6

Sulbara ang mga Problema

Pamalandungi:Nganong mibati man kamo nga ang Langitnong Amahan mitugot kanato nga mosagubang og mga problema ug mga hagit?

Tan-awa:“Solve Problems and Make Decisions” (Walay video? Basaha ang sunod nga pahina.)

Hisguti:Unsay gibuhat ni Karnero aron tabangan si Baboy nga masulbad ang iyang problema? (Hunahunaa kon giunsa niya pagtabang kaniya nga mailhan ang tinuod nga problema, sa pagtan-aw sa iyang mga opsyon, ug dayon sa pagdesisyon ug paglihok.)

Basaha:Ether 2 ug 3 (basaha lamang ang mga kinutlo nga naa sa tuo)

“Ang igsoon nga lalaki ni Jared nangamuyo ngadto sa Ginoo, nag-ingon … ako nakahimo sa mga kasko … [ug] diha kanila walay kahayag. … Ug ang Ginoo miingon … Unsa ang buot nimo nga Ako kinahanglan mobuhat … ? [Ug ang igsoon nga lalaki ni Jared] mitunaw gikan sa usa ka bato og napulo ug unom ka gagmay nga mga bato … ug nangamuyo pag-usab ngadto sa Ginoo, nag-ingon … ako nasayud, O Ginoo, nga ikaw nagbaton sa tanan nga gahum. … Busa hikapa kini nga mga bato … nga sila mahimo nga mohayag diha sa ngitngit.”

Ether 2:18–19, 23; 3:1, 4

Hisguti:Unsa ang gibuhat sa igsoon nga lalaki ni Jared aron masulbad ang iyang problema?

Praktisa:Sa ubos mao ang tulo ka mga lakang nga inyong mabuhat aron masulbad ang tanang matang sa mga problema inubanan sa pag-ampo ug hugot nga pagtuo. Basaha ug hisguti kini kauban ang usa ka sakop sa grupo. Kada usa ninyo kinahanglang motino og piho nga problema nga inyong gisagubang ug buhata ang mga lakang.

Sulbara ang mga Problema

❶

Ilha

Unsa ang tinuod nga problema?

❷

Mga Opsyon sa Pagtuon

Unsa ang posible nga mga solusyon?

Unsa ang pinakamaayo?

❸

Modesisyon ug Molihok

Mag-ampo alang sa giya. Modesisyon. Dayon molihok inubanan sa hugot nga pagtuo. Maayo ang mga resulta? Kon dili, sulayi pag-usab ang step 1–3.

Ayaw paghunong!

Praktisa:Pagpili og problema nga inyong gisagubang isip pamilya ug isulat kini dinhi:

Atol sa semana, trabahoa kini nga problema kauban ang inyong pamilya. Hinumdumi, ayaw paghunong! Nagkinahanglan og panahon ang pagsulbad sa mga problema ug ang paghimo og mga kausaban.

I-commit:I-commit nga himoon ang mosunod nga buluhaton sa semana. I-tsek ang mga box kon makompleto ninyo ang matag buluhaton:

• Praktisa ang mga lakang sa pagsulbad sa problema nga inyong gisulat sa ibabaw.

• Itudlo kini nga baruganan sa inyong pamilya.

• Padayuna pagpraktis ang miaging mga baruganan sa foundation.

“Ang mamugnaong mga pamaagi usahay gikinahanglan aron mapahiangay sa lokal nga mga kahimtang. Kita dunay kinatibuk-ang mga lagda ug mga baruganan, apan ang Ginoo naglaum nga kita makatabang og sulbad sa atong kaugalingong mga problema. … Kita dunay hunahuna, dunay pangatarungan nga mga tawhanong nilalang. Kita dunay abilidad sa pag-ila sa atong mga panginahanglan, sa pagplano, sa pagtakda og mga tumong, ug sa pagsulbad sa atong mga problema. … Kasagaran ang mga tawo mohangup sa mga ideya, mga imbensyon, ug mga pamaagi sa kinabuhi nga dili mosalir. Ang mamugnaong pamaagi usa ka disiplinado nga pamaagi aron matubag ang mga panginahanglan sa kinabuhi.”

Robert D. Hales, “Every Good Gift,” New Era, Ago. 1983, 8–9

Tip alang sa Facilitator

Dugangi og kadasig ang panaghisgutan. Paapila ang tanan.

Solve Problems and Make Decisions

Kon dili mo makatan-aw sa video, pagpili og mga tahas ug basaha kini nga script.

BABOY: Gigutom ko!! Wala ang mag-uuma. Ang iyang anak tapulan ug wala koy makaon! Unsa man ang akong buhaton?

KARNERO: Baboy? Baboy! Unsa ang problema?

BABOY: Problema? Problema? Klaro, dili ba? Gigutom ko!

KARNERO: Hmmm. Dili kana imong problema.

BABOY: Ha? Unsay buot nimong ipasabut? Gigutom ko! Ug kanang tapulan nga bata wala magbuhat sa iyang trabaho.

KARNERO: Tinuod, pero iya nang problema. Ang imong problema mao, Asa man ka moadto aron makakita og pagkaon?

BABOY: Ako? Mangita og pagkaon?

KARNERO: Sakto. Unsa ang imong mga opsyon?

BABOY: Magpabilin lang ko diri ug maghulat!

KARNERO: Usa kana ka opsyon. Kumusta man kana?

BABOY: Bitaw. … Humph. … Kon makagawas lang ko diri, siguro makakita ko og pagkaon sa pundok sa basura.

KARNERO: Lain kana nga opsyon. Akong nabantayan nga kanang bataa mibiya sa imong gate nga wala trangkahe.

BABOY: Oo, pero wala pa lang gyud ko kabiya dinhi. Ug basin walay pagkaon didto.

KARNERO: Siguro panahon na aron modesisyon ug molihok—magpabilin o mobiya.

BABOY: Okey. Problema ni nako, di ba?

KARNERO: Oo.

BABOY: Ug ang pundok sa basura ang akong labing maayo nga opsyon.

KARNERO: Kon mao kana sa imong paminaw.

BABOY: Busa kinahanglan kong modesisyon ug molihok.

KARNERO: Morag ingon ana.

BABOY: Sige. … Okey. … Nan, … nia na. [Nagsugod og kaon.] Hoy, Karnero, lami kini.

KARNERO: Maayo hinoon, Baboy!