X’Inhuma l-Magħmudijiet għall-Antenati Mejtin?

Ġesù għallem li l-magħmudija permezz tal-awtorità xierqa kienet meħtieġa biex wieħed jidħol fis-smewwiet. Hu wriena aktar dwar l-importanza ta’ dan meta tgħammed Huwa stess. Ħafna nies għandhom l-opportunità li jitgħammdu waqt li huma ħajjin. Iżda hemm ukoll ħafna li jmutu mingħajr ma jitgħammdu jew bla ma biss isiru jafu dwar Ġesù Kristu. Missierna tas-Smewwiet irid ukoll li kollha kemm huma jerġgħu lura biex jgħixu miegħu.

Battisterju fit-Tempju ta’ Oquirrh Mountain, Utah

Missierna tas-Smewwiet kien jaf li ħafna minn uliedu ma kienx se jkollhom iċ-ċans li jitgħammdu f’din il-ħajja, għalhekk Hu pprovda mod ieħor kif jistgħu jirċievu din l-ordinanza. Fit-tempju, dawk li huma mejtin jistgħu jirċievu l-magħmudija u ordinanzi oħra bi prokura (jiġifieri li xi ħadd ħaj jirċievi dawn l-ordinanzi f’isimhom). Il-magħmudija bi prokura għal antenati mejtin (magħmudija bi prokura) hija rigal sagru li inti tista’ toffri lill-membri tal-familja tiegħek u oħrajn li mietu. Dawk li mietu mbagħad jistgħu jagħżlu jekk jaċċettawx il-magħmudija u l-ordinanzi l-oħra li twettqu għalihom. L-ordinanzi bi prokura jestendu l-grazzja tas-salvazzjoni ta’ Ġesù Kristu lill-bnedmin kollha.

Żgħażagħ qed iżuru t-Tempju ta’ Manila, il-Filippini, biex jitgħammdu għall-antenati mejtin tagħhom.

Jekk inti membri denju tal-Knisja u għandek tal-anqas 12-il sena, inti tista’ tirċievi rakkomandazzjoni tat-tempju li tagħtik iċ-ċans li tidħol fit-tempju biex titgħammed u tiġi kkonfermat f’isem nies oħra li mietu mingħajr ma rċevew dawk l-ordinanzi. L-ordinanzi f’isem oħrajn li mietu tista’ tirċevihom biss fit-tempji mqaddsa ta’ Alla u din hi responsabbiltà tal-familja mill-aktar importanti.