« ព្រះគម្ពីរ » ប្រធានបទ និង សំណួរ ( ឆ្នាំ ២០២៣ )
មគ្គុទ្ទេសក៍សិក្សាដំណឹងល្អ
ព្រះគម្ពីរ
កំណត់ត្រាអំពីទំនាក់ទំនងរបស់ព្រះជាមួយនឹងបុត្រាបុត្រីរបស់ទ្រង់
តើអ្នកធ្លាប់មានបទពិសោធន៍ស្វែងរកវគ្គបទគម្ពីរមួយនៅក្នុងព្រះគម្ពីរដែលហាក់ដូចជានិយាយដោយផ្ទាល់ទៅកាន់អ្នកដែរឬទេ ? ព្រះគម្ពីរមានព្រះចេស្ដានៃព្រះវិញ្ញាណ ( សូមមើល លូកា ២៤:៣២; នីហ្វៃទី២ ៣២:៣ ) ។ ព្រះចេស្ដានៃព្រះវិញ្ញាណថ្លែងទីបន្ទាល់ថាព្រះយេស៊ូវគ្រីស្ទគឺជាព្រះអង្គសង្រ្គោះ និងជាព្រះប្រោសលោះរបស់យើង ហើយដឹកនាំយើងទៅរកទ្រង់ដែលជាប្រភពនៃសេចក្ដីសង្គ្រោះរបស់យើង ។ ព្រះវរបិតាសួគ៌ដ៏ជាទីស្រឡាញ់របស់យើងបានប្រទានព្រះគម្ពីរដល់យើង ដើម្បីបង្រៀនយើងអំពីផែនការរបស់ទ្រង់សម្រាប់សុភមង្គលរបស់យើង ដើម្បីជួយយើងឲ្យទទួលបានទីបន្ទាល់មួយអំពីព្រះរាជបុត្រារបស់ទ្រង់ ព្រះយេស៊ូវគ្រីស្ទ ដើម្បីដឹកនាំយើង ប្រទានដល់យើងនូវសេចក្ដីសង្ឃឹម និងអ្វីៗច្រើនជាងនេះទៀត ។ ក្នុងប្រវត្តិសាស្ត្រព្យាការីពីបុរាណ និងសម័យទំនើបបានកត់ត្រាសារដ៏ទេវភាពទាំងឡាយដែលពួកលោកទទួល និងដំណើររឿងនានាអំពីទំនាក់ទំនងរបស់ព្រះជាមួយនឹងបុត្រាបុត្រីរបស់ទ្រង់ ។ យើងមានពរដែលមានលទ្ធភាពទទួលបានព្រះបន្ទូលរបស់ព្រះនៅក្នុងជំនាន់របស់យើង ។
ផ្នែកទី ១
ព្រះគម្ពីរអាចនាំអ្នកឲ្យខិតទៅជិតព្រះវរបិតាសួគ៌របស់អ្នក និងព្រះយេស៊ូវគ្រីស្ទ
អែលឌើរ ឌី ថត គ្រីស្តូហ្វឺសិន បានបញ្ជាក់ថា « គោលបំណងសំខាន់នៃព្រះគម្ពីរទាំងអស់គឺដើម្បីបំពេញព្រលឹងរបស់យើងនូវសេចក្តីជំនឿទៅលើព្រះជាព្រះវរបិតា និងព្រះរាជបុត្រារបស់ទ្រង់ គឺព្រះយេស៊ូវគ្រីស្ទ » ។ សារលិខិត និងអំណាចខាងវិញ្ញាណនៃព្រះគម្ពីរដឹកនាំយើងទៅរកសេចក្ដីសង្គ្រោះ ។ ប្រធាន អែសរ៉ា ថាហ្វ ប៊ែនសិន បានបង្រៀនថា « ព្រះបន្ទូលរបស់ព្រះដូចមាននៅក្នុងព្រះគម្ពីរ … មានអំណាចក្នុងការពង្រឹងពួកបរិសុទ្ធ ហើយប្រដាប់ដោយព្រះវិញ្ញាណដើម្បីឲ្យពួកគេអាចទប់ទល់នឹងអំពើអាក្រក់ កាន់ខ្ជាប់នឹងសេចក្ដីល្អ ហើយស្វែងរកអំណរក្នុងជីវិតនេះ » ។ ការសម្រេចចិត្តរបស់អ្នកក្នុងការអាន និងសិក្សាព្រះគម្ពីរ គឺជាជំហានដ៏សំខាន់មួយឆ្ពោះទៅរកការប្រែក្លាយដូចជាព្រះវរបិតាសួគ៌ និងព្រះយេស៊ូវគ្រីស្ទ ។
រឿងទាំងឡាយដែលត្រូវពិចារណា
-
អែលឌើរ រ៉ូបឺត ឌី ហែល បានបង្រៀន ៖ « នៅពេលយើងចង់និយាយទៅកាន់ព្រះ យើងអធិស្ឋាន ។ ហើយនៅពេលយើងចង់ឲ្យទ្រង់មានបន្ទូលមកកាន់យើង នោះយើងស្រាវជ្រាវព្រះគម្ពីរទាំងឡាយ » ។ តើអ្នកមានអារម្មណ៍ថាព្រះគម្ពីរបានផ្ដល់ចម្លើយដល់អ្នកនៅពេលណា ? តើអ្នកនឹងចែកចាយអ្វីខ្លះជាមួយអ្នកដទៃ ដើម្បីជួយឲ្យពួកគេស្គាល់ថាព្រះគម្ពីរអាចជួយពួកគេទទួលចម្លើយមកពីព្រះបាន ?
-
ព្យាការីនីហ្វៃបានសរសេរនូវអ្វីដែលលោកសង្ឃឹមថា អ្នកអានទាំងឡាយដែលអានអំពីការសរសេរដ៏បំផុសគំនិតរបស់លោក នឹងអាចដកពិសោធន៍ការណ៍ទាំងនេះ ។ សូមអាន នីហ្វៃទី១ ៦:១–៦ ។ តើការយល់អំពីគោលបំណងរបស់ នីហ្វៃ ក្នុងការសរសេរដំណើររឿងរបស់លោកមានឥទ្ធិពលលើរបៀបដែលអ្នកសិក្សាអំពីព្រះគម្ពីរមរមនដោយរបៀបណា ?
សកម្មភាពសម្រាប់ការរៀនសូត្រជាមួយអ្នកដទៃ
-
សូមមើលវីដេអូជាមួយគ្នា « President Nelson—The Scriptures Teach Us about Jesus Christ (for Youth) » ( នាទីទី ០:៥៩ ) ដោយស្វែងរកសេចក្ដីពិតដែលប្រធាន រ័សុល អិម ណិលសុន បានសន្យាថាយើងអាចរៀនបានមកពីព្រះគម្ពីរ ។ តើលោកបានមានប្រសាសន៍អ្វីខ្លះអំពីសារៈសំខាន់នៃការជ្រមុជខ្លួនយើងជារៀងរាល់ថ្ងៃក្នុងព្រះគម្ពីរ ?
ស្វែងយល់បន្ថែមទៀត
-
នីហ្វៃទី២ ៤:១៥-១៦; គោលលទ្ធិ និងសេចក្តីសញ្ញា ១៨:៣៤-៣៦; ២០:៨–១៥
-
រ័សុល អិម ណិលសុន « Living by Scriptural Guidance » Ensign ខែ វិច្ឆិកា ឆ្នាំ ២០០០ ទំព័រ ១៦–១៨
-
« The Power of the Word » Teachings of Presidents of the Church: Ezra Taft Benson ( ឆ្នាំ ២០១៤ ) ទំព័រ ១១៥–១២៤
-
« Scriptures Are God’s Recipes for Happy Living, Said President Nelson » ( វីដេអូ ) នៅលើគេហទំព័រ ChurchofJesusChrist.org
ផ្នែកទី ២
ព្រះគម្ពីរគឺជាការប្រមូលផ្តុំដ៏ពិសិដ្ឋនៃព្រះបន្ទូលរបស់ព្រះទៅកាន់បុត្រាបុត្រីរបស់ទ្រង់
សមាជិកនៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ « ជឿចំពោះការណ៍ទាំងអស់ដែលទ្រង់បានបើកសម្ដែងមក និងការណ៍ទាំងអស់ដែលទ្រង់បើកសម្ដែងនៅពេលឥឡូវនេះ ហើយ… ថាទ្រង់នឹងបើកសម្ដែងនូវការណ៍ដ៏ធំ និងសំខាន់ៗជាច្រើនដែលទាក់ទងទៅនឹងនគរនៃព្រះ » ( មាត្រានៃសេចក្ដីជំនឿ ១:៩ ) ។ វិវរណៈជាច្រើនរបស់ព្រះទៅកាន់បុត្រាបុត្រីរបស់ទ្រង់ត្រូវបានកត់ត្រាទុកក្នុងព្រះគម្ពីរដែលរួមមាន ព្រះគម្ពីរប៊ីប ព្រះគម្ពីរមរមន គោលលទ្ធិ និងសេចក្តីសញ្ញា និងមុក្ដាដ៏មានតម្លៃមហិមា ។ ព្រះគម្ពីរទាំងនេះត្រូវបានគេហៅថា « គម្ពីរបមាណី » ហើយត្រូវបានចាត់ទុកថាជាព្រះគម្ពីរផ្លូវការ ឬ ជាព្រះគម្ពីរនៃសាសនាចក្រ ។
-
ព្រះគម្ពីរគឺជាកំណត់ត្រានៃការទាក់ទងរបស់ព្រះជាមួយនឹងរាស្រ្តរបស់ទ្រង់តាំងពីជំនាន់របស់លោកអ័ដាម រហូតទៅដល់ជំនាន់ដែលសាវករបស់ព្រះយេស៊ូវគ្រីស្ទនៅរស់ ។ វាត្រូវបានបែងចែកជាពីរផ្នែក ៖ គឺព្រះគម្ពីរសញ្ញាចាស់ និងព្រះគម្ពីរសញ្ញាថ្មី ។ ព្រះគម្ពីរសញ្ញាចាស់បង្រៀនថាព្រះមែស៊ីដែលបានសន្យានឹងយាងមកជាព្រះអង្គសង្គ្រោះ និងព្រះប្រោសលោះរបស់យើង ។ ព្រះគម្ពីរសញ្ញាថ្មីកត់ត្រាអំពីជីវិតរបស់ព្រះយេស៊ូវគ្រីស្ទ និងពលិកម្មដ៏ធួនរបស់ទ្រង់ និងការមានព្រះជន្មរស់ឡើងវិញ ។ វាក៏រួមបញ្ចូលទាំងការបង្រៀនរបស់សាវករបស់ទ្រង់ទៅកាន់សមាជិកសាសនាចក្រដែលព្រះយេស៊ូវគ្រីស្ទបានបង្កើតឡើងក្នុងអំឡុងពេលនោះផងដែរ ។
-
ព្រះគម្ពីរមរមនគឺជាកំណត់ត្រាដ៏ពិសិដ្ឋមួយអំពីប្រជាជនដែលរស់នៅក្នុងអឌ្ឍគោលខាងលិចរវាង ឆ្នាំ ២០០០ ម.គ.ស និង ៤០០ គ.ស ។ វាមានចំណងជើងរងថា « សក្ខីបទមួយទៀតអំពីព្រះយេស៊ូវគ្រីស្ទ » ។ វាត្រូវបានសរសេរក្នុងគោលបំណង « ជាការបរិវត្តន៍ … សាសន៍យូដា និងសាសន៍ដទៃថា ព្រះយេស៊ូវ គឺជាព្រះគ្រីស្ទ ជាព្រះដ៏នៅអស់កល្បជានិច្ច » ( ទំព័រចំណងជើងនៃព្រះគម្ពីរមរមន ) ។
-
ព្រះគម្ពីរគោលលទ្ធិ និងសេចក្តីសញ្ញាមានវិវរណៈសម័យទំនើបជាច្រើនដែលបានទទួលដែលជាផ្នែកមួយនៃការស្ដារដំណឹងល្អរបស់ព្រះយេស៊ូវគ្រីស្ទឡើងវិញ ។ វិវរណៈទាំងនេះភាគច្រើនត្រូវបានទទួលដោយព្យាការី យ៉ូសែប ស្ម៊ីធ ក្នុងអំឡុងសតវត្សរ៍ទីដប់ប្រាំបួន ។
-
ព្រះគម្ពីរមុក្តាដ៏មានតម្លៃមហិមាមានការសរសេរអំពីគម្ពីររបស់ម៉ូសេ និងគម្ពីរអ័ប្រាហាំ ។ វាក៏រួមបញ្ចូលទាំងផ្នែកមួយនៃការបកប្រែរបស់ យ៉ូសែប ស្ម៊ីធ អំពីព្រះគម្ពីរប៊ីប ការជ្រើសរើសមកពីប្រវត្តិនៃសាសនាចក្ររបស់លោក និងមាត្រានៃសេចក្ដីជំនឿ ។
បន្ថែមពីលើព្រះគម្ពីរបរមាណី នោះពួកបរិសុទ្ធថ្ងៃចុងក្រោយចាត់ទុកពាក្យ និងការបង្រៀនដ៏បំផុសគំនិតរបស់ពួកព្យាការីសម័យទំនើបថាជាព្រះគម្ពីរ ។ « ហើយអ្វីក៏ដោយដែលពួកគេនឹងនិយាយ កាលណាបណ្ដាលដោយព្រះវិញ្ញាណបរិសុទ្ធ នោះនឹងទៅជាបទគម្ពីរ » ( គោលលទ្ធិ និងសេចក្ដីសញ្ញា ៦៨:៤ ) ។
រឿងទាំងឡាយដែលត្រូវពិចារណា
-
សូមអាន អាលម៉ា ៣៧:៨–១០ ដោយស្វែងរកវិធីដែលព្រះគម្ពីរបានធ្វើឲ្យមានភាពខុសគ្នាក្នុងចំណោមប្រជាជននៅក្នុងជំនាន់របស់អាលម៉ា ។ តើអ្នកបានឃើញព្រះចេស្តារបស់ព្រះអង្គសង្រ្គោះនៅក្នុងជីវិតរបស់អ្នក និងជីវិតនៃអស់អ្នកដែលនៅជុំវិញអ្នកនៅពេលណា ? តើពរជ័យមួយណាដែលបានរាយក្នុងវគ្គបទគម្ពីរនេះដែលអ្នកសង្ឃឹមថា នឹងមកដល់ សម្រាប់ពេលនេះក្នុងជីវិតរបស់អ្នក ?
-
ព្យាការីនៃព្រះគម្ពីរមរមន លីហៃ និង នីហ្វៃ បានឃើញការនិមិត្តមួយដែលព្រះបន្ទូលរបស់ព្រះត្រូវបានតំណាងជាដំបងដែក ( សូមមើល នីហ្វៃទី១ ៨; ១១ ) ។ អ្នកអាចពិនិត្យជំពូកទាំងនេះឡើងវិញ ហើយពិចារណាអំពីហេតុអ្វីដំបងដែកគឺជានិមិត្តសញ្ញាសមរម្យមួយសម្រាប់បន្ទូលរបស់ព្រះ ។ តើព្រះគម្ពីរជាដំបងដែកសម្រាប់អ្នកនៅពេលណា ?
សកម្មភាពសម្រាប់ការរៀនសូត្រជាមួយអ្នកដទៃ
-
សូមពិចារណាមើលផ្នែកខ្លះ ឬវីដេអូទាំងមូល « Scriptures Legacy » ( នាទីទី ២២:២៩ ) ។ សូមអញ្ជើញក្រុមឲ្យចែកចាយដំណើររឿងមួយណាដែលធ្វើឲ្យពួកគេចាប់អារម្មណ៍បំផុត អំពីមនុស្សដែលបានជួយធ្វើឲ្យព្រះគម្ពីរមានសម្រាប់យើងនាពេលបច្ចុប្បន្ននេះ ។ តើដំណើររឿងទាំងនេះធ្វើឲ្យប៉ះពាល់ដល់អារម្មណ៍របស់យើងអំពីការសិក្សាព្រះគម្ពីរដោយរបៀបណា ?
ស្វែងយល់បន្ថែមទៀត
-
នីហ្វៃទី១ ១៩:២៣; នីហ្វៃទី៣ ២៣:១–៦, ១៤; មាត្រានៃសេចក្តីជំនឿ ១:៨–៩
-
សេចក្ដីណែនាំដល់បទគម្ពីរទាំងឡាយ « ព្រះគម្ពីរប៊ីប » « ព្រះគម្ពីរមរមន » « គោលលទ្ធិ និងសេចក្តីសញ្ញា » « មុក្តាដ៏មានតម្លៃមហិមា » នៅលើបណ្ណាល័យដំណឹងល្អ
-
រ័សុល អិម ណិលសុន « Scriptural Witnesses » Liahona ខែ វិច្ឆិកា ឆ្នាំ ២០០៧ ទំព័រ ៤៣–៤៥
-
ឌី ថត គ្រីស្តូហ្វឺសិន « The Blessing of Scripture » Liahona ខែ ឧសភា ឆ្នាំ ២០១០ ទំព័រ ៣២–៣៥
-
« The Scriptures, ‘Great Reservoirs of Spiritual Water’ » Teachings of Presidents of the Church: Harold B. Lee ( ឆ្នាំ ២០១១ ), ទំព័រ ៥៩-៦៨
ផ្នែកទី ៣
ការសិក្សាព្រះគម្ពីរអាចនាំមកនូវពន្លឺ និងសេចក្ដីពិតចូលទៅក្នុងជីវិតរបស់អ្នកបាន
ព្យាការីថ្ងៃចុងក្រោយទាំងអស់បានរំឭកយើងអំពីតម្លៃនៃការសិក្សាគម្ពីរ ។ ព្រះគម្ពីរក្លាយទៅជាព្រះពរដ៏មហិមាសម្រាប់មនុស្សទាំងអស់ដែលចំណាយពេលអាន និងរៀនពីព្រះគម្ពីរ ។ ពេលយើងសិក្សាពាក្យរបស់ព្យាការី នោះយើងអាចរៀនសេចក្ដីពិត ហើយទទួលការណែនាំមកពីព្រះវិញ្ញាណបរិសុទ្ធ ។ ព្រះអម្ចាស់បានព្រមានពួកបរិសុទ្ធតាំងពីដើមថា ៖ « ហើយពេលកន្លងមកហើយ នោះគំនិតរបស់អ្នកត្រូវបានងងឹត ពីព្រោះតែការឥតជំនឿ ហើយពីព្រោះអ្នកបានរាប់ការណ៍ទាំងឡាយដែលអ្នកបានទទួល ។… ប្រែចិត្ត ហើយនឹកចាំដល់សេចក្ដីសញ្ញាថ្មី គឺជាព្រះគម្ពីរមរមន ព្រមទាំងព្រះបញ្ញត្តិមុនៗ ដែលយើងបានប្រទានដល់ [ អ្នក ] » ( គោលលទ្ធិ និងសេចក្តីសញ្ញា ៨៤:៥៤,៥៧ ) ។ ព្រះគម្ពីរមានអំណាចក្នុងការបំបាត់ភាពងងឹតតាមរយៈពន្លឺខាងវិញ្ញាណដែលកើតឡើងតាមរយៈព្រះវិញ្ញាណបរិសុទ្ធនៅពេលយើងអាន និងសិក្សាព្រះគម្ពីរ ។
រឿងទាំងឡាយដែលត្រូវពិចារណា
-
នៅក្នុងព្រះគម្ពីរមរមន គ្រួសាររបស់លីហៃត្រូវបានដឹកនាំក្នុងដំណើររបស់ពួកគេឆ្លងកាត់ទីរហោស្ថានដោយដុំមូលមួយ ឬត្រីវិស័យមួយដែលហៅថា លីអាហូណា ។ នៅពេលដែលពួកគេបានអនុវត្តសេចក្តីជំនឿ និងការឧស្សាហ៍ព្យាយាម នោះលីអាហូណាបានបង្ហាញផ្លូវដែលពួកគេគួរធ្វើដំណើរ ។ សូមអាន អាលម៉ា ៣៧:៣៨–៤៧ ដោយស្វែងរករបៀបដែលព្រះគម្ពីរអាចបម្រើអ្នកនៅថ្ងៃនេះដូចដែលលីអាហូណាបានធ្វើសម្រាប់គ្រួសាររបស់លីហៃ ។ តើយើងអាចធ្វើអ្វីខ្លះដើម្បីទទួលបានអត្ថប្រយោជន៍ខាងវិញ្ញាណទាំងអស់នៃព្រះគម្ពីរ ឬបន្ទូលរបស់ព្រះគ្រីស្ទ ?
-
ការទន្ទេញចាំពីវគ្គបទគម្ពីរនៃព្រះគម្ពីរអាចផ្ដល់នូវជំនួយខាងវិញ្ញាណ និងអំណាចក្នុងគ្រាដែលត្រូវការ ។ រំឭកសុន្ទរកថា របស់អែលឌើរ រីឆាដ ជី ស្កតឡើងវិញ « The Power of Scripture » តើអ្នករៀនអ្វីខ្លះមកពីសុន្ទរកថានេះដែលអាចដឹកនាំឲ្យអ្នកកែតម្រូវវិធីសាស្រ្តក្នុងការសិក្សាព្រះគម្ពីររបស់អ្នក ?
សកម្មភាពសម្រាប់ការរៀនសូត្រជាមួយអ្នកដទៃ
-
មានពរជាច្រើនដែលបានសន្យាដែលទាក់ទងនឹងការសិក្សាព្រះគម្ពីរ ។ សូមមើលពរជ័យផ្សេងៗទៀតដែលបានសន្យាក្នុងវគ្គបទគម្ពីរខាងក្រោមនេះ ហើយពិភាក្សាអំពីរបៀបដែលអ្នកបានឃើញពរជ័យទាំងនោះបានសម្រេច ៖
ស្វែងយល់បន្ថែមទៀត
-
« Power of the Word » Teachings of Presidents of the Church: Ezra Taft Benson ( ឆ្នាំ ២០១៤ ) ទំព័រ ១១៥–១២៤
-
« Liken All Scriptures » ( វីដេអូ ),នៅលើបណ្ណាល័យដំណឹងល្អ
-
« The Scriptures—The Most Profitable of All Study » Teachings of Presidents of the Church: Howard W. Hunter ( ឆ្នាំ ២០១៥ ), ទំព័រ ១៤៣-១៥៣
-
« Discovering the Scriptures for Ourselves » Teachings of Presidents of the Church: Spencer W. Kimball ( ឆ្នាំ ២០១១ ) ទំព័រ ៥៩-៦៨