Seminare
Sauniuniga Faafaifeautalai: Vaaiga Aoao

“Sauniuniga Faafaifeautalai: Vaaiga Aoao,” Tusi Lesona a le Faiaoga Seminare o le Mataupu Faavae ma Feagaiga (2025)

“Sauniuniga Faafaifeautalai,” Tusi Lesona a le Faiaoga Seminare o le Mataupu Faavae ma Feagaiga

Sauniuniga Faafaifeautalai

Sauniuniga Faafaifeautalai

Vaaiga Aoao

E mafai ona tatou fesoasoani e faapotopoto Isaraelu e ala i le alofa atu i isi, faasoa atu le savali a Iesu Keriso, ma valaaulia i latou e omai i le Faaola. E faamanuia e le Atua faifeautalai a o latou auauna atu ma le filiga ma aoao atu tagata i o latou nuu ma le lalolagi atoa. Na saunia e le Atua le Tusi a Mamona mo le faapotopotoina i aso e gata ai.

Fautuaga o le saoasaoa: E tele filifiliga lelei e mafaufau i ai mo le saoasaoa o nei lesona. Mo se faataitaiga:

  1. Aoao atu nisi po o nei lesona uma e agai atu i le faaiuga o le tausaga aoga pe a ono galulue tagata aoga matutua i le auina atu o a latou pepa o le misiona.

  2. Aoao atu nisi o nei lesona a o e suesueina vaega o le Mataupu Faavae ma Feagaiga e fesoasoani ia i tatou e malamalama atili ai i le galuega faafaifeautalai. O nisi o fautuaga o loo lisi atu i autafa o lesona faapitoa o loo i lalo.

Ia saunia e aoao atu

O lenei faamatalaga e tuuina atu ai ia te oe ni manatu o mea atonu e manaomia ona muai saunia ai mo lesona taitasi.

Faasoa le Talalelei Ona o le Alofa FaaKeriso

Fautuaga o le saoasaoa: Atonu e te mafaufau e aoao atu lenei lesona i le taimi lava e tasi e te aoao atu ai tagata aoga e uiga i le Mataupu Faavae ma Feagaiga 18. Ofuaiupu 10–16 e fesoasoani tatou te malamalama ai i le ala e taitai atu ai le alofa o le Faaola i Lona finagalo mo tagata uma e o mai ia te Ia.

Faamoemoega o le lesona: Ina ia fesoasoani i tagata aoga ia malamalama i le auala e mafai ai e lo latou alolofa mo le Tama Faalelagi, Iesu Keriso, ma isi tagata ona uunaia i latou e faasoa atu le talalelei.

  • Sauniuniga a le tagata aoga: Tuu atu i tagata aoga le saunoaga a Iosefa Samita mai lenei lesona. Valaaulia i latou e sauni e faasoa mai pe mafai faapefea e lenei faamatalaga ona faaosofia se tasi e faasoa atu le talalelei i isi pe saunia e auauna atu i se misiona talai.

  • Ata e faaali mai: Talavou o loo auauna atu i ni tulaga eseese; o se tasi o loo faasoaina atu le talalelei

  • Vitio: “Fafaga A’u Mamoe” (5:47; matamata mai le faailo taimi 2:46 i le 4:29)

  • Anomea: Fasipepa avanoa mo vaega toalaiti e faaaoga

Alofa, Faasoa, ma Valaaulia

Faamoemoega o le lesona: e mafai ona fesoasoani i tagata aoga e faia se fuafuaga e faasoa atu ai le talalelei a Iesu Keriso e ala i le faaaogaina o mataupu faavae o le alofa, faasoa atu, ma le valaaulia.

  • Sauniuniga a le tagata aoga: Valaaulia tagata aoga e o mai saunia e faasoa mai a latou lava tala o le liua po o se tala a se tagata o le aiga po o se uo e uiga i le O Le Ekalesia a Iesu Keriso o le Au Paia o Aso e Gata Ai.

  • Ata e faaali atu: O se manu o loo faalafiina

  • Pepa e tufa atu: “Alofa, Faasoa, Valaulia”

  • Vitio: “O Auala Faigofie e Alofa Atu ai, Faasoa Atu, ma Valaaulia” (2:45); “Faasalalauga i le 2021 Mataupu Faavae o le Alofa, Faasoa Atu, ma Valaaulia” (54:06; matamata mai le faailo taimi 0:00 i le 1:35)

Saunia e Auauna Atu i se Misiona

Fautuaga o le saoasaoa: Atonu e te mafaufau e aoao atu lenei lesona i le taimi lava e tasi e te aoao atu ai le lesona “Mataupu Faavae ma Feagaiga 30–36, Vaega 1,” lea e taulai atu i mafuaaga e finagalo le Alii tatou te faasoa atu ai Lana talalelei.

Faamoemoega o le lesona: Ina ia fesoasoani i tagata aoga ia lagona e auauna atu i le Alii o Ana faifeautalai.

  • Sauniuniga a le tagata aoga: Valaaulia tagata aoga e talanoa i se tasi sa auauna atu i se misiona talai po o se auaunaga. E mafai e tagata aoga ona fai atu i le tagata e faasoa mai ni auala eseese na faamanuiaina ai i latou e le Alii ma isi e ala i a latou auaunaga faafaifeautalai.

  • Anomea: Faataitaiga o tofiga o le misiona i ni fasipepa laiti i totonu o se ato; kopi o le saunoaga muamua a Peresitene Russell M. Nelson mo soa e talanoaina

  • Pepa e tufa atu: “Faamanuiaga o le Auaunaga Faafaifeautalai”

  • Vitio: “Value of a Full-Time Mission” (5:22)

O le Tusi a Mamona o se Auupega Faaliliu

Fautuaga o le saoasaoa: Atonu e te mafaufau e aoao atu lenei lesona i le taimi lava e tasi e te aoao atu ai le lesona “Mataupu Faavae ma Feagaiga 84:49–102.” Ofuaiupu 54–57 e fesoasoani tatou te malamalama ai i le taua o le le manatu mamā i le Tusi a Mamona.

Faamoemoega o le lesona: Ina ia fesoasoani i tagata aoga ia lagonaina le taua o le faamalosia o a latou molimau o le Tusi a Mamona e sauniuni ai e faasoa atu le talalelei a le Faaola.

  • Sauniuniga a le tagata aoga: Valaaulia tagata aoga e fai atu i se tagata o le aiga po o se uo faatuatuaina e faasoa mai pe na faapefea ona latou maua muamua se molimau o le Tusi a Mamona. Fautuaina tagata aoga o e lagona le toafimalie e faia ai ina ia faasoa mai foi o latou lava aafiaga i le mauaina o se molimau o le Tusi a Mamona.

  • Anomea: Faaali atu ni meafaigaluega faigofie eseese (po o ata o na mea)

  • Vitio: “O Se Tala o le Tusi a Mamona” (5:15); “O Le Tusi a Mamona” (2:10)

Filiga i le Galuega Faafaifeautalai

Fautuaga o le saoasaoa: Atonu e te mafaufau e aoao atu lenei lesona i le taimi lava e tasi e te aoao atu ai le lesona “Mataupu Faavae ma Feagaiga 4.” O lefuaiupu 6 o loo faaalia ai o le filiga o se uiga faaKeriso o i latou o e mananao e fesoasoani i le galuega a le Alii.

Faamoemoega o le lesona: Ina ia fesoasoani i tagata aoga e saili le fesoasoani a le Alii ina ia filiga atili i o latou olaga ma a latou sauniuniga e auauna atu o Ana faifeautalai.

  • Sauniuniga a le tagata aoga: Valaaulia tagata aoga e mafaufau pe faapefea e le faauigaga lenei o le maelega ona faamatalaina Iesu Keriso. E mafai foi ona latou faailoa mai tala mai Lona soifuaga lea na Ia faaalia ai le filiga.

O le maelega o le “taumafaiga faifai pea, ma le lototoa, aemaise lava i le auauna atu i le Alii ma usitai i Lana afioga” (Taiala i Tusitusiga Paia, “Filiga,” scriptures.ChurchofJesusChrist.org).