Teuteu ki he Ngāue Fakafaifekaú

Teuteu ki he Ngāue Fakafaifekaú

Vakai Fakalūkufuá

Te tau lava ʻo tokoni ke tānaki fakataha ʻa ʻIsileli ʻaki ʻetau ʻofa ki he niʻihi kehé, vahevahe e pōpoaki ʻa Sīsū Kalaisí, pea fakaafeʻi kinautolu ke nau haʻu ki he Fakamoʻuí. ʻOku tāpuakiʻi ʻe he ʻOtuá ʻa e kau faifekaú ʻi heʻenau ngāue faivelenga mo akoʻi ʻa e kakai ʻi honau tukui koló pea mo e funga ʻo e māmaní. Naʻe ʻomi ʻe he ʻOtuá ʻa e Tohi ʻa Molomoná ki he tānaki fakataha ʻi he ngaahi ʻaho kimui ní.

Fokotuʻu ki he vave hono akoʻí: ʻOku lahi ha ngaahi fili lelei ke fakakaukau ki ai ki he vave hono akoʻi ʻo e ngaahi lēsoni ko ʻení. Hangē ko ʻení:

1. Akoʻi ha niʻihi pe kotoa ʻo e ngaahi lēsoni ko ʻení ʻi he fakaʻosinga ʻo e taʻu fakaakó ʻi he taimi ʻe ngāue ai ʻa e kau ako matuʻotuʻa angé ʻi hono fakahū ʻenau pepa ngāue fakafaifekaú.

2. Akoʻi ha niʻihi ʻo e ngaahi lēsoni ko ʻení ʻi hoʻo ako ʻa e ngaahi vahe ʻo e Tokāteline mo e Ngaahi Fuakavá ʻa ia ʻoku tokoni ke mahino lelei ange kiate kitautolu ʻa e ngāue fakafaifekaú. ʻOku ʻi ai ha ngaahi fokotuʻu ʻoku hiki atu ʻi he tafaʻaki ʻo e ngaahi lēsoni pau ʻi laló.

Teuteu ke akoʻí

ʻOku ʻoatu ʻe he fakamatala ko ʻení ha ngaahi fakakaukau ki he meʻa ʻe ala fiemaʻu ke teuteuʻi kimuʻa ‘i he lēsoni takitaha.

Ko Hono Vahevahe ʻo e Ongoongoleleí ʻi he ʻOfa Faka-Kalaisí

Fokotuʻu ki he vave hono akoʻí: Mahalo te ke fakakaukau ke akoʻi ʻa e lēsoni ko ʻení ʻi he taimi tatau pē ʻokú ke akoʻi ai ʻa e kau akó fekauʻaki mo e Tokāteline mo e Ngaahi Fuakava 18. ʻOku tokoni ʻa eveesi 10–16 ke mahino kiate kitautolu ʻa e founga ʻoku fakaiku ai ʻa e ʻofa ʻa e Fakamoʻuí ki Heʻene fakaʻamu ke haʻu ʻa e tokotaha kotoa pē kiate Iá.

Taumuʻa ʻo e lēsoní: Ke tokoni ke mahino ki he kau akó ʻa e founga ʻe lava ke fakaʻaiʻai ai kinautolu ʻe heʻenau ʻofa ki he Tamai Hēvaní, Sīsū Kalaisi, mo e kakai kehé ke vahevahe ʻa e ongoongoleleí.

• Teuteu ʻa e tokotaha akó: ʻOange ki he kau akó ʻa e lea ʻa Siosefa Sāmita mei he lēsoni ko ʻení. Fakaafeʻi kinautolu ke teuteu ke vahevahe ʻa e founga ʻe lava ai ʻe he fakamatala ko ʻení ʻo fakaʻaiʻai ha taha ke ne vahevahe ʻa e ongoongoleleí mo e niʻihi kehé pe teuteu ke ngāue fakafaifekau taimi kakató.

• Ngaahi ʻīmisi ke fakaʻaliʻalí: Toʻu tupu ʻoku nau ngāue ʻi ha ngaahi tūkunga kehekehe; ko ha taha ʻokú ne vahevahe ʻa e ongoongoleleí

• Vitiō: “Fafanga ʻEku Fanga Sipí” (5:47; mamata mei he taimi 2:46 ki he 4:29)

• Ngaahi naunaú: Ngaahi laʻipepa ʻoku teʻeki tohi ai ha meʻa ke fakaʻaongaʻi ʻe he fanga kiʻi kulupu īkí

‘Ofa, Vahevahe mo e Fakaafe

Taumuʻa ʻo e lēsoní: Ke tokoni ki he kau akó ke faʻu ha palani ke vahevahe ʻa e ongoongolelei ʻo Sīsū Kalaisí ʻaki hono fakaʻaongaʻi ʻa e ngaahi tefitoʻi moʻoni ʻo e ʻofá, vahevahé, mo e fakaafé.

• Teuteu ʻa e tokotaha akó: Fakaafeʻi ʻa e kau akó ke nau haʻu mateuteu ke vahevahe ʻenau talanoa fakauluí pe talanoa ʻa ha mēmipa ʻo e fāmilí pe kaungāmeáʻ fekauʻaki mo e kau ki he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní.

• ʻĪmisi ke fakaʻaliʻalí: Ko ha monumanu ʻoku fakapuli ʻi hono ʻātakaí

• Laʻipepa tufá: “‘Ofa, Vahevahe, Fakaafe”

• Ngaahi Vitioó: “Ngaahi Founga Faingofua ke ʻOfa, Vahevahe, mo Fakaafeʻí” (2:45); “Fakamafola ʻo e 2021: Ngaahi Tefitoʻi Moʻoni ʻo e ʻOfá, Vahevahé, mo e Fakaafé” (54:06; mamata mei he taimi 0:00 ki he 1:35)

Ko e Fili ke Ngāue Fakafaifekaú

Fokotuʻu ki he vave hono akoʻí: Mahalo te ke fakakaukau ke akoʻi ʻa e lēsoni ko ʻení ʻi he taimi tatau pē ʻokú ke akoʻi ai ʻa e lēsoni “Tokāteline mo e Ngaahi Fuakava 30–36, Konga 1,” ʻa ia ʻoku nofotaha ʻi he ngaahi ʻuhinga ʻoku finangalo ai ʻa e ʻEikí ke tau vahevahe ʻEne ongoongoleleí.

Taumuʻa ʻo e lēsoní: Ke tokoniʻi e kau akó ke nau ongoʻi ha holi ke ngāue maʻá e ʻEikí ko ʻEne kau faifekau.

• Teuteu ʻa e tokotaha akó: Fakaafeʻi ʻa e kau akó ke talanoa ki ha taha kuó ne ngāue fakafaifekau malanga pe ngāue fakafaifekau tokoni. ʻE lava ke kole ʻe he kau akó ki he tokotahá ke ne vahevahe ha ngaahi founga kehekehe naʻe tāpuakiʻi ai kinautolu mo e niʻihi kehé ʻe he ʻEikí ʻo fakafou ʻi heʻenau ngāue fakafaifekaú.

• Ngaahi naunaú: Ngaahi sīpinga ʻo e ngaahi ngāue fakafaifekau ʻoku vahe ʻi ha fanga kiʻi laʻipepa ʻi ha kato; ngaahi tatau ʻo e ʻuluaki lea ʻa Palesiteni Lāsolo M. Nalesoní ke aleaʻi ʻe he ngaahi hoá

• Laʻipepa tufá: “Ko e Ngaahi Tāpuaki ʻo e Ngāue Fakafaifekaú”

• Vitiō: “Value of a Full-Time Mission” (5:22)

Ko ha Meʻangāue ki he Uluí ʻa e Tohi ʻa Molomoná

Fokotuʻu ki he vave hono akoʻí: Mahalo te ke fakakaukau ke akoʻi e lēsoni ko ʻení ʻi he taimi tatau pē ʻokú ke akoʻi ai ʻa e lēsoni “Tokāteline mo e Ngaahi Fuakava 84:49–102.” ʻOku tokoni ʻa e veesi 54–57 ke mahino kiate kitautolu ʻa e mahuʻinga ʻo e ʻikai ke fakavaʻivaʻingaʻaki ʻa e Tohi ʻa Molomoná.

Taumuʻa ʻo e lēsoní: Ke tokoni ke ongoʻi ʻe he kau akó ʻa e mahuʻinga ʻo hono fakamālohia ʻenau fakamoʻoni ki he Tohi ʻa Molomoná ʻi he teuteu ke vahevahe ʻa e ongoongolelei ʻa e Fakamoʻuí.

• Teuteu ʻa e tokotaha akó: Fakaafeʻi ʻa e kau akó ke nau kole ki ha mēmipa ʻo e fāmilí pe ha kaungāmeʻa falalaʻanga ke vahevahe ʻa e founga ne nau fuofua maʻu ai ha fakamoʻoni ki he Tohi ʻa Molomoná. Poupouʻi ʻa e kau ako ʻoku nau ongoʻi fiemālie ke fai iá ke vahevahe foki ʻenau aʻusia ʻi hono maʻu ha fakamoʻoni ki he Tohi ʻa Molomoná.

• Ngaahi naunaú: Fakaʻaliʻali ha ngaahi meʻangāue iiki (pe ko honau ngaahi ʻīmisí)

• Ngaahi Vitioó: “A Book of Mormon Story” (5:15); “The Book of Mormon” (2:10)

Faivelenga ʻi he Ngāue Fakafaifekaú

Fokotuʻu ki he vave hono akoʻí: Mahalo te ke fakakaukau ke akoʻi ʻa e lēsoni ko ʻení ʻi he taimi tatau pē ʻokú ke akoʻi ai ʻa e lēsoni “Tokāteline mo e Ngaahi Fuakava 4.” ʻOku fakahaaʻi ʻe he veesi 6 ko e faivelengá ko ha ʻulungaanga faka-Kalaisi ia ʻo kinautolu ʻoku maʻu ha loto-holi ke tokoni ʻi he ngāue ʻa e ʻEikí.

Taumuʻa ʻo e lēsoní: Ke tokoniʻi e kau akó ke fekumi ki he tokoni ʻa e ʻEikí ke nau toe faivelenga ange ʻi heʻenau moʻuí mo ʻenau teuteu ke hoko ko ʻEne kau faifekaú.

• Teuteu ʻa e tokotaha akó: Fakaafeʻi ʻa e kau akó ke nau fakakaukau ki he founga ʻoku fakamatalaʻi ai ʻe he fakaʻuhinga ko ʻeni ʻo e faivelengá ʻa Sīsū Kalaisí. Te nau lava foki ʻo ʻiloʻi ʻa e ngaahi fakamatala mei Heʻene moʻuí ʻa ia naʻá Ne fakahaaʻi ai ʻEne faivelengá.

Ko e faivelengá ko e “feinga loto-toʻa maʻu pē, ʻo tautautefito ʻi he tauhi ki he ʻEikí mo e talangofua ki Heʻene folofolá” (Fakahinohino ki he Ngaahi Folofolá, “Faivelengá,” scriptures.ChurchofJesusChrist.org).

• Ngaahi ʻīmisi ke fakaʻaliʻalí: Fale nofoʻanga; ko ha fāmili ʻoku akoʻi ʻe he ongo faifekaú

• Ngaahi Vitioó: “Fourth Floor, Last Door” (21:33; mamata mei he taimi 14:17 ki he 17:27 pea mei he 18:27 ki he 18:57); “Ko Hono Teuteuʻi ʻo Kōtoni B. Hingikelií: Fakangaloki Koe pea ʻAlu ki he Ngāué” (2:03)

• Ngaahi naunaú: Ngaahi tatau ʻo e ngaahi fakahinohino ki he ʻekitivitī fakakulupú