Katapusang Kalihokan

Padayon ug Moserbisyo

Pamalandungi:Base sa kasulatan ug kinutlo nga naa sa tuo, sa unsang paagi nga ang magawagtang sa atong kaugalingon diha sa pagserbisyo sa uban sa pagkatinuod makaluwas kanato?

“Kay bisan kinsa nga buot magpatunhay sa iyang kinabuhi mawagtangan hinoon siya niini; ug bisan kinsa nga magawagtang sa iyang kinabuhi tungod kanako makakaplag siya niini.”

Mateo 16:25

“Kon kamo anaa sa pag-alagad sa inyong mga isigkatawo kamo anaa lamang sa pag-alagad sa inyong Dios.”

Mosiah 2:17

“Ang tuyo sa temporal ug espirituhanon nga pagbarug sa kaugalingon mao ang paglig-on sa atong kaugalingon aron makatabang kita sa uban nga nanginahanglan.”

Robert D. Hales, “Pag-ila sa Kaugalingon: Ang Sakrament, ang Templo, ug Sakripisyo sa Pagserbisyo,” Ensign o Liahona, Mayo 2012, 36

Basaha:Karon nga nakakompleto na mo sa My Foundation, amo kamong gidapit sa pagkonsiderar pag-usab sa tambag diha sa baruganan 7. Si Presidente Uchtdorf miingon:

“Ang dili hinakog nga mga buhat sa serbisyo ug pagpahinungod mohapsay sa atong mga espiritu, motangtang sa mga himbis gikan sa atong espirituhanong mga mata, ug moabli sa mga bintana sa langit. Diha sa pagkahimong tubag sa pag-ampo sa uban, kanunay natong makaplagan ang tubag sa atong kaugalingon.”

Dieter F. Uchtdorf, “Naghulat diha sa Dalan sa Damasco,” Ensign o Liahona, Mayo 2011, 76

Hisguti:Sa unsa nga paagi nga ang pagserbisyo sa uban makaabli sa “mga bintana sa langit” sa inyong kinabuhi?

Praktisa:Paghimo og plano kauban ang inyong grupo o pamilya sa pagbuhat sa usa sa mosunod:

1. Mopahigayon og service project diha sa inyong komunidad. Mahimo kamong moserbisyo sa masakiton sa ospital, magdala og pagkaon ngadto sa orphanage, o mopili og laing kalihokan.

2. Mobisita sa kinaduolan nga family history center sa Simbahan kauban ang inyong pamilya. Dayon moadto sa templo ug mopahigayon og sagrado nga mga ordinansa alang sa mga sakop sa pamilya nga namatay na.

3. Moboluntaryo sa self-reliance center o moserbisyo isip facilitator sa grupo. Tinagsa-tagsa nga mag-mentor og laing tawo sa ilang dalan paingon sa self-reliance.