X’Inhi d-Dota tat-Tempju?
Inti tista’ tgħin biex is-salvazzjoni tkun possibbli għall-ulied kollha ta’ Alla meta twettaq l-ordinanzi tat-tempju għall-antenati tiegħek u għal oħrajn li mietu. Iżda hemm ukoll ordinanzi li jitwettqu fit-tempju li huma essenzjali li inti tirċevihom fit-triqek lura lejn il-preżenza ta’ Alla.
kamra ċelestjali tat-Tempju ta’ Kyiv, l-Ukraina
Wara l-magħmudija u l-konferma, inti tista’ tirċievi l-ordinanza tad- dota tat-tempju. Il-kelma dota tfisser “rigal,” u d-dota tiegħek tat-tempju hi rigal speċjali ta’ għarfien u qawwa li Alla jagħti lil dawk li huma lesti li jirċevuhom. Hija ordinanza meħtieġa biex terġa’ lura fil-preżenza ta’ Alla. Bħala parti minn din l-ordinanza, inti tiġi mgħallem aktar dwar il-pjan tas-salvazzjoni, il-missjoni u l-Espjazzjoni ta’ Ġesù Kristu, l-imħabba li Missierna tas-Smewwiet għandu għal uliedu, u l-potenzjal divin tiegħek. Il-patti li int tagħmel waqt id-dota jiffokaw fuq kif inti tista’ ssir aktar bħal Ġesù Kristu.
L-adulti jistgħu jitħejjew biex jirċievu d-dota tagħhom tat-tempju eżatt kif tgħaddi sena mill-magħmudija tagħhom. L-isqof jew il-president tal-fergħa tiegħek jgħinek titgħallem aktar dwar it-tempju u jħejjik għad-dota tiegħek. Meta tkun tinsab lest, int tista’ tistieden lil oħrajn li għandhom rakkomandazzjoni tat-tempju, inkluż lill-familja tiegħek u lil sħabek, biex jingħaqdu miegħek fit-tempju hekk kif tirċievi din l-ordinanza. Bħall-magħmudija, wara li tirċievi d-dota tiegħek, inti tista’ tirċievi dik l-istess ordinanza f’isem oħrajn li mietu.