9

Molahutay

Pamalandungi:Unsaon nato sa pagkat-on nga magpadayon sa pagtrabaho sa usa ka buluhaton hangtud nga mahuman kini?

Tan-awa:“Only a Stonecutter” (Walay video? Basaha ang sunod nga pahina.)

Hisguti:Unsaon nato sa pagkat-on nga magpadayon gihapon bisan kon kini lisud? Sa unsang paagiha nga ang pagsalig diha sa Ginoo makaapekto sa atong abilidad nga molahutay?

Basaha:Pamahayag ni Presidente Faust; Mga Hebreohanon 12:1; Doktrina ug mga Pakigsaad 58:4 (naa sa tuo)

“Ang paglahutay mapakita niadtong kinsa … dili mohunong bisan kon ang uban moingon nga, ‘Dili gyud kini mahimo.’”

James E. Faust, “Paglahutay,” Ensign o Liahona, Mayo 2005, 51

“Dalaganon ta nga malahutayon ang lumba nga atong ginaapilan.”

Mga Hebreohanon 12:1

“Kay human sa daghan nga kalisdanan moabut ang mga panalangin.”

Doktrina ug mga Pakigsaad 58:4

Praktisa:Magtinabangay aron makakat-on niining sumbanan sa paglahutay ug pagbuntog sa mga hagit:

• Isip grupo, basaha ang kada lakang diha sa sumbanan sa ubos.

• Atubanga ang usa ka tawo diha sa grupo. Pangutan-a ang usag usa kon duna bay katungdanan o buluhaton nga ilang giatubang nga lisud kaayo.

• Tabangi ang usag usa nga maagian ang upat ka mga lakang sa ubos, maghisgut bahin sa kalisud sa katungdanan o buluhaton.

• Mo-commit sa usag usa nga kamo molahutay—nga kamo magpadayon hangtud nga ang katungdanan o buluhaton mahuman og tarung.

➊

Pagbaton og Positibo nga Kinaiya

Ilista ang inyong mga panalangin.

➋

Hinumdumi nga Magtinabangay

Hangyoa ang mga higala, mga kaubanan, mga sakop sa grupo, ug ang uban alang sa tabang.

➌

Pulihi ang Kahadlok og Hugot nga Pagtuo

Likayi ang pagduha-duha. Hinumdumi nga anaa sa Ginoo ang tanang gahum. Sangpita Siya ug dawata ang Iyang kabubut-on.

➍

Padayon inubanan sa Pailub ug Kaisug

Ayaw ug ayaw gyud paghunong; lahutay inubanan sa hugot nga pagtuo.

“Ayaw pagpabiktima sa tintasyon nga milaang nila ni Laman ug Lemuel. Sa dihang nakadawat sila sa bug-at nga buluhaton sa pagkuha sa mga palid ni Laban, ang rekord nagpakita nga sila mibagulbol, nag-ingon nga lisud kadtong butang nga gisugo nga ilang buhaton. Ug nawala kanila ang ilang oportunidad ug ang ilang ganti. Hinoon, himoa ang inyong kinaiya sama nianang sa ilang igsoon, nga si Nephi: ‘Ako moadto ug mobuhat sa mga butang nga ang Ginoo nagsugo’ (tan-awa sa 1 Nephi 3:5–7).”

Thomas S. Monson, Teachings of Thomas S. Monson (2011), 54

Praktisa:Pagpili og hagit nga giatubang sa inyong pamilya. Gamita ang sumbanan sa ibabaw ug pagtino og duha o tulo ka mga paagi nga makapadayon mo inubanan sa hugot nga pagtuo, mosalig nga ang Dios mosangkap:

I-commit:I-commit nga himoon ang mosunod nga buluhaton sa semana. I-tsek ang mga box kon makompleto ninyo ang matag buluhaton:

• Praktisa ang paglahutay diha sa mga paagi nga inyong gitino sa ibabaw.

• Itudlo kini nga baruganan sa inyong pamilya.

• Padayuna pagpraktis ang miaging mga baruganan sa foundation.

“Ang atong responsibilidad mao ang pagbarug gikan sa pagka-ordinaryo ngadto sa pagkabanggiitan, gikan sa kapakyasan ngadto sa kalampusan. Ang atong buluhaton mao ang mahimong pinakamaayo sa atong kaugalingon. Usa sa labing mahinungdanong gasa sa Dios ngari kanato mao ang kalipay nga mosulay pag-usab, kay walay kapakyasan ang angay gayud nga maoy katapusan.”

Thomas S. Monson, “The Will Within,” Ensign, Mayo 1987, 68

Only a Stonecutter

Kon dili mo makatan-aw sa video, basaha kini nga script.

ELDER HOLLAND: Si John R. Moyle usa ka pioneer gikan sa England kinsa mitabok sa Estados Unidos nga nagguyod og kariton. Mipuyo siya sa Alpine, Utah, mga 22 ka milya (35 kilometro) gikan sa Templo sa Salt Lake.

Si Brigham Young mitawag ni Brother Moyle nga mahimong chief superintendent sa masonry atol sa pagtukod sa Templo sa Salt Lake.

Aron masiguro nga anaa na siya sa trabaho inigka-alas 8:00 sa buntag kada Lunes, si Brother Moyle magsugod og lakaw sa 22 ka milya mga alas 2:00 sa kaadlawon. Iyang humanon ang iyang trabaho sa semana sa alas 5:00 sa hapon ma-Biyernes ug dayon magsugod og lakaw pauli sa balay, moabut didto hapit na tungang gabii. Kada semana iyang sublion kanang iskedyul sulod sa dul-an sa 20 ka tuig atol sa pagtukod sa templo.

Kausa sa dihang nauli siya sa balay sa katapusan sa semana, usa sa iyang mga baka miiktin atol sa pagkuha og gatas ug mipatid ni Brother Moyle diha sa bitiis, migupok sa bukog ubos gamay sa tuhod.

Wala silay maayong tabang medikal sa umahan, busa ang iyang pamilya ug mga higala mitangtang sa mga bisagra sa pultahan ug gihimo kini nga lamesa ug gigaid siya didto aron operahan. Mikuha dayon sila og gabas nga pangputol og mga sanga sa kahoy ug giputol ang iyang bitiis pipila ka pye ubos sa tuhod.

Sa dihang sa katapusan ang bitiis nagsugod na sa pagkaayo, si Brother Moyle mikuha og piraso sa kahoy ug gihimo kining artipisyal nga bitiis. Una naglakaw-lakaw lang siya sa balay. Dayon naglakaw-lakaw na siya libut sa nataran. Sa katapusan misulay siya og gawas libut sa iyang luna nga gipanag-iya.

Sa dihang iyang gibati nga maagwanta na niya ang sakit, iyang gigaid ang iyang kahoy nga bitiis, milakaw sa 22 ka milya ngadto sa Templo sa Salt Lake, mikatkat sa damba, ug gunit ang silsil mikulit sa pamahayag nga “Pagkabalaan ngadto sa Ginoo.”

(Tan-awa usab sa Jeffrey R. Holland, “As Doves to Our Windows,” Ensign, Mayo 2000, 76–77.)