Sabado, Marso 30

Pagpangalagad ngadto sa mga Bata

“Tan-awa ang inyong gagmay nga mga bata” (3 Nephi 17:23).

Human giayo ang mga masakiton, si Jesus midapit sa katawhan sa pagdala sa ilang mga bata ngadto Kaniya. Siya dayon nag-ampo sa paagi nga ang katawhan dili makasulti o makasulat sa Iyang mga pulong, ug ang ilang mga kalag napuno sa kamaya. Ang Manluluwas “mikuha sa ilang gagmay nga mga bata, sa tinagsa, ug mipanalangin kanila” (3 Nephi 17:21). Human mipanalangin sa mga bata, ang Manluluwas mihilak ug mipadayag, “Tan-awa ang inyong gagmay nga mga bata.” Ang mga anghel nanaog gikan sa langit ug nangalagad ngadto sa mga bata samtang sila gialirongan sa kalayo.

Nag-istorya mahitungod sa pagdapit sa Manluluwas nga “tan-awa ang inyong gagmay nga mga bata,” si Presidente M. Russell Ballard nagtudlo:

Timan-i nga wala Siya moingon og “pasiplati sila” o “kaswal nga maniid nila” o “motan-aw nila panagsa sa ilang kasagaran nga nahimutangan.” Miingon Siya nga tan-awa sila. Alang kanako kana nangahulogan nga kinahanglan ato silang hangopon uban sa atong mga mata ug uban sa atong mga kasingkasing; kita kinahanglan nga motan-aw ug modayeg kanila kon kinsa gayod sila: espiritu nga mga anak sa atong Langitnong Amahan, nga adunay balaang mga hiyas” (“Great Shall Be the Peace of Thy Children,” Ensign, Apr. 1994).

Basaha ug Pamalandongi

• 3 Nephi 17:11–25

Unsaon nimo nga mas “makatan-aw” ug “makapangalagad” og maayo sa gagmay nga mga bata sa imong kaugalingong kinabuhi?

Tan-awon

“Si Jesukristo Nag-ampo ug ang mga Anghel Nangalagad sa mga Bata”

Magkanta

Gibati Ko ang Gugma sa Akong Manluluwas,” Songbook sa mga Bata, 42–43