Naghinlo sa Templo

“Ang akong balay pagatawagon nga balay alampoanan; apan gihimo ninyo kini nga langub sa mga tulisan” (Mateo 21:13).

Atol sa panahon ni Jesus sa Jerusalem, mibisita Siya sa templo. Didto sa sulod sa balaang balay sa Iyang Amahan, si Jesus nakakita og daghang mga negosyante nga namaligya. Nakurat Siya sa pagkakita sa sagrado nga dapit sa pagsimba nga gipasipad-an ug gihimo nga “langub sa mga tulisan” (Mateo 21:13). Namulong nga may katungod gayod, Siya mimando sa mga magpapatigayon ug mga tigbaylo og kwarta sa pagpahawa.

Si Jesukristo nagdapit kanato sa pagsimba ug pagkat-on Kaniya sa modernong mga templo. Sa Oktubre 2022 nga kinatibuk-ang komperensiya, si Presidente Russell M. Nelson mitudlo:

Dili nato kalimtan kon unsa ang gibuhat sa Ginoo alang kanato karon. Iyang gibuhat ang Iyang mga templo nga mas dali nga maadtoan. Iyang gipaspasan ang gikusgon sa atong pagtukod og mga templo. Iyang gipalambo ang atong abilidad sa pagtabang sa pagpundok sa Israel. Iya usab nga gihimong mas sayon alang sa matag usa kanato nga mahimong malamboon sa espirituhanon nga paagi. Ako mosaad nga ang paggahin og mas dako nga oras diha sa templo mopanalangin sa inyong kinabuhi sa mga paagi nga walay laing makahimo. (“Magpunting sa Templo,” Liahona, Nob. 2022, 121)

Basaha ug Pamalandongi

Unsaon ninyo paghinlo ang inyong kaugalingong kasingkasing ug hunahuna aron sa pag-andam sa inyong kaugalingon sa pagsimba diha sa panimalay, sa simbahan, ug diha sa templo?

1:54

Magkanta

“Dugang nga Kabalaan Hatagi Ko,” Mga Himno, nu. 77