрэг даалгаврын жишээнүүд; ерөнхийлөгч Рассэлл М.Нэлсоны хамтрагч хоорондын хэлэлцүүлэгт зориулсан анхны захиасны хуулбарууд

  • Тараах материал: “Номлолын үйлчлэлийн адислалууд”

  • Видео: “Бүрэн цагийн номлолын үнэ цэн” (5:22)

Мормоны Ном бол хөрвөлтийн зэмсэг

Хичээлийн хуваарийн талаарх зөвлөмж: Та Сургаал ба Гэрээнүүд 84:49–102 хичээлийг суралцагчдад заангаа энэ хичээлийг заах талаар бодож үзэж болно. 54–57-р шүлэг нь Мормоны Номд хөнгөн хуумгай хандахгүй байхын чухлыг ойлгоход бидэнд тусалдаг.

Хичээлийн зорилго: Аврагчийн сайн мэдээг хуваалцахад бэлтгэхийн тулд Мормоны Номын талаарх гэрчлэлээ бэхжүүлэхийн чухлыг ойлгоход нь суралцагчдад туслах.

  • Суралцагчийн бэлтгэл: Гэр бүлийн гишүүн, итгэлт найзаасаа Мормоны Номын талаарх гэрчлэлийг анх хэрхэн хүлээн авсан тухайгаа хуваалцахыг хүсэхэд суралцагчдыг урь. Хуваалцах хүсэлтэй байгаа суралцагчдыг Мормоны Номын тухай гэрчлэл хүлээн авсан туршлагаа хуваалцахад урамшуул.

  • Ашиглах материал: Янз бүрийн энгийн хэрэгслүүдийг (эсвэл тэдгээрийн зургийг) харуулах

  • Видео: “Мормоны Номын түүх” (5:15); “Мормоны Ном” (2:10)

Номлогчийн ажилд хичээнгүй байх

Хичээлийн хуваарийн талаарх зөвлөмж: Та Сургаал ба Гэрээнүүд 4 хичээлийг суралцагчдад заангаа энэ хичээлийг заах талаар бодож үзэж болно. 6-р шүлэг нь хичээл зүтгэл бол Их Эзэний ажилд туслах хүсэлтэй хүмүүсийн Христтэй адил зан чанар гэдгийг харуулдаг.

Хичээлийн зорилго: Амьдралдаа илүү хичээнгүйлэн зүтгэж, Түүний номлогчоор үйлчлэхэд бэлтгэгдэхийн тулд Их Эзэний тусламжийг эрэлхийлэхэд нь суралцагчдад туслах.

  • Суралцагчийн бэлтгэл: Дараах хичээл зүтгэлийн талаарх тодорхойлолтод Есүс Христийг хэрхэн дүрсэлсэн талаар эргэцүүлэн бодоход суралцагчдыг урь. Түүний хичээл зүтгэлийг харуулсан түүхүүдийг Түүний амьдралаас тэд тодорхойлж болно.

Хичээл зүтгэл гэдэг бол “ялангуяа Их Эзэнд үйлчилж мөн Түүний үгийг дагахад гаргах байнгын, эрс шийдмэг хүчин чармайлт” юм (Судруудын удирдамж, “Хичээнгүй зүтгэл,” scriptures.ChurchofJesusChrist.org).