Dominggo sa Lukay, Marso 24

Mga Panagna sa Pagkatawo ni Jesukristo

“Tan-awa, ang pagkabanhaw ni Kristo motubos sa katawhan, oo, gani sa tanan nga mga katawhan, ug modala kanila balik sa atubangan sa Ginoo” (Helaman 14:17).

Sa mga 6 BC, daghan sa mga tawo nga nagpuyo sa Zarahemla sa karaang Amerika nawad-an sa ilang pagtuo diha ni Jesukristo. Mao nga ang Dios mipadala ni Samuel ang propeta sa pagpamatuod sa umaabot nga pagkatawo, kamatayon, ug Pagkabanhaw sa Manluluwas ug sa pagdapit sa katawhan sa paghinulsol ug sa pagtuo diha ni Jesukristo. Si Samuel mitagna sa mga timailhan kabahin sa pagkatawo ug kamatayon ni Jesus aron ang katawhan “unta masayod sa … iyang pag-anhi” ug “motuo sa iyang ngalan” (Helaman 14:12).

Karon nagpuyo kita sa panahon diin ang modernong mga propeta nagtagna sa Ikaduhang Pag-anhi sa nabanhaw nga Ginoo. Si Presidente Russell M. Nelson miingon:

Akong minahal nga mga kaigsoonan, daghan kaayong talagsaong mga butang anaa sa unahan. Sa umaabot nga mga adlaw, kita makakita sa labing dako nga mga pagpakita sa gahom sa Manluluwas nga sukad wala makita sa kalibotan. Tali karon ug sa adlaw sa Iyang pagbalik “uban sa gahom ug dakong himaya” [Joseph Smith—Mateo 1:36], Siya motanyag og dili maihap nga mga pribilehiyo, mga panalangin, ug mga milagro diha sa mga matinud-anon. (“Buntoga ang Kalibotan ug Pangita og Kapahulayan,” Liahona, Nob. 2022, 95)

Basaha ug Pamalandongi

• Helaman 14:1–28

Unsa nga mga kasinatian ang imong nasinati nga nakapalig-on sa imong pagtuo sa Langitnong Amahan ug ni Jesukristo?

Irekord ang Imong mga Panghunahuna

Tan-awon

“Si Samuel nga Lamanita Nagsulti mahitungod ni Jesukristo”

Chapter 40: Samuel the Lamanite Tells about Jesus Christ

Magkanta

“Samuel Tells of the Baby Jesus,” Children’s Songbook, 36