5

Buhata: Angkuna ang Responsibilidad

Pamalandungi:Ngano man nga inyong gibati nga ang Langitnong Amahan gusto nga atong angkunon ang personal nga responsibilidad alang sa atong kinabuhi?

Tan-awa:“Sedrick’s Journey” (Walay video? Basaha ang sunod nga pahina.)

Hisguti:Giunsa ni Sedrick paggamit ang iyang kabubut-on ug pag-angkon sa responsibilidad alang sa iyang kaugmaon? Unsay mahitabo kang Sedrick kon iyang gibasol ang laing tawo tungod sa iyang mga hagit?

Basaha:2 Nephi 2:16, 26; Doktrina ug mga Pakigsaad 42:42 (naa sa tuo)

“Busa, ang Ginoong Dios mihatag ngadto sa tawo nga siya molihok alang sa iyang kaugalingon … [ug ang kalalakin-an ug kababayen-an gawasnon] sa pagbuhat alang sa ilang mga kaugalingon ug nga dili pagaaghaton.”

2 Nephi 2:16, 26

“Dili kamo magtinapulan; kay siya nga tapulan dili makakaon sa pan ni makasul-ob sa mga saput sa mamumuo.”

Doktrina ug mga Pakigsaad 42:42

Praktisa:Atubanga ang usa ka sakop sa grupo nga duol ninyo. Magdungan, basaha ang pamahayag ni Propeta Joseph Smith nga naa sa ubos. Iyang gihulagway ang iyang personal nga sitwasyon samtang nagdako. Hisguti kini nga mga pangutana:

• Unsa man ang iyang temporal nga sitwasyon?

• Unsa ang inyong nakat-unan bahin sa self-reliance gikan sa mga pulong sa Propeta?

• Unsa man ang gipasabut sa Propeta sa “kanunay nga pagtrabaho”?

“Kay ang pagkabutang sa akong amahan kabahin sa kalibutanon nga mga panginahanglan kulang kaayo, napugos kami sa pagtrabaho, nagpasuhol sa inadlaw nga buluhaton, kon kami makahigayon. Usahay kami anaa ra sa panimalay, usahay sa lain nga dapit, ug pinaagi sa kanunay nga pagtrabaho nakabaton og hamugaway nga panginabuhi.“

Joseph Smith—Kasaysayan 1:55

Praktisa:Hunahunaa kon unsaon sa pag-angkon og dugang nga personal nga responsibilidad alang sa inyong pagka-self-reliant. Pagsulat og duha o tulo ka mga kausaban nga gusto ninyong himoon sa inyong mga binuhatan o mga kinaiya.

I-commit:I-commit nga himoon ang mosunod nga buluhaton sa semana. I-tsek ang mga box kon makompleto ninyo ang matag buluhaton:

• Praktisa ang pag-angkon og responsibilidad kada adlaw.

• Itudlo kini nga baruganan sa inyong pamilya.

• Padayuna pagpraktis ang miaging mga baruganan sa foundation.

“Ang Dios midesinyo niining mortal nga kinabuhi nga nagkinahanglan og kanunay nga paningkamot. … Pinaagi sa pagtrabaho kita makapatunhay ug makapalambo sa kinabuhi. … Ang pagtrabaho makatukod ug makahas-has sa kinaiya, makamugna og katahum, ug mao ang instrumento sa atong pagserbisyo sa usag usa ug sa Dios. Ang gipahinungod nga kinabuhi puno sa buhat, usahay balik-balik, … usahay wala mahatagi og bili apan kanunayng nagbuhat niadtong makapalambo, … makapabayaw, [ug] makapadasig.

D. Todd Christofferson, “Mga Hulagway sa Gipahinungod nga Kinabuhi,” Ensign o Liahona, Nob. 2010, 17

Sedrick’s Journey

Kon dili mo makatan-aw sa video, basaha kini nga script.

man carrying bananas on bicycle

SEDRICK: Ako si Sedrick Kambesabwe. Nagpuyo ko sa Democratic Republic of the Congo. Usa ko ka miyembro sa LDS nga Simbahan.

Usa ko ka branch missionary sa barangay sa Kipusanga. Kinahanglan kong mangandam alang sa pagmisyon sa gawas sa nasud. Aron makamisyon, kinahanglan ko og passport, nga nagkantidad na karon og 250 US dollars.

Aron makakwarta, ang akong papa ug ako mamalit og saging. Ang pipila ka mga barangay dunay abut nga daghang saging: ang Tishabobo, Lusuku, ug Kamanda.

Ang Tishabobo mga 9 ka milyas gikan dinhi. Ang Lusuku 18 ka milyas. Ang Kamanda 18 usab. Moadto mi didto ug mamalit og saging, ug amo kining dad-on og balik dinhi aron ibaligya.

Sa pag-adto sa mga barangay magbisikleta mi. Makadala mi og upat o unom ka bulig nga saging.

Kon magbisikleta ko, moabut kini og usa ka oras ug tunga kada biyahe, kon ang bisikleta maayo ug duna pa koy kusog. Kon udto na ug grabe gyud ang kainit, hinay kong mopadagan tungod sa init ug sa adlaw.

Makahimo ko og duha ka biyahe kada adlaw kon sayo kaayo kong mobangon. Maayo kini nga paagi aron makatabang ko og bayad sa akong passport.

Karon duna na koy kinitaan, sa ginagmay-gagmay lang, aron ko makatigum alang sa galastuhan sa eskwelahan ug sa misyon. Ug karon, human sa upat ka tuig nga pagtrabaho, duna na koy igong kwarta alang sa akong passport, plus 70 dollars nga natigum.