“Mga Pagtulon-an mahitungod sa Paghinulsol ug Bunyag,” Plano sa Pagtuon atol sa Pasko sa Pagkabanhaw (2024)
Martes, Marso 26
Mga Pagtulon-an mahitungod sa Paghinulsol ug Bunyag
“Ako magpamatuod nga ang Amahan nagsugo sa tanan nga mga tawo, bisan diin nga dapit, sa paghinulsol ug pagtuo kanako. Ug bisan kinsa ang motuo kanako, ug magpabunyag, ang mao maluwas” (3 Nephi 11:32–33).
Atol sa Iyang pagbisita sa Amerika, si Jesukristo nagtudlo ni Nephi ug sa ubang mga disipulo mahitungod sa bunyag, nag-ingon , “Ako mohatag nganha kanimo og gahom aron ikaw mobunyag niini nga mga katawhan kon Ako mobalik na pagkayab sa langit” (3 Nephi 11:21). Si Jesus nagtudlo nga ang bunyag kinahanglan nga ipahigayon pinaagi sa pag-unlod ug sa tukma nga awtoridad. Samtang Siya nagtudlo sa mga disipulo sa Iyang doktrina, Siya usab nagsulti sa kamahinungdanon sa paghinulsol: “Kamo kinahanglan maghinulsol … ug mahimo nga sama sa usa ka gamay nga bata, o kamo dili gayod makapanunod sa gingharian sa Dios” (3 Nephi 11:38).
Sa Abril 2019 nga kinatibuk-ang komperensiya, si Presidente Russell M. Nelson nagtudlo nga ang paghinulsol mao ang paagi sa pag-usab ug mahimong mas maayo:
Kon si Jesus moingon kaninyo ug kanako sa “paghinulsol,” Siya nagdapit kanato sa pag-usab sa atong hunahuna, sa atong kahibalo, sa atong espiritu––bisan sa paagi sa atong pagginhawa. Siya nagsugo kanato sa pag-usab sa atong pamaagi sa paghigugma, paghunahuna, pagserbisyo, paggahin sa atong oras, pagtagad sa atong [mga kapikas], pagtudlo sa atong mga anak, ug gani sa pag-atiman sa atong mga lawas.
Walay laing mas makapagawasnon, mas makapahamili, o mas importante sa atong kaugalingong paglambo kay sa usa ka kanunay, matag-adlaw nga paghatag og gibug-aton sa paghinulsol. Ang paghinulsol dili usa ka panghitabo; usa kini ka proseso. Mao kini ang yawe ngadto sa kalipay ug kalinaw sa hunahuna. Kon inubanan sa hugot nga pagtuo, ang paghinulsol moabli sa atong agianan ngadto sa gahom sa Pag-ula ni Jesukristo. (“Kita Makabuhat og Mas Maayo pa ug Mahimong mas Maayo,” Liahona, Mayo 2019, 67)
Basaha ug Pamalandongi
Si Presidente Nelson nagtudlo nga ang paghinulsol “mao ang yawe sa kalipay ug kalinaw sa hunahuna.” Sa unsang paagi nga ang paghinulsol nakadala niini nga mga panalangin nganha sa inyong kinabuhi?
Tan-awon
“Si Jesukristo Mitudlo ug Mihatag og Gahom sa Pagbunyag”
Magkanta
Bunyag,” Songbook sa mga Bata, 54