Huwebes, Marso 28

Pagpalabay ug Pag-antos diha sa Tanaman

“O Amahan ko, kon mahimo man, isaylo lang kanako kining kopa; gani, dili sumala sa akong pagbuot kon dili sa imo” (Mateo 26:39).

Si Jesus miobserbar sa sagrado nga kasaulogan sa Pagpalabay uban sa Iyang Apostoles. Gipasiugdahan Niya ang sagrado nga ordinansa sa sakramento, diin gidapit ang Iyang mga disipulo sa pagkaon ug pag-inom agi og paghinumdom Kaniya. Iyang gitudloan sila sa makahupay nga gahom sa Espiritu Santo. Ug nasayod nga ang Iyang panahon uban kanila motapos na sa dili madugay, Siya mimando kanila sa “paghigugmaay” sama nga Siya nahigugma kanila (Juan 13:34–35). Kana nga gugma, Siya miingon, mahimong usa ka timailhan ngadto sa uban nga sila Iyang mga disipulo. Ang Iyang Apostoles layo na kaayo og naabtan sukad sa una nilang pagkaila ni Jesus, apan ang Iyang mga pulong nagpakita nga Siya nasayod nga ang ilang kausaban ngadto sa tinuod nga mga disipulo nagsugod pa lang.

Human sa unsay giila nga ang Kataposan nga Panihapon, si Jesus nangutana sa Iyang Apostoles sa pagsunod Kaniya latas sa kagabhion ngadto sa hilom nga tanaman nga ginganlan og Getsemani. Bisan ang ilang Agalon mihangyo kanila nga dili matulog uban Kaniya, ang gipangkapoy nga mga disipulo nakatulog. Nag-inusara, si Jesus nagsugod sa pag-ampo ug sa wala madugay nabuntog sa dili matugkad nga kasakit. Didto sa tanaman, Siya misugod sa proseso sa pagdala diha sa Iyang Kaugalingon sa mga sala ug mga kasakit sa kalibotan. Mao kadto ang sinugdanan sa usa ka buhat sa sakripisyo nga moabot sa kataposan niini pagkasunod adlaw diha sa krus sa Golgota.

Sa wala madugay nianang pagkagabii, si Judas Iscariote mibudhi sa Manluluwas ngadto sa lokal nga mga awtoridad, kinsa miaresto ni Jesus ug midala Kaniya ngadto sa panimalay ni Caifas, ang pangulong pari. Didto, si Jesus maghulat sa Iyang husay hangtod pagkasunod nga buntag.

Si Presidente Russell M. Nelson balik-balik nga nagdapit kanato sa pagpaduol ngadto ni Kristo pinaagi sa proseso sa paghinulsol, nahimong posible pinaagi sa pag-antos ug Pag-ula ni Jesus:

Walay laing mas makapagawasnon, mas makapahamili, o mas importante sa atong kaugalingong paglambo kay sa usa ka kanunay, matag-adlaw nga paghatag og gibug-aton sa paghinulsol. Ang paghinulsol dili usa ka panghitabo; usa kini ka proseso. Mao kini ang yawe ngadto sa kalipay ug kalinaw sa hunahuna. Kon inubanan sa hugot nga pagtuo, ang paghinulsol moabli sa atong agianan ngadto sa gahom sa Pag-ula ni Jesukristo. (“Kita Makabuhat og Mas Maayo pa ug Mahimong mas Maayo,” Liahona, Mayo 2019, 67)

Basaha ug Pamalandongi

• Lucas 22:14–20, 39–54

• Mateo 26:36–57

Sa unsang paagi nga ang inadlaw nga paghinulsol makatabang nimo sa pagtahod ug paghinumdom ni Jesukristo?

Magkanta

“Maghigugmaay,” Mga Himno, nu. 196