1

Pagpakita og Hugot nga Pagtuo diha ni Jesukristo

Pamalandungi:Sa unsang paagi nga ang akong hugot nga pagtuo diha ni Jesukristo makaapekto sa akong pagka-self-reliant?

“Exercise Faith in Jesus Christ” (naa sa srs.lds.org. Kon kamo walay access sa video, basaha ang script sa sunod nga pahina.)

Hisguti:Unsa ang inyong mahimo sa pagpakita og hugot nga pagtuo diha ni Jesukristo nga makatabang ninyo nga mas mahimong self-reliant?

Basaha:Basaha ang Doktrina ug mga Pakigsaad 104:15 (naa sa tuo).

“Ug mao kini ang akong katuyoan sa paghatag sa akong mga santos.”

Doktrina ug mga Pakigsaad 104:15

Praktisa:Pagpili og usa ka pamahayag sa ubos ug basaha kini nga kamo ra. Hunahunaa kon sa unsang paagi nga ang kasulatan inyong magamit samtang nagtinguha kamo nga mahimong self-reliant. Ipakigbahin ang inyong mga hunahuna ngadto sa grupo.

Mga Kasulatan mahitungod sa Hugot nga Pagtuo inubanan sa Buhat
Tungod kay si Daniel dili mohunong sa pag-ampo, gihulog siya ngadto sa langub sa mga leon, apan ang “Dios … nagpadala sa iyang manulonda, ug … gitak-uman ang ba-ba sa mga leon, … ug walay kadaut nga hikaplagan diha kaniya, tungod kay siya misalig man diha sa iyang Dios.” Daniel 6:22–23 (Tan-awa usab sa mga bersikulo 16–21)
“Ang tanang butang mahimo ngadto sa magatuo. … Ang bata daw patay. … Apan gigunitan siya ni Jesus diha sa kamot, ug iyang gibangon siya; ug siya mitindog.” Marcos 9:23, 26–27 (Tan-awa usab sa mga bersikulo 17–22, 24–25)
“Pangamuyo alang sa inyong mga panon sa umahan, nga sila mosanay.” Alma 34:25
Ang Ginoo mihatag kang Lehi sa Liahona aron mogiya sa iyang pamilya, ug “kini milihok alang kanila sumala sa ilang hugot nga pagtuo diha sa Dios. … [Kon] sila mga tapulan, ug nakalimot sa pagbansay sa ilang hugot nga pagtuo ug kakugi … sila wala mouswag diha sa ilang panaw.” Alma 37:40–41
“Dad-a ninyo ang tibuok ikapulo ngadto sa balay tipiganan … ug pinaagi niini sulayi ako karon … kon dili ba buksan ko kaninyo ang mga tamboanan sa langit, ug bu-boan ko kamo sa panalangin, sa pagkaagi nga wala na unyay dapit nga igong kabutangan sa pagdawat niini.” Malaquias 3:10
Atol sa kagutom, si Elijah mihangyo sa usa ka biyuda nga ihatag kaniya ang iyang katapusang pagkaon. Si Elijah misaad nga tungod sa iyang hugot nga pagtuo ang Ginoo mohatag kaniya og pagkaon, ug ang iyang pagkaon wala gayud mahurot. Tan-awa sa 1 Mga Hari 17
“Ug … gipakaon ikaw niya sa mana [sulod sa 40 ka tuig] … aron sa pagpahibalo kanimo nga ang tawo dili mabuhi sa tinapay lamang, kondili sa tagsa-tagsa ka butang nga magagula gikan sa ba-ba sa Ginoo.” Deuteronomio 8:3

Praktisa:Pagsulat og duha ka mga paagi nga inyong mapakita ang hugot nga pagtuo diha ni Jesukristo:

I-commit [Ipasalig]:Atol sa semana, pamalandunga ang nahabiling mga pamahayag ug mga kasulatan sa ibabaw, ug ipasalig nga buhaton ang mosunod nga mga aksyon. I-tsek ang mga box kon makompleto ninyo ang matag buluhaton:

• Praktisa ang pagpakita og hugot nga pagtuo diha ni Jesukristo kada adlaw.

• Itudlo kini nga baruganan sa inyong pamilya.

“Diha sa ika-katorse nga kapitulo sa Exodo ang mga anak ni Israel [mitunglo] kang Moises tungod sa pagdala kanila—nga daw wala sa katarungan—ngadto sa Pulang Dagat [tungod kay wala nay kaikyasan]. Sa pag-atubang nila sa Pulang Dagat, nga ang kasundalohan ni Paraon diha sa ilang luyo, wala sila magdahum … nga makakita og pig-ot nga dalan nga namugna nga wala pa gayud mamugna kaniadto. Apan nahitabo kini!”

Neal A. Maxwell, “On the Straight and Narrow Way,” New Era, Ago. 1971, 42

Exercise Faith in Jesus Christ

Kon dili mo makatan-aw sa video, basaha kini nga script.

ELDER BEDNAR: Ang pagbuhat mao ang pagpakita sa hugot nga pagtuo. Ang mga anak sa Israel nagdala sa arka sa pakigsaad. Miabut sila sa Suba sa Jordan. Ang saad mao nga sila motabok agi sa uga nga yuta. Kanus-a man nabahin ang tubig? Sa dihang ang ilang mga tiil nabasa. Milakaw sila ngadto sa tubig---mibuhat. Ang gahum misunod---ang tubig nabahin.

Kita usahay nagtuo, “Okey, makabaton ko niining hingpit nga kahibalo, ug dayon mausab ko kana ngadto sa unsay akong himoon.” Mosugyot ko nga kita aduna nay igong butang aron magsugod. Kita aduna nay hustong padulngan. Ang hugot nga pagtuo usa ka baruganan---ang baruganan---sa pagbuhat ug sa gahum. Ang tinuod nga hugot nga pagtuo nakatutok diha ni Ginoong Jesukristo ug kanunay nga moresulta sa pagbuhat.

(David A. Bednar, “What Must I Do?” [Leadership Pattern video, 2014]; David A. Bednar, “Seek Learning by Faith” pakigpulong ngadto sa mga religious educator sa Church Educational System, Peb. 3, 2006], lds.org/media-library)