Lunes, Marso 25

Ang Pagpakita ni Jesukristo sa Karaang Amerika

“Tan-awa, Ako mao si Jesukristo, kinsa gipamatud-an sa mga propeta nga moanhi sa kalibotan” (3 Nephi 11:10).

Ang Dios nga Amahan mipailaila sa Iyang Pinalanggang Anak, si Jesukristo, ngadto sa mga Nephita ug midapit nila sa pagpaminaw Kaniya. Ang nabanhaw nga Manluluwas nanaog dayon ug gipahayag nga nakompleto na Niya ang Pag-ula ug “mituman sa kabubut-on sa Amahan sa tanan nga mga butang” (3 Nephi 11:11). Ang Manluluwas midapit sa mga Nephita nga hikapon ang mga agi sa lansang sa Iyang mga kamot ug sa Iyang mga tiil ug masayod sa ilang mga kaugalingon bahin sa Iyang mahimayaong Pagkabanhaw. Human sila mihimo niini sa tagsa-tagsa, sila misinggit, “Hosanna!” ug nagsimba Kaniya.

Sa Abril 2023 nga kinatibuk-ang komperensiya, si Elder Gary E. Stevenson midapit kanato sa pagpamalandong kon sa unsang paagi nga ang istorya sa pagpangalagad sa nabanhaw nga Manluluwas diha sa Basahon ni Mormon makapadasig sa atong pagsaulog sa Pasko sa Pagkabanhaw.

Hunahunaa: ang mga Nephita didto sa templo nakahikap gayod sa mga kamot sa nabanhaw nga Ginoo! Kami naglaom sa paghimo niini nga mga kapitulo diha sa 3 Nephi nga kabahin gayod sa among tradisyon sa Pasko sa Pagkabanhaw ingon nga ang Lucas 2 kabahin sa among tradisyon sa Pasko. Sa pagkatinuod, ang Basahon ni Mormon nagpakigbahin sa labing nindot nga istorya sa Pasko sa Pagkabanhaw nga sukad nasugilon. Ayaw kini itugot nga mahimong ang labing nindot nga istorya sa Pasko sa Pagkabanhaw nga sukad wala nasugilon.

Dapiton ko kamo sa paghunahuna sa Basahon ni Mormon sa bag-o nga paagi ug sa pagkonsiderar sa talagsaon nga saksi nga gihatag niini sa katinuod sa nabanhaw nga Kristo ingon man sa kabuhong ug kalawom sa doktrina ni Kristo. (“Ang Labing Nindot nga Istorya sa Pasko sa Pagkabanhaw nga Sukad Nasugilon,” Liahona, Mayo 2023, 8)

Basaha ug Pamalandongi

• 3 Nephi 11:1–17

Unsaon ninyo sa pagsunod ang pagdapit ni Elder Stevenson nga “himoong sumbanan ang mga pagtulon-an ug pagsaulog sa Pagkabanhaw ni Jesukristo, ang Istorya sa Pasko sa Pagkabanhaw nga may samang paningkamot, kinatibuk-an, ug pagsaulog sa mga tradisyon sa pagkatawo ni Jesukristo, ang istorya sa Pasko?” (“Ang Labing Nindot nga Istorya sa Pasko sa Pagkabanhaw nga Sukad Nasugilon,” Liahona, Mayo 2023, 6).

Tan-awon

“Si Jesukristo Nagpakita sa Templo”

Magkanta

“Easter Hosanna,” Children’s Songbook, 68.